ಈ ವಾರ (18-02-2022) ಓಟಿಟಿಯಲ್ಲಿ ತೆರೆಕಂಡ ಎಲ್ಲಾ ಭಾಷೆಯ ಪ್ರಮುಖ ಚಲನಚಿತ್ರಗಳು

ಪಿ ವಾಸು ನಿರ್ದೇಶನದಲ್ಲಿ ಮೂಡಿಬಂದ ದೃಶ್ಯ ಚಿತ್ರದ ಮುಂದುವರೆದ ಭಾಗ ಚಿತ್ರಮಂದಿರಗಳಲ್ಲಿ ಯಶಸ್ವಿ ಪ್ರದರ್ಶನ ಕಂಡು ಜೀ ಫೈ ನಲ್ಲಿ ಬಿಡುಗಡೆಯಾಗಿದೆ. ಹಿಂದಿನ ಚಿತ್ರದ ಘಟನೆಗಳ ಮುಂದುವೆರೆದ ಭಾಗವಾಗಿ ಈ ಚಿತ್ರ ಮೂಡಿ ಬಂದಿದೆ.

ಪುನೀತ್ ರಾಜಕುಮಾರ್ ರವರ ಹೋಮ್ ಬ್ಯಾನರ್ ಪಿ.ಆರ್.ಕೆ ಅಡಿಯಲ್ಲಿ ಮೂಡಿಬಂದ ಫ್ಯಾಮಿಲಿ ಪ್ಯಾಕ್ ಚಿತ್ರ ಫೆಬ್ರವರಿ 17 ರಂದು ನೇರವಾಗಿ ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾಯಿತು. ಲಿಖಿತ್ ಶೆಟ್ಟಿ ಮತ್ತು ಅಮೃತಾ ಅಯ್ಯಂಗಾರ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರವನ್ನು ಅರ್ಜುನ ಕುಮಾರ್ ಎಸ್ ನಿರ್ದೇಶನ ಮಾಡಿದ್ದಾರೆ. 

ಬೇಹ್ಜಾದ್ ಖಂಬಾಟಾ ನಿರ್ದೇಶನ ಮತ್ತು ರೊನ್ನಿ ಸ್ಕ್ರೀವಾಲಾ ನಿರ್ಮಾಣದಲ್ಲಿ ಮೂಡಿ ಬಂದಿರುವ `ಎ ಥರ್ಸಡೇ' ( A Thursday) ಥ್ರಿಲ್ಲರ್ ಚಿತ್ರದಲ್ಲಿ ಯಾಮಿ ಗೌತಮ್, ಅತುಲ್ ಕುಲಕರ್ಣಿ ಮತ್ತು ನೇಹಾ ಧೂಪಿಯಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರ ಫೆಬ್ರವರಿ 17 ರಂದು ಡಿಸ್ನಿ ಪ್ಲಸ್ ಹಾಟಸ್ಟಾರ್ ನಲ್ಲಿ ಬಿಡುಗಡೆಯಾಗಿದೆ.

ವಿನೀತ್ ಶ್ರೀನಿವಾಸನ್ ನಿರ್ದೇಶಿಸಿರುವ ಈ ಮಲಯಾಳಂ ಚಿತ್ರದಲ್ಲಿ ಪ್ರಣವ್ ಮೋಹನಲಾಲ್, ದರ್ಶನಾ ರಾಜೇಂದ್ರನ್ ಮತ್ತು ಕಲ್ಯಾಣಿ ಪ್ರಿಯದರ್ಶನ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರ ಫೆಬ್ರವರಿ 18 ರಿಂದ ಡಿಸ್ನಿ ಪ್ಲಸ್ ಹಾಟಸ್ಟಾರ್ ನಲ್ಲಿ ಪ್ರಸಾರವಾಗುತ್ತಿದೆ.

ಕಲ್ಯಾಣ ಕೃಷ್ಣ ಕುರುಸಾಲ ನಿರ್ದೇಶನದಲ್ಲಿ ಮೂಡಿಬಂದಿರುವ `ಬಂಗಾರ್‌ರಾಜು' ಚಿತ್ರ ಸೊಗ್ಗಡೆ ಚಿನ್ನ ನಯನಾ' ಚಿತ್ರ ಸರಣಿಯಲ್ಲಿ ಮೂಡಿ ಬಂದಿದೆ. ಈ ಚಿತ್ರದಲ್ಲಿ ನಾಗಚೈತನ್ಯ, ನಾಗಾರ್ಜುನ, ಕೃತಿ ಶೆಟ್ಟಿ ಮತ್ತು ರಮ್ಯ ಕೃಷ್ಣ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ, ಚಿತ್ರಮಂದಿರಗಳಲ್ಲಿ ತೆರೆಕಂಡ ಈ ಚಿತ್ರ ಪ್ರಸ್ತುತ ಜೀ5 ಆ್ಯಪ್ ನಲ್ಲಿ ಬಿಡುಗಡೆಯಾಗಿದೆ.

ಕಬೀರ್ ಖಾನ್ ನಿರ್ದೇಶನದಲ್ಲಿ ಮೂಡಿಬಂದ `83' ಚಿತ್ರ ಚಿತ್ರಮಂದಿರಗಳಲ್ಲಿನ ನೀರಸ ಪ್ರದರ್ಶನದ ನಂತರ ನೆಟಫ್ಲಿಕ್ಸ್ ಮತ್ತು ಡಿಸ್ನಿ ಪ್ಲಸ್ ಹಾಟಸ್ಟಾರ್ ನಲ್ಲಿ ಬಿಡುಗಡೆಯಾಗುತ್ತಿದೆ. ಈ ಚಿತ್ರದಲ್ಲಿ ರಣಬೀರ್ ಕಪೂರ್ `ಕಪಿಲ್ ದೇವ್ ಪಾತ್ರದಲ್ಲಿ ನಟಿಸಿದ್ದರು.

ವಿಷ್ಣು ಮೋಹನ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಮೆಪ್ಪಾಡಿಯನ್ ಚಿತ್ರದಲ್ಲಿ ಉನ್ನಿ ಮುಕುಂದನ್, ಸೈಜು ಕುರುಪ್ ಮತ್ತು ಅಜು ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಮಲಯಾಳಂ ಚಿತ್ರ ಫೆಬ್ರವರಿ 18 ರಿಂದ ಅಮೇಜಾನ್ ಪ್ರೈಮ್ ವೀಡಿಯೋದಲ್ಲಿ ಪ್ರಸಾರವಾಗುತ್ತಿದೆ.

ಆನಂದ್ ಶಂಕರ್ ನಿರ್ದೇಶನದಲ್ಲಿ ಮೂಡಿಬಂದ `ಎನಿಮಿ' ಚಿತ್ರದಲ್ಲಿ ವಿಶಾಲ್ ಮತ್ತು ಆರ್ಯ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇಬ್ಬರು ಬಾಲ್ಯ ಸ್ನೇಹಿತರು ಮುಂದೆ ಎರಡು ಗುಂಪುಗಳಾಗಿ ಹೋರಾಟಕ್ಕೆ ಇಳಿಯುತ್ತಾರೆ ಎಂಬುದು ಚಿತ್ರದ ಕಥೆ. ಈ ಚಿತ್ರ ಸೋನಿ ಲಿವ್ ನಲ್ಲಿ ಪ್ರಸಾರವಾಗುತ್ತಿದೆ.