ಬರ್ತಡೇ ಸ್ಪೆಷಲ್:ಖುಷ್ಬೂ ಸುಂದರ್ ನಟನೆಯ ಸೂಪರ್ ಹಿಟ್ ಕನ್ನಡ ಸಿನಿಮಾಗಳ ಪಟ್ಟಿ ಇಲ್ಲಿದೆ.

1991ರಲ್ಲಿ ಬಿಡುಗಡೆಯಾಗಿದ್ದ ರವಿಚಂದ್ರನ್ ನಿರ್ದೇಶನದ ಶಾಂತಿ-ಕ್ರಾಂತಿ ಸಿನಿಮಾ ಸೂಪರ್ ಹಿಟ್ ಆಗಿತ್ತು.  ಈ ಸಿನಿಮಾವನ್ನು ರವಿಶಂದ್ರನ್ ತಂದೆ ವೀರಾಸ್ವಾಮಿ ನಿರ್ಮಾಣ ಮಾಡಿದ್ದರು.  ಆಗಿನ ಕಾಲದಲ್ಲಿ ನಾಲ್ಕು ಭಾಷೆಗಳಲ್ಲಿ ಕನ್ನಡ, ತೆಲುಗು, ತಮಿಳು, ಹಿಂದಿಯಲ್ಲಿ ಬಿಡುಗಡೆಯಾದ ಚಿತ್ರ ಇದು. ಈ ಸಿನಿಮಾದಲ್ಲಿ ರವಿಚಂದ್ರನ್, ರಜನಿ ಕಾಂತ್, ನಾಗಾರ್ಜುನ, ಜೂಹಿ ಚಾವ್ಲಾ, ಖುಷ್ಬೂ, ರಮೇಶ್​ ಅರವಿಂದ್, ಅನಂತ್ ನಾಗ್ ಹೀಗೆ ದಕ್ಷಿಣ ಭಾರತದ  ಅದ್ಬುತ ಕಲಾವಿದರ ದಂಡೇ ಇತ್ತು. ಈ ಸಿನಿಮಾದ ಗಾಳಿಯೋ, ಗಾಳಿಯೋ ಹಾಡು ಕೂಡ ಅಷ್ಟೇ ಹಿಟ್ ಆಗಿತ್ತು.  

ಡಿ. ರಾಜೇಂದ್ರ ಬಾಬು ನಿರ್ದೇಶನದ ಯುಗ ಪುರುಷ ಸಿನಿಮಾ 1989ರಲ್ಲಿ ಬಿಡುಗಡೆಯಾಗಿತ್ತು. ಈ ಚಿತ್ರದಲ್ಲಿ ರವಿಚಂದ್ರನ್ ಮತ್ತು ಖುಷ್ಬು ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಇದು ಬಾಲಿವುಡ್ ಚಿತ್ರ ಕಾರ್ಜ್ ರಿಮೇಕ್ ಆಗಿದೆ. ಚಿತ್ರಕ್ಕೆ ಹಂಸಲೇಖ ಸಂಗೀತ ಸಂಯೋಜಿಸಿದ್ದು, ಈ ಸಿನಿಮಾದ 'ಯಾವುದೋ ಈ ಗೊಂಬೆ ಯಾವುದೋ' ಹಿಟ್ ಆಗಿತ್ತು.   

1988ರಲ್ಲಿ ಬಿಡುಗಡೆಯಾದ ಹಿಟ್ ಚಿತ್ರ ರಣಧೀರ. ಈ ಸಿನಿಮಾದಲ್ಲಿ ರವಿಚಂದ್ರನ್ ನಾಯಕನಾಗಿ ಹಾಗೂ ಖುಷ್ಬೂ ನಾಯಕಿಯಾಗಿ ಅಭಿನಯಿಸಿದ್ದರು.  ಈ ಸಿನಿಮಾದ ಪ್ರೀತಿ ಮಾಡಬಾರದು, ಮಾಡಿದರೆ ಜಗಕೆ ಹೆದರಬಾರದು' ಹಾಡು ಸಖತ್ ಫೇಮಸ್ ಆಗಿತ್ತು. ಹಂಸಲೇಖ ಅವರು ಚಿತ್ರಕಥೆ, ಸಂಭಾಷಣೆ, ಹಾಡುಗಳನ್ನು ಬರೆದು ಸಂಗೀತವನ್ನೂ ಸಂಯೋಜಿಸಿದ್ದರು. 

ಪ್ರೀತಿಯಲ್ಲಿ ಇರೋ ಸುಖ ಈ ಹಾಡು 1988ರಲ್ಲಿ ಬಿಡುಗಡೆಯಾದ ಅಂಜದ ಗಂಡು ಚಿತ್ರದ್ದು. ಚಿತ್ರದಲ್ಲಿ ರವಿಚಂದ್ರನ್ ನಾಯಕನಾಗಿ ಮತ್ತು ಖುಷ್ಬೂ ನಾಯಕಿಯಾಗಿ ಮುಖ್ಯ ಪಾತ್ರದಲ್ಲಿ ತೆರೆಯ ಮೇಲೆ ಕಾಣಿಸಿಕೊಂಡಿದ್ದಾರೆ. ಉಮಾಶ್ರೀ, ಮುಖ್ಯಮಂತ್ರಿ ಚಂದ್ರು, ದೊಡ್ಡಣ್ಣ, ಮೊದಲಾದವರ ತಾರ ಬಳಗವೇ ಚಿತ್ರದಲ್ಲಿದೆ. ರೇಣುಕಶರ್ಮ ಅವರ ನಿರ್ದೇಶನದಲ್ಲಿ ಮತ್ತು ಹಂಸಲೇಖ ಅವರ ಸಂಗೀತ ಸಂಯೋಜನೆ ಚಿತ್ರದಲ್ಲಿದೆ.

1998ಲ್ಲಿ ತೆರೆಕಂಡ ಹೃದಯಗೀತೆ ಸಿನಿಮಾದಲ್ಲಿ ಸಾಹಸಸಿಂಹ ಡಾ.ವಿಷ್ಣುವರ್ಧನ್, ಖುಷ್ಬೂ ಹಾಗೂ ಭವ್ಯ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಹೆಚ್‌.ಆರ್ ಭಾರ್ಗವ್ ನಿರ್ದೇಶನದ ಈ ಸಿನಿಮಾ ಹಿಂದಿಯ ಪಾಗ್ಲಾ ಕಹಿನ್ ಕಾ ಚಿತ್ರದ ರಿಮೇಕ್ ಆಗಿತ್ತು. ಚಿತ್ರದ ಯುಗ ಯುಗಗಳೆ ಸಾಗಲಿ ಹಾಡಂತೂ ಸಿಕ್ಕಾಪಟ್ಟೆ ಹಿಟ್ ಆಗಿತ್ತು.