ಯಕ್ಷಗಾನ ಕಲಾವಿದೆಯೂ ಆಗಿರುವ ಅಣ್ಣಯ್ಯ ಸೀರಿಯಲ್‌ನ ಗುಂಡಮ್ಮನ ಕುರಿತ ಇಂಟರೆಸ್ಟಿಂಗ್ ವಿಷಯಗಳಿವು!

ಅಣ್ಣಯ್ಯ ಧಾರಾವಾಹಿಯಲ್ಲಿ ಕ್ಯೂಟ್ ಆಗಿ ಪಟಪಟ ಅಂತ ಮಾತನಾಡುವ ಗುಂಡಮ್ಮ ಪಾತ್ರಧಾರಿಯ ನಿಜವಾದ ಹೆಸರು ಪ್ರತೀಕ್ಷಾ ಶ್ರೀನಾಥ್. ಈ ಸೀರಿಯಲ್‌ನಲ್ಲಿ ಮಾರಿಗುಡಿ ಶಿವಣ್ಣನ ಮೂರನೇ ತಂಗಿ ರಶ್ಮಿ ಅಲಿಯಾಸ್ ಗುಂಡಮ್ಮ ಪಾತ್ರದ ಮೂಲಕ ಜನಪ್ರಿಯತೆ ಗಳಿಸಿದ್ದಾರೆ.

ಪ್ರತೀಕ್ಷಾ ಶ್ರೀನಾಥ್ ನಟಿ ಮಾತ್ರವಲ್ಲದೇ, ಅದ್ಭುತ ಯಕ್ಷಗಾನ ಕಲಾವಿದೆ ಕೂಡ ಹೌದು. ಸಮಯ ಸಿಕ್ಕಾಗೆಲ್ಲಾ ಯಕ್ಷಗಾನ ವೇಷ ತೊಟ್ಟು ವೇದಿಕೆಯಲ್ಲಿ ಕಾರ್ಯಕ್ರಮ ನೀಡುತ್ತಿರುತ್ತಾರೆ. ಸೋಶಿಯಲ್ ಮೀಡಿಯಾದಲ್ಲಿ ಹಲವಾರು ಯಕ್ಷಗಾನ ವೇಷದ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.

ರಂಗಭೂಮಿ ಹಿನ್ನೆಲೆ ಹೊಂದಿರುವ ಪ್ರತೀಕ್ಷಾ, ಕಿರುತೆರೆಗೂ ಕಾಲಿಡುವ ಮುನ್ನ ಸಾಕಷ್ಟು ನಾಟಕಗಳಲ್ಲಿ ಅಭಿನಯಿಸಿದ್ದಾರೆ. ಈ ಹಿಂದೆ ಶೂರ್ಪನಕಿ ವೇಷದಲ್ಲಿಯೂ ಗಮನ ಸೆಳೆದಿದ್ದರು. ನಟನೆ, ಯಕ್ಷಗಾನ ಜೊತೆಗೆ ಗಾಯನದಲ್ಲೂ ಅಪೇಕ್ಷಾ ಸೈ ಎನಿಸಿಕೊಂಡಿದ್ದಾರೆ.

'ಅಣ್ಣಯ್ಯ' ಧಾರಾವಾಹಿಯಲ್ಲಿ ವಿಕಾಸ್ ಉತ್ತಯ್ಯ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಗಟ್ಟಿಮೇಳ ಸೀರಿಯಲ್‌ನಲ್ಲಿ ರೌಡಿ ಬೇಬಿ (ಅಮೂಲ್ಯ) ಅಂತಲೇ ಸಿಕ್ಕಾಪಟ್ಟೆ ಖ್ಯಾತಿ ಗಳಿಸಿದ್ದ ನಿಶಾ ರವಿಕೃಷ್ಣನ್  ಈ ಧಾರಾವಾಹಿ ಹೀರೋಯಿನ್. ಉಳಿದಂತೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ ಸೂಪರ್ ಹಿಟ್ ಸಿನಿಮಾ ಕಾಟೇರದಲ್ಲಿ ಆರಾಧಾನಾ ರಾಮ್ ಅವರ ಬಾಲ್ಯದ ವರ್ಷನ್‌ನಲ್ಲಿ ಕಾಣಿಕೊಂಡಿದ್ದ ಅಂಕಿತಾ ಗೌಡ, ವೈಶಂಪಾಯನ ತೀರ ಮತ್ತು ಜಲಪಾತ ಸಿನಿಮಾಗಳಲ್ಲಿ ಅಭಿನಯಿಸಿರುವ ನಾಗಶ್ರೀ ಬೇಗಾರ್,  ಪ್ರತೀಕ್ಷಾ ಶ್ರೀನಾಥ್ ಹಾಗೂ ಪ್ರಾಯಶಃ ಚಿತ್ರದಲ್ಲಿ ಅಭಿನಯಿಸಿರುವ ರಾಘವಿ ನಾಯಕನ ಮುದ್ದಿನ ತಂಗಿಯರಾಗಿ ಕಾಣಿಸಿಕೊಂಡಿದ್ದಾರೆ.