ಬಿಗ್‌ಬಾಸ್ ಕನ್ನಡ ಸೀಸನ್ 11ರ ಸ್ಪರ್ಧಿಗಳ ರಿಲೇಷನ್‌ಶಿಪ್ ಸ್ಟೇಟಸ್ ಏನು ಗೊತ್ತಾ?

ರೀಲ್ಸ್ ವಿಡಿಯೋ ಮೂಲಕ ಗಮನ ಸೆಳೆದ ಧನರಾಜ್ ಆಚಾರ್ ಸದ್ಯ ದೊಡ್ಮನೆಯೊಳಗೆ ಪ್ರೇಕ್ಷಕರಿಗೆ ಮನೋರಂಜನೆ ನೀಡುತ್ತಿದ್ದಾರೆ. ಇವರಿಗೆ ಈಗಾಗಲೇ ಮದುವೆಯಾಗಿದೆ. ಧನರಾಜ್ ಅವರು ಪ್ರಜ್ಞಾ ಎಂಬುವವರನ್ನು ಪ್ರೀತಿಸಿ ಮದುವೆಯಾಗಿದ್ದು, ಇತ್ತೀಚೆಗಷ್ಟೇ ಹೆಣ್ಣುಮಗು ಜನಿಸಿದೆ. ಕಾಮಿಡಿ ವೀಡಿಯೋ ಮಾಡುತ್ತಾ ಜನರ ಮನಗೆದ್ದ ಧನರಾಜ್, ಗಿಚ್ಚಿ ಗಿಲಿಗಿಲಿ ಶೋ ಮೂಲಕ ಕಿರುತೆರೆ ಪ್ರವೇಶಿಸಿದ್ದರು. ಆನಂತರ ಅಬ್ಬಬ್ಬಾ ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. 

ಸ್ಯಾಂಡಲ್‌ವುಡ್ ನಟ ಧರ್ಮ ಕೀರ್ತಿರಾಜ್ ಈ ಹಿಂದೆಯೇ ತಮಗೆ ಸೀರಿಯಸ್ ಲವ್ ಇತ್ತು. ನಂತರ ಬ್ರೇಕಪ್ ಆಯಿತು ಎಂದು ಹೇಳಿಕೊಂಡಿದ್ದರು. ಇನ್ನು ಎರಡನೇ ವಾರ ಟ್ರೂತ್ ಆರ್ ಡೇರ್ ಗೇಮ್‌ನಲ್ಲಿ ನಾನು ಧರ್ಮ ಲವ್‌ನಲ್ಲಿದ್ದೆವು. ಆಮೇಲೆ ಬ್ರೇಕಪ್ ಆಯ್ತು ಅಂತ ಹೇಳಿದ್ದರು. ಇದು ಎಷ್ಟರಮಟ್ಟಿಗೆ ಸತ್ಯ ಎಂಬುದನ್ನು ಅವರಿಬ್ಬರೇ ಖಚಿತಪಡಿಸಬೇಕು. ಸದ್ಯ ದೊಡ್ಮನೆಯಲ್ಲಿ ಧರ್ಮ ಹಾಗೂ ಅನುಷಾ ಮತ್ತಷ್ಟು ಕ್ಲೋಸ್ ಆಗುತ್ತಿದ್ದು, ಲವ್ ಸ್ಟೋರಿ ಹುಟ್ಟಿಕೊಳ್ಳೋ ಸಾಧ್ಯತೆಯಿದೆ. 

