Unmarried Celebrities: 40 ವರ್ಷ ದಾಟಿದ್ರೂ ಮದುವೆಯಾಗದ ಸೌತ್ ಸಿನಿಮಾ ತಾರೆಯವರಿವರು!

ಟಾಲಿವುಡ್ ನಟ ಪ್ರಭಾಸ್ ಸೌತ್ ಸಿನಿನಿಮಾರಂಗದ ಮೋಸ್ಟ್ ಎಲಿಜಬಲ್ ಬ್ಯಾಚುಲರ್. ಯಂಗ್ ರೆಬಲ್ ಸ್ಟಾರ್ ಮದುವೆ ಆಗಾಗ ಸಾಕಷ್ಟು ಚರ್ಚೆಗಳು ನಡೆಯುತ್ತಿರುತ್ತವೆ. ಅನುಷ್ಕಾ ಶೆಟ್ಟಿ, ಕೃತಿ ಸನೂನ್ ಸೇರಿದಂತೆ ಕೆಲ ನಟಿಯರ ಜೊತೆ ಪ್ರಭಾಸ್ ಹೆಸರು ತಳುಕು ಹಾಕಿಕೊಂಡಿದ್ದು ಇದೆ. ಆದರೆ, ಅದ್ಯಾವುದೂ ನಿಜವಾಗಿಲ್ಲ. ಮದುವೆ ವಿಷಯ ಬಂದಾಗಲೆಲ್ಲಾ ನುಣುಚಿಕೊಳ್ಳುವ ಡಾರ್ಲಿಂಗ್ ಪ್ರಭಾಸ್ ಅವರಿಗೀಗ 45 ವರ್ಷ.

ಅರುಂಧತಿ, ದೇವಸೇನಾ, ಭಾಗಮತಿ ರೀತಿಯ ಅದ್ಭುತ ಪಾತ್ರಗಳಿಗೆ ಜೀವ ತುಂಬುವ ಮೂಲಕ ಭಾರತೀಯ ಸಿನಿಪ್ರಿಯರ ಹೃದಯ ಗೆದ್ದವರು ಅನುಷ್ಕಾ ಶೆಟ್ಟಿ. ಮೊದಲಿನಿಂದಲೂ ವುಮನ್ ಓರಿಯೆಂಟೆಡ್ ಚಿತ್ರಗಳಿಗೆ ಆದ್ಯತೆ ನೀಡುತ್ತಾ ಬಂದಿರುವ ಅನುಷ್ಕಾ ಮದುವೆ ಬಗ್ಗೆ ಅಭಿಮಾನಿಗಳಿಗೆ ಹೆಚ್ಚು ಕುತೂಹಲವಿದೆ. ಅದರಲ್ಲೂ ಪ್ರಭಾಸ್ ಜೊತೆ ಅನುಷ್ಕಾ ಮದುವೆ ನಡೆಯಬೇಕೆಂಬುದು ಹಲವು ಅಭಿಮಾನಿಗಳ ಆಸೆ. ಆಗಾಗ ಇವರಿಬ್ಬರ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಲೇ ಇರುತ್ತವೆ. ಅನುಷ್ಕಾಗೆ ಈಗ 43 ವರ್ಷ ವಯಸ್ಸಾಗಿದ್ದು, ವಿವಾಹದ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ.

