ಬೇರೆ ಭಾಷೆಯವರನ್ನು ಪ್ರೀತಿಸಿ ಮದುವೆಯಾಗಿರುವ ಸ್ಯಾಂಡಲ್‌ವುಡ್ ನಟರಿವರು!

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ 2001ರಲ್ಲಿ ಕೇರಳ ಮೂಲದ ಪ್ರಿಯಾ ಅವರನ್ನು ಪ್ರೀತಿಸಿ ಮದುವೆಯಾದರು. ಪ್ರಿಯಾ ಬೆಂಗಳೂರಿನಲ್ಲಿ ಶಿಕ್ಷಣ ಪೂರೈಸಿದ್ದು, ಆರಂಭದಲ್ಲಿ ಏರ್‌ಲೈನ್ ಹಾಗೂ ಬ್ಯಾಂಕ್‌ವೊಂದರಲ್ಲಿ ಕೆಲಸ ಮಾಡುತ್ತಿದ್ದರು. ಇವರಿಬ್ಬರು 2000ರಲ್ಲಿ ಭೇಟಿಯಾಗಿದ್ದರು. ಭೇಟಿಯಾದ ಒಂದು ವರ್ಷದೊಳಗೆ ಈ ಜೋಡಿಯ ನಡುವೆ ಸ್ನೇಹ ಬೆಳೆದು, ಪ್ರೀತಿಗೆ ತಿರುಗಿ 2001ರಲ್ಲಿ ಮದುವೆಯಾದರು. 

ದಿಗಂತ್ ಮಂಚಾಲೆ ಹಾಗೂ ಐಂದ್ರಿತಾ ರೇ ಕೂಡ 9 ವರ್ಷಗಳ ಕಾಲ ಪ್ರೀತಿಸಿ ಮದುವೆಯಾಗಿದ್ದಾರೆ. ಮನಸಾರೆ, ಪಾರಿಜಾತ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದ ಈ ಜೋಡಿ ನಡುವೆ ಪ್ರೀತಿ ಮೂಡಿತ್ತು. ಬಳಿಕ 2018ರ ಡಿಸೆಂಬರ್ 12ರಂದು ಮದುವೆಯಾಗಿತ್ತು. ಐಂದ್ರಿತಾ ಅವರು ರಾಜಾಸ್ಥಾನದ ಉದಯಪುರದಲ್ಲಿ 1985 ರಂದು ಬಂಗಾಳಿ ಕುಟುಂಬದಲ್ಲಿ ಜನಿಸಿದರು. ಅವರ ತಂದೆ ಭಾರತೀಯ ವಾಯುಸೇನೆಯಲ್ಲಿ ದಂತವೈದ್ಯರಾಗಿದ್ದರಿಂದ ಆಗಾಗ ವರ್ಗವಾಗಿ ಕೊನೆಗೆ ಬೆಂಗಳೂರಿನಲ್ಲಿ ನೆಲೆಸಿದರು.

ರಿಯಲ್ ಸ್ಟಾರ್ ಉಪೇಂದ್ರ ಹಾಗೂ ಪ್ರಿಯಾಂಕಾ ಕನ್ನಡ ಚಿತ್ರರಂಗದ ಕ್ಯೂಟ್ ಜೋಡಿಗಲ್ಲೊಂದು.   'H2O' ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದ್ದ ಈ ಜೋಡಿ ನಡುವೆ ಪ್ರೀತಿ ಶುರುವಾಗಿತ್ತು. ಬಳಿಕ 2003ರಲ್ಲಿ ಮದುವೆಯಾದರು.  ಪ್ರಿಯಾಂಕಾ ತಂದೆ ಉತ್ತರ ಪ್ರದೇಶದವರು ಹಾಗೂ ತಾಯಿ ಸಮೈರಾ ತ್ರಿವೇದಿ ಪಶ್ಚಿಮ ಬಂಗಾಳದವರು. ಪ್ರಿಯಾಂಕಾ ಸಿನಿಮಾರಂಗಕ್ಕೆ ಕಾಲಿಡುವುದಕ್ಕೆ ಮುನ್ನ ಅಮೆರಿಕಾ ಹಾಗೂ ಸಿಂಗಾಪುರದಲ್ಲಿ ನೆಲೆಸಿ ಬಂದಿದ್ದರು. ಅಲ್ಲದೆ, ಮಿಸ್ ಕೊಲ್ಕತ್ತಾ ಕೂಡ ಆಗಿದ್ದರು. 

ನಟ ಚೇತನ್ 2005ರಲ್ಲಿ ತೆರೆಕಂಟ ಕೆ.ಎಮ್.ಚೈತನ್ಯ ನಿರ್ದೇಶನದ ಬೆಂಗಳೂರು ಭೂಗತಲೋಕದ ಕಥೆಯನ್ನಾಧರಿಸಿದ ಚಿತ್ರ 'ಆ ದಿನಗಳು' ಮೂಲಕ ಕನ್ನಡ ಚಿತ್ರರಂಗ ಪ್ರವೇಶಿಸಿದರು. ಈ ಚಿತ್ರದ ಅಭಿನಯಕ್ಕೆ ಉದಯ ಟಿವಿಯ ಪ್ರಶಸ್ತಿ ಕೂಡ ಪಡೆದರು. ಮುಂದೆ ಬಿರುಗಾಳಿ, ಸೂರ್ಯಕಾಂತಿ ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ ಇವರು,  2020ರಲ್ಲಿ ಅಸ್ಸಾಂ ಮೂಲದ ಮೇಘಾ ಎಂಬುವವರನ್ನು ಪ್ರೀತಿಸಿ ವಿವಾಹವಾಗಿದ್ದಾರೆ. ಈ ಸದ್ಯ ಇವರಿಬ್ಬರು ಸಮಾಜ ಸೇವೆಗಳಲ್ಲಿ ತೊಡಗಿಕೊಂಡಿದ್ದಾರೆ.

ನಟ ಪೃಥ್ವಿ ಅಂಬಾರ್ ಉತ್ತರ ಭಾರತದ ಪಾರುಲ್ ಶುಕ್ಲಾ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ. ಪಾರುಲ್ ಕನ್ನಡ ಕಲಿತು, ಪೃಥ್ವಿ ಅವರ ಮನೆಯ ಸಂಪ್ರಾದಾಯಗಳನ್ನು ಪಾಲಿಸಿಕೊಂಡು ಹೋಗುತ್ತಿದ್ದಾರೆ. ಈ ಜೋಡಿಗೆ ಒಬ್ಬಳು ಮುದ್ದಾದ ಮಗಳಿದ್ದಾಳೆ.

ನಟ ವಿಶಾಲ್ ಹೆಗಡೆ ಅವರು ಮುಂಬೈ ಮೂಲದ ಪ್ರಿಯಾ ಅವರನ್ನು ಮದುವೆಯಾಗಿದ್ದಾರೆ. ವಿಶಾಲ್ ಕನ್ನಡದವರಾಗಿದ್ದು, ಪ್ರಿಯಾ ಮಹಾರಾಷ್ಟ್ರದವರು. ಇವರಿಬ್ಬರು 2012ರಲ್ಲಿ ಸಪ್ತಪದಿ ತುಳಿದಿದ್ದರು. ಇವರು ಹುಡುಗರು, ಅಣ್ಣ ತಂಗಿ, ಹೋಪ, ಗಣ ಸೇರಿದಂತೆ ಮುಂತಾದ ಚಲನಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಕಿರುತೆರೆಯಲ್ಲೂ ಕೂಡ ನಟಿಸಿದ್ದಾರೆ.