2023ರಲ್ಲಿಯೂ ಟ್ರೆಂಡ್ ರಿಯಲ್ ಸ್ಟಾರ್ ಉಪೇಂದ್ರ ಅವರ ಈ 5 ಹಾಡುಗಳು!

Author Sowmya Bairappa | Updated: Saturday, March 18, 2023, 01:55 PM [IST]

ಉಪೇಂದ್ರ ಕನ್ನಡ ಚಿತ್ರರಂಗದ ಸೂಪರ್ ಸ್ಟಾರ್. ನಿರ್ದೇಶಕ ಮತ್ತು ನಟರಾಗಿ ಅವರು ತಮ್ಮದೇ ಛಾಪು ಮುಡಿಸಿದ್ದಾರೆ. ವಿಭಿನ್ನ ಕತೆ, ವಿಶಿಷ್ಟ ಸಂಭಾಷಣೆ, ವಿಶೇಷ ಹಾಡುಗಳಿಂದ ಪ್ರೇಕ್ಷಕರನ್ನು ರಂಜಿಸುತ್ತಿದ್ದಾರೆ. ಉಪೇಂದ್ರ ಮೊದಲು ಡೈರೆಕ್ಟರ್ ಆಗಿದ್ದು 1992ರಲ್ಲಿ ತೆರೆಕಂಡ 'ತರ್ಲೆ ನನ್ಮಗ' ಸಿನಿಮಾದಿಂದ. ಆಗಿನ್ನೂ ಉಪ್ಪಿಗೆ 24 ವರ್ಷ. ಆನಂತರ 'ಶ್'ನಂತಹ ಬ್ಲಾಕ್ ಬಸ್ಟರ್ ಸಿನಿಮಾ ಮಾಡಿದ್ರು. ಬಳಿಕ 'ಓಂ' ಮೂಲಕ ಇಂಡಸ್ಟ್ರೀ ಹಿಟ್ ಸಿನಿಮಾ ಮಾಡಿದರು. 25 ವರ್ಷ ಆದರೂ ಇಂದಿಗೂ ಆ ಸಿನಿಮಾ ಎವರ್‌ಗ್ರೀನ್ ಸಿನಿಮಾವಾಗಿ ಉಳಿದುಕೊಂಡಿದೆ. ಸಿನಿಮಾಗಳ ಜೊತೆಗೆ ಅವರ ಹಾಡುಗಳು ಅಷ್ಟೇ ಫೇಮಸ್. 2023ರಲ್ಲಿಯೂ ಮರೆಯಲಾಗದ ರಿಯಲ್ ಸ್ಟಾರ್ ಉಪೇಂದ್ರ 5 ಹಾಡುಗಳ ಪಟ್ಟಿ ಇಲ್ಲಿದೆ.

Table of content

ಎ - 'ಸುಮ್ ಸುಮ್ನೆ ನಗ್ತಾಳೆ'

ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶನದ ರೋಮ್ಯಾಂಟಿಕ್ ಸೈಕಲಾಜಿಕಲ್ ಸಿನಿಮಾ 'ಎ'. ಈ ಸಿನಿಮಾದ 'ಸುಮ್ ಸುಮ್ನೆ ನಗ್ತಾಳೆ' ಹಾಡು ಇಂದಿಗೂ ಫೇಮಸ್. ಈ ಹಾಡನ್ನು ಕೂಡ ಉಪೇಂದ್ರ ಅವರೇ ಬರೆದಿದ್ದು, ಗುರು ಕಿರಣ್ ಸಂಗೀತ ನಿರ್ದೇಶನ ಮಾಡಿದ್ದರು. ಈ ಹಾಡನ್ನು ರಾಜೇಶ್ ಕೃಷ್ಣನ್ ಹಾಡಿದ್ದು, ಸಿನಿರಸಿಕರು ಫಿದಾ ಆಗಿದ್ದರು.

