ಸಾನ್ಯಾ ಅಯ್ಯರ್ ಟು ನಮ್ರತಾ ಗೌಡ: ಬಾಲಕಲಾವಿದರಾಗಿ ನಟನೆಗೆ ಎಂಟ್ರಿಕೊಟ್ಟ ಕಿರುತೆರೆ ನಟಿಯರಿವರು!

ನಟಿ ಸಾನ್ಯಾ ಅಯ್ಯರ್ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಪುಟ್ಟಗೌರಿ ಮದುವೆ ಸೀರಿಯಲ್‌'ನಲ್ಲಿ ಬಾಲನಟಿಯಾಗಿ ಕಿರುತೆಗೆ ಎಂಟ್ರಿಕೊಟ್ಟರು. ಇವರ ತಂದೆ-ತಾಯಿ ಕೂಢ ಕಲಾವಿದರು. 8ನೇ ತರಗತಿಯವರೆಗೆ ಪುಟ್ಟಗೌರಿ ಸೀರಿಯಲ್‌ನಲ್ಲಿ ನಟಿಸಿದ ಅವರು, ನಂತರ ಶಿಕ್ಷಣ ಮುಂದುವರೆಸಿ ಪತ್ರಿಕೋದ್ಯಮ ಮತ್ತು ಸಂವಹನ ವಿಭಾಗದಲ್ಲಿ ಪದವಿ ಪಡೆದರು. ಬಳಿಕ ಮಲಯಾಳಂನ ' ಆರಾರೋ..ನೀಯಾರೋ' ಎಂಬ ಆಲ್ಬಂ ಸಾಂಗ್ ಹಾಗೂ ಡ್ಯಾನ್ಸಿಂಗ್ ಶೋವೊಂದರಲ್ಲಿ ಭಾಗವಹಿಸಿದ್ದ ಸಾನ್ಯ, ಕಿಚ್ಚ ಸುದೀಪ್ ನಿರೂಪಣೆಯ ಬಿಗ್‌ಬಾಸ್ ಕಾರ್ಯಕ್ರಮದ ಮೂಲಕ ಸಾಕಷ್ಟು ಜನಪ್ರಿಯತೆ ಗಳಿಸಿದರು. ಸದ್ಯ ಈ ನಟಿ ಸ್ಯಾಂಡಲ್‌ವುಡ್‌ಗೆ ಪದಾರ್ಪಣೆ ಮಾಡಲು ತಯಾರಿ ನಡೆಸುತ್ತಿದ್ದಾರೆ.  

ಕನ್ನಡ ಕಿರುತೆರೆ ಗ್ಲಾಮರಸ್ ಡಾಲ್ ನಮ್ರತಾ ಗೌಡ ಬಾಲಕಲಾವಿದೆಯಾಗಿ ಕೆಲ ಸಿನಿಮಾಗಳಲ್ಲಿ ನಟಿಸಿದರು. ನಂತರ 2011ರಲ್ಲಿ ಪ್ರಸಾರವಾದ ಕೃಷ್ಣ ರುಕ್ಮಿಣಿ ಸೀರಿಯಲ್ ಮೂಲಕ ಕಿರುತೆರೆ ಜರ್ನಿ ಆರಂಭಿಸಿದರು. ಇದಾದ ಬಳಿಕ  ಪುಟ್ಟಗೌರಿ ಮದುವೆ ಧಾರಾವಾಹಿಯಲ್ಲಿ ಹಿಮಾ ಪಾತ್ರದ ಮೂಲಕ ಗಮನ ಸೆಳೆದರು. ನಂತರ ತಕಮಿಧಿತ ಡ್ಯಾನ್ಸ್ ಶೋನಲ್ಲಿ ಭಾಗವಹಿಸಿ ಟಾಪ್ 5ಗೆ ಆಯ್ಕೆಯಾಗಿದ್ದರು.  ಆನಂತರ ಜೀ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ನಾಗಿಣಿ 2 ಧಾರಾವಾಹಿಯ ಶಿವಾನಿ ಪಾತ್ರದಲ್ಲಿ ಅದ್ಭುತವಾಗಿ ನಟಿಸುವ ಮೂಲಕ ಅಪಾರ ಜನಪ್ರಿಯತೆ ಪಡೆದರು. 

ಅಂಕಿತಾ ಅಮರ್ ಕಿರುತೆರೆಯಲ್ಲಿ ಮಿಂಚಿ, ಸದ್ಯ ಸ್ಯಾಂಡಲ್‌ವುಡ್‌ಗೂ ಪದಾರ್ಪಣೆ ಮಾಡಿದ್ದಾರೆ. ಅಂಕಿತಾ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಪುಟ್ಟಗೌರಿ ಮದುವೆ ಸೀರಿಯಲ್‌'ನಲ್ಲಿ ಸುಗುಣ ಎಂಬ ಪಾತ್ರ ನಿರ್ವಹಿಸುವ ಮೂಲಕ ಬಾಲ ಕಲಾವಿದೆಯಾಗಿ ನಟನೆಗೆ ಎಂಟ್ರಿಕೊಟ್ಟರು. ನಂತರ ನಮ್ಮನೆ ಯುವರಾಣಿ ಸೀರಿಯಲ್ ಮೂಲಕ ಜನಮನ ಸೆಳೆದರು. ಇದೀಗ ಅಬ ಜಬ ದಬ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. 

ನಟಿ ಸುಕೃತಾ ನಾಗ್ ಸದ್ಯ ಲಕ್ಷಣ ಸೀರಿಯಲ್‌ನಲ್ಲಿ ನೆಗೆಟಿವ್ ರೋಲ್‌ನಲ್ಲಿ ನಟಿಸುತ್ತಿದ್ದಾರೆ. ನಮೃತಾ ಕನ್ನಡದ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದಾಗಿರುವ 'ಕಾದಂಬರಿ' ಬಾಲನಟಿಯಾಗಿ ನಟಿಸಿದ್ದರು. ಇದಾದ ಬಳಿಕ ಅನೇಕ ಧಾರಾವಾಹಿಗಳಲ್ಲಿ ಬಾಲನಟಿಯಾಗಿ ಅಭಿನಯಿಸಿದರು. ಈ ನಟಿ ಈವರೆಗೂ 25ಕ್ಕೂ ಹೆಚ್ಚುಗಳಲ್ಲಿ ನಟಿಸಿದ್ದಾರೆ.

ನಟಿ ಸುಷ್ಮಾ ಶೇಖರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಲಕುಮಿ ಧಾರಾವಾಹಿಯಲ್ಲಿ ಬಾಲಕಲಾವಿದೆಯಾಗಿ ನಟನೆಗೆ ಎಂಟ್ರಿಕೊಟ್ಟರು. ಈ ಸೀರಿಯಲ್ಲಿ ಮುಖ್ಯ ಪಾತ್ರದಲ್ಲಿ ನಟಿಸುವ ಮೂಲಕ ಜನಪ್ರಿಯತೆ ಪಡೆದರು. ನಂತರ ಜೀ ಕನ್ನಡದ ಯಾರೇ ನೀ ಮೋಹಿನಿ ಹಾಗೂ ಇತ್ತೀಚೆಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ ಗಿಣಿರಾಮ ಸೀರಿಯಲ್‌ನಲ್ಲಿ ಅಭಿನಯಿಸಿದ್ದರು.