ಒಂದು ಮೊಟ್ಟೆಯ ಕಥೆ ಹೀರೋಯಿನ್: ಅಮೃತಧಾರೆ ಸೀರಿಯಲ್‌ನ ಅಪೇಕ್ಷಾ ರಿಯಲ್ ಲೈಫ್ ವಿಷಯಗಳಿವು!

ಅಮೃತಧಾರೆ ಸೀರಿಯಲ್‌ನ ಅಪೇಕ್ಷಾ ಪಾತ್ರದ ಮೂಲಕ ವೀಕ್ಷಕರ ಮನಗೆದ್ದಿರುವ ನಟಿಯ ನಿಜವಾದ ಹೆಸರು ಅಮೃತಾ ನಾಯ್ಕ್. ಮೂಲತಃ ಮಂಗಳೂರಿನವರಾವ ಈ ನಟಿ, ಕನ್ನಡ ಕಿರುತೆರೆಯಲ್ಲಿ ಈಗಾಗಲೇ ಒಂದಷ್ಟು ಹೆಸರು ಮಾಡಿದ್ದಾರೆ. ಇದಕ್ಕೂ ಮುನ್ನ ಕನ್ನಡ ಚಿತ್ರರಂಗದಲ್ಲೂ ಮಿಂಚಿದ್ದಾರೆ.

ರಾಜ್‌ ಬಿ ಶೆಟ್ಟಿ ಅಭಿನಯದ ಸೂಪರ್ ಹಿಟ್ ಸಿನಿಮಾ 'ಒಂದು ಮೊಟ್ಟೆಯ ಕಥೆಯಲ್ಲಿ' ಅಮೃತಾ ನಾಯ್ಕ್ ಅಭಿನಯಿಸಿದ್ದರು. ಈ ಚಿತ್ರಕ್ಕೆ ಹಲವು ದೊಡ್ಡ-ದೊಡ್ಡ ಕಲಾವಿದರು ಆಡಿಷನ್ ಕೊಟ್ಟಿದ್ದರು. ಈ ನಡುವೆ ಅಮೃತಾ ನಾಯ್ಕ್ ಆಯ್ಕೆಯಾಗಿದ್ದರು. ಸುಮಾರು ೩೦ ಲಕ್ಷ ರೂಪಾಯಿಯಲ್ಲಿ ತಯಾರಾಗಿದ್ದ ಸಿನಿಮಾ 2.5 ಕೋಟಿ ರೂಪಾಯಿ ಗಳಿಸಿತ್ತು ಎನ್ನಲಾಗಿತ್ತು. ಈ ಸಿನಿಮಾದ 'ಚಂದ ಅವಳ ಕಿರು ಲಜ್ಜೆ' ಹಾಡಿನಲ್ಲಿ ಕಾಣಿಸಿಕೊಂಡಿದ್ದರು. 

ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ 'ಕವಚ' ಹಾಗೂ ರಿಷಭ್ ಶೆಟ್ಟಿ ಅಭಿನಯದ ಕಥಾಸಂಗಮ ಸಿನಿಮಾದಲ್ಲಿಯೂ ಅಮೃತಾ ನಾಯ್ಕ ಬಣ್ಣ ಹಚ್ಚಿದ್ದಾರೆ. ಅಮೃತಾ ಅವರಿಗೆ ನಾಯಕಿಯಾಗಬೇಕು ಎಂಬುದು ಇಲ್ಲವಂತೆ. ಅವರಿಗೆ ಉತ್ತಮ ನಟಿ ಎನಿಸಿಕೊಳ್ಳಬೇಕಂತೆ. 

ಮೊದಲು ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾದ 'ಯಶೋಧಾ' ಧಾರಾವಾಹಿಯಲ್ಲಿ ಅಮೃತಾ, ಸಣ್ಣ ಪಾತ್ರವೊಂದನ್ನು ಮಾಡಿದ್ದರು. ಆನಂತರ ಶಾಂತಂ ಪಾಪಂ ಎಪಿಸೋಡ್‌ನಲ್ಲೂ ಕಾಣಿಸಿಕೊಂಡರು. ಇದಾದ ಬಳಿಕ ರಾಜಿ, ಕಥೆಯೊಂದು ಶುರುವಾಗಿದೆ ಧಾರಾವಾಹಿಗಳಲ್ಲಿ ಅಭಿನಯಸಿದರು. ಸದ್ಯ ಅಪೇಕ್ಷಾ ಪಾತ್ರದ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿದ್ದಾರೆ.

ಅಮೃತಾ ನಾಯ್ಕ್  2017ರಲ್ಲಿ ಧೀರಜ್ ನಿರ್ದೇಶನದ 'ದಿ ಗಿಲ್ಟ್' ಕಿರುಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಕಲೆಯ ಮೇಲೆ ಸಾಕಷ್ಟು ಆಸಕ್ತಿ ಹೊಂದಿಎಉವ ಇವರಿಗೆ, ಮೊದಲ ಬಾರಿ ಸಿನಿಮಾವೊಂದನ್ನು ನೋಡಿದಾಗ ತಮಗೂ ಟಿವಿಯಲ್ಲಿ ಕಾಣಿಸಿಕೊಳ್ಳಬೇಕೆಂಬ ಅನಿಸಿತ್ತಂತೆ. ಅಲ್ಲಿಂದಲೇ ನಟನೆ ಮೇಲೆ ಒಲವು ಹೆಚ್ಚಾಯಿತಂತೆ.