2022 ಎಪ್ರಿಲ್ ತಿಂಗಳಿನಲ್ಲಿ ಓಟಿಟಿಯಲ್ಲಿ ಬಿಡುಗಡೆಯಾಗುವ ಎಲ್ಲಾ ಭಾಷೆಯ ಪ್ರಮುಖ ಚಲನಚಿತ್ರಗಳು

ಪುನೀತ್ ರಾಜಕುಮಾರ್ ಪೂರ್ಣ ಪ್ರಮಾಣದ ನಾಯಕನಾಗಿ ನಟಿಸಿದ `ಜೇಮ್ಸ್' ಚಿತ್ರ ಚಿತ್ರಮಂದಿರಗಳಲ್ಲಿನ ಭರ್ಜರಿ ಪ್ರದರ್ಶನದ ನಂತರ ಸೋನಿ ಲವ್ ನಲ್ಲಿ ಬಿಡುಗೆಡಯಾಗುತ್ತಿದೆ. ಎಪ್ರಿಲ್ 14 ರಂದು ಈ ಚಿತ್ರ ಬಿಡುಗಡೆಯಾಗುತ್ತಿದೆ. ಸೋನಿ ಲಿವ್ ಈ ಚಿತ್ರದ ಹಕ್ಕುಗಳಿಗಾಗಿ ಸುಮಾರು 40 ಕೋಟಿ ವ್ಯಚ್ಚ ಮಾಡಿದೆ.

ಪ್ರಭಾಸ್ ಮತ್ತು ಪೂಜಾ ಹೆಗಡೆ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದ ರೋಮ್ಯಾಂಟಿಕ್ ಚಿತ್ರ ರಾಧೇ ಶ್ಯಾಮ್ ಅಮೇಜಾನ್ ಪ್ರೈಮ್ ವೀಡಿಯೋದಲ್ಲಿ ಎಪ್ರಿಲ್ 1 ರಿಂದ ಕನ್ನಡ, ತೆಲುಗು, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆಯಾಗಿದೆ.

ಅಭಿಷೇಕ್ ಬಚ್ಚನ್ ಮತ್ತು ಯಾಮಿ ಗೌತಮ್ ನಟನೆಯ `ದಸ್ವಿ' ಎಪ್ರಿಲ್ 7 ರಂದು ನೆಟ್‌ಫ್ಲಿಕ್ಸ್ ನಲ್ಲಿ ಬಿಡುಗಡೆಯಾಗಿದೆ.

`ಹೇ ಸಿನಾಮಿಕ' ತಮಿಳು ಚಿತ್ರ ಜಿಯೋ ಸಿನಿಮಾ ಮತ್ತು ನೆಟ್‌ಫ್ಲಿಕ್ಸ್ ನಲ್ಲಿ ಮಾರ್ಚ್ 31 ರಂದು ಬಿಡುಗಡೆಯಾಗಿದೆ. ಡುಲ್ಕರ್ ಸಲ್ಮಾನ್, ಕಾಜಲ್ ಅಗರ್ವಾಲ್ ಮತ್ತ ಆದಿತಿ ರಾವ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ.

ಜಯಪ್ರದ್ ದೇಸಾಯಿ ನಿರ್ದೇಶನದಲ್ಲಿ ಮೂಡಿಬಂದ ಬಯೋಪಿಕ್ ಚಿತ್ರ `ಕೌನ್ ಪ್ರವೀಣ್ ತಾಂಬೆ' ಚಿತ್ರ ಎಪ್ರಿಲ್ 1 ರಂದು ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ನಲ್ಲಿ ಬಿಡುಗಡೆಯಾಗಿದೆ. ಈ ಚಿತ್ರದಲ್ಲಿ ಶ್ರೇಯಸ್ ತಲಪಡೆ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ.

ರಿಷಿ ಕಪೂರ್ ನಿಧನಕ್ಕೂ ಮುಂಚೆ ನಟಿಸಿದ್ದ `ಶರ್ಮಾಜಿ ನಮಕೀನ್' ಚಿತ್ರ ಮಾರ್ಚ್ 31 ರಂದು ಅಮೇಜಾನ್ ಪ್ರೈಮ್ ವೀಡಿಯೋದಲ್ಲಿ ಬಿಡುಗಡೆಯಾಗಿದೆ. ಪರೇಶ್ ರಾವಲ್ ಕೂಡ ಈ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.

ಪ್ರತೀಕ್ ಬಬ್ಬರ್ ಮುಖ್ಯ ಪಾತ್ರದಲ್ಲಿ ನಟಿಸಿರುವ `ಗೇ' ವಿಷಯಾಧರಿತ ಚಿತ್ರ `ಕೋಬಾಲ್ಟ್‌ ಬ್ಲೂ' ಎಪ್ರಿಲ್ 2 ರಂದು ನೆಟ್‌ಫ್ಲಿಕ್ಸ್ ನಲ್ಲಿ ಬಿಡುಗಡೆಯಾಗಿದೆ.

ಸೈನ್ಸ್ ಫಿಕ್ಸನ್ ರೋಮ್ಯಾಂಟಿಕ್ ಕಾಮಿಡಿ `ಮೂನ್ ಶಾಟ್' ಚಿತ್ರ HBO ಮ್ಯಾಕ್ಸ್ ನಲ್ಲಿ ಮಾರ್ಚ್ 31 ರಂದು ಬಿಡುಗಡೆಯಾಗಿದೆ.