ಬಾಲಿವುಡ್ ನಲ್ಲಿ ವಿಫಲವಾದ ದಕ್ಷಿಣ ಚಿತ್ರರಂಗದ ಖ್ಯಾತ ನಟಿಯರು

ರಂಭಾ ತೆಲುಗು, ತಮಿಳು, ಕನ್ನಡ ಮತ್ತು ಮಲಯಾಳಂ ಚಿತ್ರಗಳಲ್ಲಿ ನಟಿಸಿ ದಕ್ಷಿಣ ಚಿತ್ರರಂಗದ ಪ್ರೇಕ್ಷಕರ ಮನಸ್ಸನ್ನು ಗೆದ್ದರು. ಬಾಲಿವುಡ್ ನಲ್ಲಿ ಜಲ್ಲಾದ್, ಜುಡವಾ, ಘರ್ವಾಲಿ ಬಾಹರ್ವಾಲಿ ಮುಂತಾದ ಚಿತ್ರಗಳಲ್ಲಿ ನಟಿಸಿದರೂ, ಅಷ್ಟು ಕೀರ್ತಿ ಪಡೆಯಲಿಲ್ಲ.

ಬಾಲಿವುಡ್ ಚಿತ್ರದಲ್ಲಿ ಚಿಕ್ಕ ಪಾತ್ರದ ಮೂಲಕ ಸಿನಿಜೀವನ ಆರಂಭಿಸಿದ ಕಾಜಲ್ ನಂತರ ತೆಲುಗು ಮತ್ತು ತಮಿಳು ಚಿತ್ರದಲ್ಲಿ ಅಪಾರ ಖ್ಯಾತಿ ಪಡೆದರು. ನಂತರ ಹಿಂದಿಯಲ್ಲಿ ಸಿಂಗಂ ಮತ್ತು ಸ್ಪೆಷಲ್ 26 ಮುಂತಾದ ಯಶಸ್ವಿ ಚಿತ್ರಗಳಲ್ಲಿ ನಟಿಸಿದರೂ ಬಾಲಿವುಡ್ ಕಾಜಲ್ ಕೈ ಹಿಡಿಯಲಿಲ್ಲ.

ಮಿಲ್ಕಿ ಬ್ಯೂಟಿ ತಮನ್ನಾ ಭಾಟಿಯಾ ಕೂಡ ಹಿಂದಿಯಲ್ಲಿ ಸಿನಿಪ್ರವೇಶ ಮಾಡಿದರೂ, ಖ್ಯಾತಿ ಪಡೆದಿದ್ದು ಮಾತ್ರ ತಮಿಳು ಮತ್ತು ತೆಲುಗು ಚಿತ್ರರಂಗದಲ್ಲಿ. ಹಿಂದಿಯಲ್ಲಿ ಹಿಮ್ಮತವಾಲಾ, ಹಮಶಕಲ್ಸ್, ಎಂಟರ್ಟೇನಮೆಂಟ್ ಮುಂತಾದ ಚಿತ್ರಗಳಲ್ಲಿ ನಟಿಸಿದರೂ, ತಮನ್ನಾ ಕೂಡ ಹಿಂದಿ ಪ್ರೇಕ್ಷಕರ ಮನಸ್ಸು ಗೆಲ್ಲಲಾಗಲಿಲ್ಲ. ಬಾಹುಬಲಿಯಂತಹ ಪ್ಯಾನ್ ಇಂಡಿಯಾ ಚಿತ್ರಗಳಲ್ಲಿ ನಟಿಸಿದರೂ, ಬಾಲಿವುಡ್ ನಲ್ಲಿ ತಮನ್ನಾ ಅಷ್ಟಾಗಿ ಪ್ರಭಾವ ಬೀರಲಿಲ್ಲ.

ಪೂಜಾ ಹೆಗಡೆ ತಮಿಳು ಚಿತ್ರದ ಮೂಲಕ ಸಿನಿಪಯಣ ಆರಂಭಿಸಿ, ಒಂದೆರೆಡು ತೆಲುಗು ಚಿತ್ರಗಳಲ್ಲಿ ನಟಿಸಿದರು. ಹೃತಿಕ್ ರೋಷನ್ ರ ಅದ್ಧೂರಿ ಚಿತ್ರ 'ಮೋಹೆಂಜೋದಾರೋ' ಮೂಲಕ ಬಾಲಿವುಡ್ ನಲ್ಲಿ ಗ್ಯಾಂಡ್ ಎಂಟ್ರಿ ನೀಡಿದರು. ನಂತರ ಹೌಸಫುಲ್, ರಾಧೇಶ್ಯಾಮ್ ಮುಂತಾದ ಚಿತ್ರಗಳಲ್ಲಿ ನಟಿಸಿದರೂ, ಈ ಯಾವ ಚಿತ್ರಗಳು ಬಾಲಿವುಡ್ ಬಾಕ್ಸಾಫೀಸಿನಲ್ಲಿ ಅಷ್ಟಾಗಿ ಸದ್ದು ಮಾಡಲಿಲ್ಲ. ಹೀಗಾಗಿ ದಕ್ಷಿಣ ಚಿತ್ರರಂಗದ ಪ್ರೇಕ್ಷಕರನ್ನು ಈಗಾಗಲೇ ಗೆದ್ದಿರುವ ಪೂಜಾ ಬಾಲಿವುಡ್ ನಲ್ಲಿ ಇನ್ನೂ ಯಶಸ್ಸು ಪಡೆಯಬೇಕಿದೆ.

ತಮಿಳು ಚಿತ್ರರಂಗದಲ್ಲಿ ಸೌಥ್ ಕ್ವೀನ್ ಎಂದೇ ಪ್ರಸಿದ್ಧಿ ಪಡೆದಿರುವ ತ್ರಿಶಾ ಕೆಲವು ತೆಲಗು ಚಿತ್ರಗಳಲ್ಲಿ ನಟಿಸಿ ಖ್ಯಾತಿ ಪಡೆದಿದ್ದಾರೆ.ಕನ್ನಡದಲ್ಲಿ ಪುನೀತ್ ರಾಜಕುಮಾರ್ ಜೊತೆ ಪವರ್ ಚಿತ್ರದಲ್ಲಿ ನಟಿಸಿದ್ದರು. ಬಾಲಿವುಡ್ ನಲ್ಲಿ ಅಕ್ಷಯ್ ಕುಮಾರ್ ರ 'ಖಟ್ಟಾ ಮೀಠಾ' ಚಿತ್ರದಲ್ಲಿ ನಟಿಸಿದರೂ, ಬಾಲಿವುಡ್ ಬಾಗಿಲು ತೆಗೆಯಲಿಲ್ಲ.

ಶ್ರೀಯಾ ಶರಣ್ ತೆಲುಗು ಚಿತ್ರರಂಗದ ಮೂಲಕ ಸಿನಿ ಜೀವನ ಆರಂಭಿಸಿ, ತಮಿಳು, ಮಲಯಾಳಂ ಮತ್ತು ಕನ್ನಡ ಚಿತ್ರಗಳಲ್ಲಿ ನಟಿಸಿ ಖ್ಯಾತಿ ಪಡೆದಿದ್ದಾರೆ. ಹಿಂದಿಯಲ್ಲಿ ತುಜೇ ಮೇರಿ ಕಸಮ್, ಮಿಷನ್ ಇಂಪಾಸಿಬಲ್ ಮುಂತಾದ ಚಿತ್ರಗಳಲ್ಲಿ ನಟಿಸಿದರೂ ಅಷ್ಟಾಗಿ ಕೀರ್ತಿ ಪಡೆಯಲಿಲ್ಲ.