ಕಿರುತೆರೆ ನಟ ಶಿಶಿರ್ ಶಾಸ್ತ್ರಿ ಅವರಿಗೆ ಈಗಾಗಲೇ ಮದುವೆಯಾಗಿ ಡಿವೋರ್ಸ್ ಆಗಿದೆ. ಪ್ಯಾಟೆ ಹುಡ್ಗೀರು ಹಳ್ಳಿ ಲೈಫ್ ಖ್ಯಾತಿಯ ಕೋಳಿ ರಮ್ಯಾ ಜೊತೆ ಶಿಶಿರ್ ಮದುವೆಯಾಗಿತ್ತು. ಆನಂತರ ಇವರಿಬ್ಬರು ವಿಚ್ಛೇದನ ಪಡೆದಿದ್ದರು. ನನಗೆ ಸೀರಿಯಸ್ ಆಗಿ ಮೂರು ಲವ್ ಇತ್ತು ಅಂತ ಶಿಶಿರ್ ಅವರೇ ಬಿಗ್‌ಬಾಸ್ ಮನೆಯಲ್ಲಿ ಹೇಳಿಕೊಂಡಿದ್ದಾರೆ. ಇನ್ನು ಪದ್ಮಾವತಿ ಖ್ಯಾತಿಯ ತ್ರಿವಿಕ್ರಮ್ ಹಾಗೂ ನಾಗಿಣಿ ಖ್ಯಾತಿ ಐಶ್ವರ್ಯಾ ಸಿಂಧೋಗಿ ಕೂಡ ಸಿಂಗಲ್ ಎನ್ನಲಾಗಿದೆ. 

ಸ್ಯಾಂಡಲ್‌ವುಡ್‌ನಲ್ಲಿ ಖಳನಟನಾಗಿ ಮಿಂಚುತ್ತಿರುವ ಉಗ್ರಂ ಮಂಜು ಅವರಿಗೆ 38 ವರ್ಷವಾಗಿದೆ. ಅವರಿನ್ನು ಮದುವೆಯಾಗಿಲ್ಲ. ಇವರಿಗೆ ಸಹೋದರಿಯರಿದ್ದು, ಅವರ ಮದುವೆಯಾದ ಮೇಲೆಯೇ ತಾವು ಮದುವೆಯಾಗೋದಾಗಿ ತಾಯಿ ಬಳಿ ಹೇಳಿಕೊಂಡಿದ್ದಾರಂತೆ. ಇನ್ನು ಪಾರು ಸೀರಿಯಲ್ ಖ್ಯಾತಿಯ ಮೋಕ್ಷಿತಾ ಪೈ ಅವರು ಸಿಂಗಲ್. ಅವರ ಲವ್‌ಸ್ಟೋರಿಗಳ ಬಗ್ಗೆ ಯಾವ ಮಾತು ಕೇಳಿಬಂದಿಲ್ಲ. 

ಕಿರುತೆರೆ ನಟಿ ಹಂಸಾ ಅವರು ಪ್ರತಾಪ್ ಎಂಬುವವರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ. ಇವರ ಪತಿ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿದ್ದು, ಮದುವೆಯಾಗಿ ಇಪ್ಪತ್ತು ವರ್ಷಗಳಾಗಿವೆ. ಈ ದಂಪತಿಗೆ ಓರ್ವ ಮಗನಿದ್ದಾನೆ. ಇನ್ನು ಗೌತಮಿ ಜಾದವ್ ಅವರು ಕನ್ನಡ ಚಿತ್ರರಂಗದ ಸಿನಿಮಾಟೋಗ್ರಾಫರ್ ಅಭಿಷೇಕ್ ಕಾಸರಗೋಡು ಅವರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ.

ಚೈತ್ರಾ ಕುಂದಾಪುರ ಅವರು ಸಿಂಗಲ್ ಅಂತ ಎಲ್ಲರೂ ತಿಳಿದುಕೊಂಡಿದ್ದರು. ಆದರೆ, ಕೆಲ ದಿನಗಳ ಹಿಂದೆ ಬಿಗ್‌ಬಾಸ್‌ ಮನೆಯಲ್ಲಿ ತಮಗೆ ಮದುವೆ ಫಿಕ್ಸ್ ಆಗಿರುವುದರ ಬಗ್ಗೆ ಚೈತ್ರಾ ಬಾಯ್ಬಿಟ್ಟಿದ್ದರು.  ಮದುವೆ ಫಿಕ್ಸ್ ಮಾಡಿಕೊಂಡು ಇಲ್ಲಿಗೆ ಬಂದಿದ್ದೇನೆ. ನನಗೆ ಯಾರ ಹತ್ತಿರವೂ ಸಂಬಂಧ ಕಟ್ಟಬೇಡಿ ಎಂದಿದ್ದರು.