ಮೈ ಆಟೋಗ್ರಾಫ್ ಟು ಮಾಣಿಕ್ಯ: ಸುದೀಪ್ ನಿರ್ದೇಶನದ ಕನ್ನಡ ಸಿನಿಮಾಗಳಿವು!

ಸುದೀಪ್ ಮೊದಲ ಬಾರಿಗೆ ನಿರ್ದೇಶನ ಮಾಡಿದ ಚಿತ್ರ ಮೈ ಅಟೋಗ್ರಾಫ್. ನಿರ್ದೇಶನ ಮಾತ್ರವಲ್ಲದೇ ಕಿಚ್ಚ ಕ್ರಿಯೇಷನ್ಸ್ ಅಡಿಯಲ್ಲಿ ನಿರ್ಮಾಣ ಕೂಡ ಮಾಡಿದ್ದರು. ಈ ಚಿತ್ರ ಉತ್ತಮ ಪ್ರತಿಕ್ರಿಯೆ ಪಡೆದು 175 ದಿನಗಳ ಕಾಲ ಪ್ರದರ್ಶನ ಕಂಡಿತು.

ಹಿಂದಿಯ ಬೇವರ್ಚಿ ಚಿತ್ರದ ರಿಮೇಕ್ ಆದ ಈ ಚಿತ್ರ 1991 ರಲ್ಲಿ ಕನ್ನಡದಲ್ಲಿ ಸಕಲಕಲಾ ವಲ್ಲಭ ಹೆಸರಿನಿಂದ ಬಿಡುಗಡೆಯಾಗಿತ್ತು. ಈ ಚಿತ್ರದಲ್ಲಿ ಸುದೀಪ್ ನಟನೆ, ನಿರ್ದೇಶನದೊಂದಿಗೆ ನಿರ್ಮಾಣ ಕೂಡ ಮಾಡಿದರು. ಸಾಹಸಸಿಂಹ ವಿಷ್ಣುವರ್ಧನ್ ವಿಶೇಷ ಪಾತ್ರದಲ್ಲಿ ನಟಿಸಿದ್ದರೆ, ಶಿವರಾಜಕುಮಾರ್ ನಿರೂಪಣೆ ಧ್ವನಿ ನೀಡಿದ್ದರು.

ತೆಲುಗು ವಿಕ್ರಮಾರ್ಕುಡು ರಿಮೇಕ್ ಆದ ಈ ಚಿತ್ರದಲ್ಲಿ ಸುದೀಪ್ ದ್ವಿಪಾತ್ರದಲ್ಲಿ ನಟಿಸಿದ್ದರು. ಸುದೀಪ್ ನಿರ್ದೇಶನ, ಸಾಧುಕೋಕಿಲ ಸಂಭಾಷಣೆಯಲ್ಲಿ ಮೂಡಿಬಂದ ಚಿತ್ರ ಅಭೂತಪೂರ್ವ ಯಶಸ್ಸು ಪಡೆಯಿತು.

 ಸುದೀಪ್ ಮತ್ತು ರಮ್ಯಾ ಕಾಂಬಿನೇಶನ್‌ನಲ್ಲಿ ಮೂಡಿಬಂದ ಈ ರೋಮ್ಯಾಂಟಿಕ್ ಚಿತ್ರದ ಕಥೆಯನ್ನು ಸುದೀಪ್ ಸ್ವತಃ ಬರೆದು ನಿರ್ದೇಶನ ಮಾಡಿದ್ದರು. ಚಿತ್ರಕ್ಕೆ ರಘು ದೀಕ್ಷಿತ್ ಸಂಗೀತ ನೀಡಿದ್ದರು. ಅದರೆ ಚಿತ್ರ ನಿರೀಕ್ಷಿತ ಮಟ್ಟದ ಯಶಸ್ಸು ಕಾಣಲಿಲ್ಲ.  

ಜಸ್ಟ್ ಮಾತ್ ಮಾತ್ಲಲಿ ಚಿತ್ರದ ನಂತರ ಮತ್ತೊಮ್ಮೆ ಸುದೀಪ್ ಮತ್ತು ಶಂಕರೇಗೌಡ ನಿರ್ದೇಶನ-ನಿರ್ಮಾಣದಲ್ಲಿ ಮೂಡಿಬಂದ ಚಿತ್ರ ಕೆಂಪೇಗೌಡ. ತಮಿಳು ಸಿಂಗಂ ಚಿತ್ರದ ರಿಮೇಕ್ ಆದ ಈ ಚಿತ್ರ ಕೂಡ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದು ಶತದಿನೋತ್ಸವ ಪೂರೈಸಿತು.

ತೆಲುಗಿನ ಮಿರ್ಚಿ ಚಿತ್ರದ ರಿಮೇಕ್ ಆದ ಈ ಚಿತ್ರದಲ್ಲಿ ಸುದೀಪ್ ತಂದೆ ಪಾತ್ರದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ಕಾಣಿಸಿಕೊಂಡರು. ಈ ಚಿತ್ರ 2014 ರಲ್ಲಿ ಅತಿ ಹೆಚ್ಚು ಗಳಿಕೆ ಕಂಡ ಚಿತ್ರವಾಗಿ ದಾಖಲಾಯಿತು. ಚಿತ್ರ ಶತದಿನೋತ್ಸವ ಪೂರೈಸಿತು.