1983ರ ಜೂನ್  6ರಂದು ಜನಿಸಿದ ಸಿಂಪಲ್ ಸ್ಟಾರ್ ರಕ್ಷಿತ್ ಶೆಟ್ಟಿ ಅವರಿಗೀಗ 41 ವರ್ಷ. ಆದರೂ ಕೂಡ ಮದುವೆಯಾಗದೇ ಸಿಂಗಲ್ ಆಗಿ ಉಳಿದಿದ್ದಾರೆ.  2017ರ ಜುಲೈ 5ರಂದು ರಕ್ಷಿತ್ ಶೆಟ್ಟಿ ಹಾಗೂ ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅದ್ಧೂರಿಯಾಗಿ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದರು. ಬಳಿಕ ಇವರಿಬ್ಬರ ನಡುವೆ 14 ವರ್ಷಗಳ ಅಂತರವಿದೆ ಎಂಬ ವಿಚಾರ ಸದ್ದು ಮಾಡಿತ್ತು. ಆದರೆ, ಈ ಜೋಡಿ ಇದಕ್ಕೆ ತಲೆಕೆಡಿಸಿಕೊಂಡಿರಲಿಲ್ಲ. ಆದರೆ. 2018ರ ಅಕ್ಟೋಬರ್ ತಿಂಗಳಲ್ಲಿ ರಶ್ಮಿಕಾ ಅವರು ರಕ್ಷಿತ್ ಜೊತೆಗಿನ ನಿಶ್ಚಿತಾರ್ಥ ಮುರಿದುಕೊಂಡಿದ್ದರು.

2003ರಲ್ಲಿ ಪುನೀತ್ ರಾಜ್‌ಕುಮಾರ್ ನಟನೆಯ 'ಅಭಿ' ಸಿನಿಮಾ ಮೂಲಕ ಕನನ್ಡ ಚಿತ್ರರಂಗಕ್ಕೆ ಕಾಲಿಟ್ಟ ಮೋಹಕತಾರೆ ರಮ್ಯಾ, ನಂತರ ತಮಿಳು ಮತ್ತು ತೆಲುಗು ಸಿನಿಮಾಗಳಲ್ಲೂ ಮಿಂಚಿದ್ದರು. ಚಿತ್ರರಂಗದಲ್ಲಿ ಇದ್ದಷ್ಟು ದಿನ ನಂಬರ್ ಆನ್ ಪಟ್ಟದಲ್ಲಿದ್ದ ರಮ್ಯಾ, ಸುದೀಪ್, ದರ್ಶನ್, ಪುನೀತ್ ಹಾಗೂ ಯಶ್ ಸೇರಿದಂತೆ ಬಹುತೇಕ ಸ್ಟಾರ್ ನಟರ ಜೊತೆಗೆ ಅಭಿನಯಿಸಿದ್ದಾರೆ. ಅಪಾರ ಅಭಿಮಾನಿ ಬಳಗವನ್ನು ಹೊಂದಿರುವ ಸ್ಯಾಂಡಲ್ವುಡ್ ಕ್ವೀನ್, ಹಲವು ವರ್ಷಗಳಿಂದ ನಟನೆಯಿಂದ ಉಳಿದಿದ್ದಾರೆ. ರಮ್ಯಾ ಮದುವೆಗಾಗಿ ಅಭಿಮಾನಿಗಳು ಕಾಯುತ್ತಿದ್ದು, ಅವರಿಗೀಗ 42 ವರ್ಷ ವಯಸ್ಸು.

ನಟಿ ತ್ರಿಶಾ ಕೃಷ್ಣನ್ ಮದುವೆ ವಿಚಾರ ಆಗಾಗ ಮುನ್ನೆಲೆಗೆ ಬರುತ್ತಲೇ ಇರುತ್ತದೆ. ದಕ್ಷಿಣ ಭಾರತದ ಸಿನಿಮಾಗಳಲ್ಲಿ ಟಾಪ್ ನಟಿಯಾಗಿ ಮಿಂಚುತ್ತಿರುವ ತ್ರಿಶಾಗೆ ಅವರಿಗೀಗ  40 ವರ್ಷ ವಯಸ್ಸು. ಆದರೂ ಕೂಡ ಸೌಂದರ್ಯದಲ್ಲಿ ಯಂಗ್ ಹೀರೋಯಿನ್‌ಗಳಿಗೆ ಪೈಪೋಟಿ ನೀಡುತ್ತಾರೆ. ತ್ರಿಶಾ ಕನ್ನಡದ 'ಪವರ್' ಸಿನಿಮಾದಲ್ಲಿ ನಾಯಕಿಯಾಗಿ ಅಭಿನಯಿಸಿದ್ದಾರೆ.