ಹೆಚ್ಚು ಓದಿ

ಎ - 'ಮಾರಿ ಕಣ್ಣು ಹೋರಿ ಮ್ಯಾಲೆ'

'ಎ' ಸಿನಿಮಾದ ಮತ್ತೊಂದು ಹಾಡು 'ಮಾರಿ ಕಣ್ಣು ಹೋರಿ ಮ್ಯಾಲೆ'. ಈ ಹಾಡನ್ನು ಕೂಡ ಉಪೇಂದ್ರ ಅವರೇ ಬರೆದಿದ್ದು, ಗುರು ಕಿರಣ್ ಸಂಗೀತ ನಿರ್ದೇಶನ ಮಾಡಿದ್ದರು. ಎಸ್.ಪಿ.ಬಾಲಸುಬ್ರಮಣ್ಯಂ ಧ್ವನಿ ನೀಡಿದ್ದರು.

ಹೆಚ್ಚು ಓದಿ

ಉಪೇಂದ್ರ - 'ಮಸ್ತು ಮಸ್ತು ಹುಡುಗಿ'

ರಿಯಲ್ ಸ್ಟಾರ್ ಉಪೇಂದ್ರ ನಿರ್ದೇಶನದ ಸೈಕಲಾಜಿಕಲ್ ಥ್ರಿಲ್ಲರ್ ಸಿನಿಮಾ 'ಉಪೇಂದ್ರ. ಈ ಚಿತ್ರದ 'ಮಸ್ತು ಮಸ್ತು ಹುಡುಗಿ' ಸಾಂಗ್ ಇಂದಿಗೂ ಯುವಕ ಫೆವರೀಟ್. ಈ ಹಾಡಿಗೆ ಗುರುಕಿರಣ್ ಸಂಗೀತ ನಿರ್ದೇಶನ ಮಾಡಿದ್ದು, ಮನೋ ಹಾಡಿದ್ದರು.

ಹೆಚ್ಚು ಓದಿ

ರಕ್ತ ಕಣ್ಣೀರು - 'ಡೇಂಜರ್ 15 ಟು 20'

ಸಾಧು ಕೋಕಿಲ ನಿರ್ದೇಶನದ ರಕ್ತ ಕಣ್ಣೀರು ಸಿನಿಮಾದ 'ಡೇಂಜರ್ ಡೇಂಜರ್ 15 ಟು 20' ಹಾಡು. ಈ ಸಿನಿಮಾದಲ್ಲಿ ಉಪೇಂದ್ರ ನಾಯಕನಾಗಿ ಮತ್ತು ರಮ್ಯಾ ಕೃಷ್ಣ ನಾಯಕಿಯಾಗಿ ಅಭಿನಯಿಸಿದ್ದರು. ಈ ಹಾಡಿಗೆ ಉಪೇಂದ್ರ ಅವರೇ ಲಿರಿಕ್ಸ್ ಬರೆದಿದ್ದು, ಹೇಮಂತ್ ಕುಮಾರ್ ಹಾಡಿದ್ದರು.

ಹೆಚ್ಚು ಓದಿ

ಹಾಲಿವುಡ್ - 'ಛೂ ಬಿಡೇ ಛೂ ಬಿಡೇ'

ದಿನೇಶ್ ಬಾಬು ನಿದೇಶನದ 'ಹಾಲಿವುಡ್' ಸಿನಿಮಾದಲ್ಲಿ ಉಪೇಂದ್ರ ನಾಯಕನಾಗಿ ನಟಿಸಿದ್ದರು. ಈ ಸಿನಿಮಾದ 'ಛೂ ಬಿಡೇ ಛೂ ಬಿಡೇ' ಹಾಡು ಕೂಡ ಈ ಹಾಡಿಗೆ ಕೂಡ ಉಪೇಂದ್ರ ಅವರೇ ಲಿರಿಕ್ಸ್ ಬರೆದಿದ್ದು, ಉದಿತ್ ನಾರಾಯಣ್ ಹಾಡಿದ್ದರು.

ಹೆಚ್ಚು ಓದಿ