ಕೋಟಿ ಕೋಟಿ ಆಸ್ತಿಯಿರುವ ಉದ್ಯಮಿಗಳ ಪುತ್ರಿಯರನ್ನು ಪ್ರೀತಿಸಿ ಮದುವೆಯಾದ ಸೌತ್ ನಟರಿವರು!

ಟಾಲಿವುಡ್‌ನ ಸ್ಟೈಲಿಶ್ ಹೀರೋ ಅಲ್ಲು ಅರ್ಜುನ್ ಉದ್ಯಮಿ ಪುತ್ರಿಯನ್ನು ಮದುವೆಯಾಹಿದ್ದಾರೆ. ಸ್ನೇಹಾ ರೆಡ್ಡಿ ಸೈಂಟ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ ಆಂಡ್ ಎಜುಕೇಷನಿಷ್ಟ್ ಕಂಚರ್ಲ ಚಂದ್ರಶೇಖರ್ ರೆಡ್ಡಿ ಅವರ ಪುತ್ರಿಯಾಗಿದ್ದಾರೆ. ಅಲ್ಲು ಅರ್ಜುನ್ 2011ರಲ್ಲಿ ಸ್ನೇಹಾ ರೆಡ್ಡಿಯವರನ್ನು ಮದುವೆಯಾಗಿದ್ದು, ಈ ದಂಪತಿಗೆ ಇಬ್ಬರು ಮಕ್ಕಳಿದ್ದಾರೆ. ಅಲ್ಲು ಅವರನ್ನು ವರಿಸುವ ಮುನ್ನವೇ ಸ್ನೇಹ ಕೋಟಿ-ಕೋಟಿ ಸಂಪತ್ತಿನ ಒಡತಿಯಾಗಿದ್ದರು.

ಕಾಲಿವುಡ್‌ನ ಕ್ಯೂಟ್‌ ಕಪಲ್ ಸೂರ್ಯ ಮತ್ತು ಜ್ಯೋತಿಕಾ. ಕೆಲ ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದ ಈ ಜೋಡಿ, 2006ರಲ್ಲಿ ಪ್ರೀತಿಸಿ ಮದುವೆಯಾದರು. ಅಂದ್ಹಾಗೆ ನಟಿ ಜ್ಯೋತಿಕಾ ನಿರ್ಮಾಪಕ ಚಂದರ್ ಸದನ ಅವರ ಮಗಳಾಗಿದ್ದಾರೆ. ಈ ಜೋಡಿಗೆ ಕೂಡ ಇಬ್ಬರು ಮುದ್ದಾದ ಮಕ್ಕಳಿದ್ದಾರೆ.

ಟಾಲಿವುಡ್ ನಟರ ರಾಮ್ ಚರಣ್ ಪತ್ನಿ ಉಪಾಸನಾ ಆಗರ್ಭ ಶ್ರೀಮಂತರಾಗಿದ್ದಾರೆ. ಉಪಾಸನಾ ತಂದೆ ಅನಿಲ್ ಕಾಮಿನೇನಿ ಕೆಇಐ ಗ್ರೂಪ್‌ನ ಸಂಸ್ಥಾಪಕರು. ಅವರ ತಾಯಿ ಶೋಭನಾ ಅಫೋಲೋ ಆಸ್ಪತ್ರೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಶೋಭನಾ ತಂದೆ ಪ್ರತಾಪ್ ಸಿ ರೆಡ್ಡಿ ಅವರೇ ಅಫೋಲೋ ಆಸ್ಪತ್ರೆಯ ಸಂಸ್ಥಾಪಕರು. ಉಪಾಸನಾ ಕೂಡ ಅಪೋಲೋ ಆಸ್ಪತ್ರೆಯಲ್ಲಿ ಉನ್ನತ ಹುದ್ದೆಯಲ್ಲಿದ್ದಾರೆ. ಈ ಜೋಡಿ 2012ರಲ್ಲಿ ವಿವಾಹವಾಗಿದ್ದು, ರಾಮ್ ಚರಣ್ ಆಸ್ತಿಗಿಂತ ಪತ್ನಿಯ ಆಸ್ತಿಯೇ ಹೆಚ್ಚಿದೆಯಂತೆ.

