Muddhu Sose:ಕಲರ್ಸ್‌ನಲ್ಲಿ ಆರಂಭವಾಗ್ತಿರುವ ಮುದ್ದು ಸೊಸೆ ಸೀರಿಯಲ್‌ನ ಕಥೆ & ಕಲಾವಿದರ ಲಿಸ್ಟ್!

ಅಂತರಪಟ ಹಾಗೂ ದೊರೆಸಾನಿ ಸೀರಿಯಲ್‌ಗಳಲ್ಲಿ ಫೋಷಕ ಪಾತ್ರದಲ್ಲಿ ನಟಿಸಿದ್ದ ಪ್ರತಿಮಾ ಈ ಸೀರಿಯಲ್‌ನಲ್ಲಿ ನಾಐಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಅಂತರಪಟದಲ್ಲಿ ನಟಿಸುವಾಗಲೇ ತೆಲುಗಿನ 'ಸಿವಂಗಿ' ಸೀರಿಯಲ್‌ನಲ್ಲಿ ನಾಯಕಿಯಾಗಿ ನಟಿಸುವ ಅವಕಾಶ ಗಿಟ್ಟಿಸಿಕೊಂಡಿದ್ದ ಪ್ರತಿಮಾ, ಆನಂದಿಯಾಗಿ ತೆಲುಗು ಪ್ರೇಕ್ಷಕರ ಮನಗೆದ್ದಿದ್ದರು. ಇದೀಗ ಮುದ್ದು ಸೊಸೆಯಾಗಿ ಕನ್ನಡಕ್ಕೆ ಮರಳಿದ್ದಾರೆ. ಮುದ್ದು ಸೊಸೆಯಲ್ಲಿ ಅವರು 'ವಿದ್ಯಾ' ಎಂಬ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಹರಿಣಿ ಶ್ರೀಕಾಂತ್ ನಾಯಕಿಯ ತಾಯಿಯಾಗಿ ಕಾಣಿಸಿಕೊಂಡಿದ್ದಾರೆ.

ಮುದ್ದು ಸೊಸೆ ಧಾರಾವಾಹಿಯಲ್ಲಿ ಬಿಗ್‌ಬಾಸ್‌ ಕನ್ನಡ ಸೀಸನ್ ೧೧ರ ರನ್ನರ್ ಅಪ್ ತ್ರಿವಿಕ್ರಮ್ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಬಿಗ್‌ಬಾಸ್‌ ಬಳಿಕ ತ್ರಿವಿಕ್ರಮ್ ಸಿನಿಮಾದಲ್ಲಿ ನಟಿಸಬಹುದು ಅಂತ ಫ್ಯಾನ್ಸ್ ಊಹಿಸಿದ್ದರು. ಆದ್ರೀಗ ಅವರು ಕನ್ನಡ ಕಿರುತೆರೆಗೆ ಮರಳಿದ್ದಾರೆ. ತ್ರಿವಿಕ್ರಮ್ ಈ ಹಿಂದೆ ಪದ್ಮಾವತಿ ಎಂಬ ಸೀರಿಯಲ್‌ನಲ್ಲಿ ಅದ್ಭುತವಾಗಿ ನಟಿಸುವ ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದರು.

ಸ್ಕೂಲ್‌ ಬೆಂಚ್‌ನಿಂದ ಹಸೆಮಣೆಗೆ ಎಂಬ ಟ್ಯಾಗ್‌ಲೈನ್‌ನೊಂದಿಗೆ ಮುದ್ದು ಸೊಸೆ ಆರಂಭವಾಗ್ತಿದೆ. ಇನ್ನೂ ಶಿಕ್ಷಣ ಪಡೆಯುತ್ತಿರುವ ವಿದ್ಯಾ, ಸ್ಕೂಲ್‌ಗೆ ಟಾಪರ್ ಆಗಿರುತ್ತಾಳೆ. ಜೊತೆಗೆ ಡಾಕ್ಟರ್ ಆಗಬೇಕೆಂಬ ಕನಸು ಕಂಡಿರುತ್ತಾಳೆ. ಹೀಗಿರುವಾಗಿ ಒಂದು ಆಕೆಯ ತಂದೆ ಅಜ್ಜಿಗೆ ಅನಾರೋಗ್ಯದ ನೆಪ ಹೇಳಿ ಮನೆಗೆ ಕರೆದುಕೊಂಡು ಹೋಗ್ತಾರೆ. ವಿದ್ಯಾ ಮನೆಗೆ ಬಂದು ನೋಡಿದ್ರೆ ಹೆಣ್ಣು ನೋಡುವ ಶಾಸ್ತ್ರಕ್ಕೆ ತಯಾರಿ ನಡೆಯುತ್ತಿರುತ್ತದೆ. ಕಥಾ ನಾಯಕ ತ್ರಿವಿಕ್ರಮ್‌ಗೂ ವಿದ್ಯಾ ಇಷ್ಟವಾಗ್ತಾಳೆ. ಕೊನೆಗೆ ಎರಡು ಮನೆಯವರು 'ಮದುವೆ ಬಳಿಕ ವಿದ್ಯಾಳನ್ನು ಶಾಲೆಗೆ ಕಳುಹಿಸುವುದು ಬೇಡ' ಎಂಬ ನಿರ್ಧಾರಕ್ಕೆ ಬರ್ತಾರೆ. ಮುಂದೆ ನಾಯಕ ತ್ರಿವಿಕ್ರಮ್ ಆಕೆಯನ್ನು ಸ್ಕೂಲಿನ ಕಳುಹಿಸುತ್ತಾನಾ? ಇಲ್ಲವಾ? ಮುಂದೆನಾಗುತ್ತದೆ ಎಂಬುದು ಈ ಧಾರಾವಾಹಿ ಕಥೆ.

ಮುದ್ದು ಸೊಸೆ ಧಾರಾವಾಹಿಗೆ ಜೊತೆ ಜೊತೆಯಲಿ ಖ್ಯಾತಿಯ ಮೇಘ ಶೆಟ್ಟಿ ಬಂಡವಾಳ ಹೂಡುತ್ತಿದ್ದಾರೆ. ಈ ಹಿಂದೆ ಕೆಂಡಸಂಪಿಗೆ ಹಾಗೂ ಗೌರಿ ಶಂಕರ ಎಂಬ ಸೀರಿಯಲ್‌ಗಳನ್ನು ಮೇಘ ನಿರ್ಮಾಣ ಮಾಡಿದ್ದರು. ಇದೀಗ ಮುದ್ದು ಸೊಸೆ ನಿರ್ಮಿಸುತ್ತಿರುವುದಾಗಿ ಅವರು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.