ಮಲಯಾಳಂ ನಟ ದುಲ್ಕರ್ ಸಲ್ಮಾನ್‌ಗೆ ಸಿಕ್ಕಾಪಟ್ಟೆ ಅಭಿಮಾನಿ ಬಳಗವಿದೆ. ದುಲ್ಕರ್ ಪತ್ನಿ ಅಮಲಾ ಸೂಫಿಯಾ ಅವರು ಖ್ಯಾತ ಉದ್ಯಮಿ ಸೈಯದ್ ನಿಜಾಮುದ್ದೀನ್ ಮಗಳು. ಇವರ ಬಳಿ ಕೋಟಿ-ಕೋಟಿ ಆಸ್ತಿಯಿದೆ. ದುಲ್ಕರ್ ಹಾಗೂ ಅಮಲಾ 2011ರಲ್ಲಿ ಪ್ರೀತಿಸಿ ಮದುವೆಯಾಗಿದ್ದರು.  

ದಕ್ಷಿಣ ಭಾರತದ ಸ್ಟಾರ್ ನಟರ ಪೈಕಿ ದಳಪತಿ ವಿಜಯ್ ಕೂಡ ಒಬ್ಬರು. ವಿಜಯ್ ಭಾರತೀಯ ಸಿನಿಮಾ ಕ್ಷೇತ್ರದಲ್ಲಿ ದೊಡ್ಡ ಹೆಸರು ಮಾಡಿದ್ದಾರೆ. ವಿಜಯ 1999ರಲ್ಲಿ ಸೋರ್ನಲಿಂಗಂ  ಎಂಬುವವರನ್ನು ಮದುವೆಯಾದರು. ಸೋರ್ನಲಿಂಗಂ ಶ್ರೀಲಂಕಾದ ತಮಿಳು ಕೈಗಾರಿಕೋದ್ಯಮಿ ಒಬ್ಬರ ಮಗಳು.

ಟಾಲಿವುಡ್ ನಟ ಜ್ಯೂನಿಯರ್ ಎನ್‌ಟಿಆರ್ 2011ರಲ್ಲಿ ಲಕ್ಷ್ಮೀ ಪ್ರಣತಿ ಎಂಬುವವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಲಕ್ಷ್ಮೀ ಪ್ರಣತಿ ಅವರ ತಂದೆ ಶ್ರೀನಿವಾಸ್ ರಾವ್ ಉದ್ಯಮಿ ಹಾಗೂ ಜೊತೆಗೆ ಬೇರೆ ಬೇರೆ ಮಾಧ್ಯಮಗಳನ್ನು ಹ್ಯಾಂಡಲ್ ಮಾಡುತ್ತಿದ್ದಾರೆ ಎನ್ನಲಾಗಿದೆ.

ಸೌತ್ ಸಿನಿಮಾರಂಗದ  ಜನಪ್ರಿಯರ ನಟರಲ್ಲಿ ರಾಣಾ ದಗ್ಗುಬಾಟಿ ಕೂಡ ಒಬ್ಬರು. ಇವರು 2022ರಲ್ಲಿ ಮಿಹಿಕಾ ಬಜಾಜ್ ಅವರನ್ನು ಮದುವೆಯಾಗಿದ್ದಾರೆ. ಮಿಹಿಕಾ  ಹೈದರಾಬಾದ್‌ನ ಶ್ರೀಮಂತ ಉದ್ಯಮಿಯ ಪುತ್ರಿಯಾಗಿದ್ದಾರೆ. ಮಿಹಿಕಾ ತಾಯಿ ಕ್ರಸಲಾ ಕೂಡ ಜ್ಯುವೆಲರಿಯೊಂದರ ಡೈರೆಕ್ಟರ್ ಆಗಿದ್ದಾರೆ.