ಪ್ರೀತಿಯ ಸಂಗಿಗಾಗಿ ಕೆಲಸ ಬಿಟ್ಟ ಸುಚಿ: ಬಿಗ್‌ಬಾಸ್ ರನ್ನರ್ ಅಪ್ ಸಂಗೀತಾ ಶೃಂಗೇರಿ ಅತ್ತಿಗೆ ಯಾರು ಗೊತ್ತಾ?

ಸಂಗೀತಾ ಶೃಂಗೇರಿ ಅವರ ಅಣ್ಣನ ಹೆಂಡತಿ ಸುಚಿತ್ರಾ ಸಂತೋಷ್ ಕುಮಾರ್. ಅತ್ತಿಗೆಗಿಂತ ಹೆಚ್ಚಾಗಿ ಫ್ರೆಂಡ್ಸ್ ಆಗಿ ಇವರಿಬ್ಬರು ಹೆಚ್ಚು ಫೇಮಸ್ ಆಗಿದ್ದಾರೆ. ಸಂಗೀತಾ ಕೆಲ ಸಂದರ್ಶನಗಳಲ್ಲಿ ತಾವು ಬಿಗ್‌ಬಾಸ್‌ಗೆ ಹೋಗಲ್ಲ ಎಂಬ ಹೇಳಿಕೆ ನೀಡಿದ್ದರು. ಆದರೆ, ಅವರ ಅತ್ತಿಗೆ ಸುಚಿ, ನೀನು ಬಿಗ್‌ಬಾಸ್‌ಗೆ ಹೋಗಬೇಕು. ನಿನ್ನಂತಹ ವ್ಯಕ್ತಿತ್ವ ಇಂಡಸ್ಟ್ರಿಗೆ ಬೇಕು ಅಂತ ಹುರಿದುಂಬಿಸಿದ್ದರಂತೆ. 

ಸುಚಿ ಹೆಚ್‌ಆರ್ ಆಗಿ ಕೆಲಸ ಮಾಡುತ್ತಿದ್ದರು. ನಾನು ಸಡನ್ ಆಗಿ ಬಿಗ್‌ಬಾಸ್‌ ಮನೆಗೆ ಹೋದೆ. ಹೀಗಾಗಿ, ಅತ್ತಿಗೆ ತಾವು ಮಾಡುತ್ತಿದ್ದ ಕೆಲಸ ಬಿಟ್ಟು, ನನ್ನ ಅಕೌಂಟ್ ಅನ್ನು ಅವರೇ ನೋಡಿಕೊಳ್ಳುತ್ತಿದ್ದರು. ನಾನು ಏನು ಮಾಡಬೇಕು ಅಂತ ಅತ್ತಿಗೆ ಹೇಳಿರಲಿಲ್ಲ, ಅಷ್ಟು ಟೈಮ್ ಇರಲಿಲ್ಲ ಅಂತ ಸಂಗೀತಾ ಸಂದರ್ಶನದಲ್ಲಿ ಹೇಳಿದ್ದಾರೆ.

ಅಣ್ಣ-ಅತ್ತಿಗೆಯದ್ದು 13 ವರ್ಷದ ಲವ್ ಸ್ಟೋರಿ. ಮನೆಯವರನ್ನು ಒಪ್ಪಿಸಿ ಮದುವೆಯಾಗಿದ್ದಾರೆ. ಅವರ ಮದುವೆ ದಿನವೇ ಪುನೀತ್ ರಾಜ್‌ಕುಮಾರ್ ಅವರ ಸಾವಾಗಿತ್ತು. ಹೀಗಾಗಿ, ನಾನು ಮದುವೆ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿರಲಿಲ್ಲ. ಸಿನಿಮಾಗಳಲ್ಲಿ ತೋರಿಸುವ ತರಹದ ಅತ್ತಿಗೆ ಬಂದರೆ ಸಮಸ್ಯೆಯಾಗುತ್ತೆ ಅಂತ ನಾನು ಅಂದುಕೊಂಡಿದ್ದೆ. ಆದರೆ, ಸುಚಿ ತುಂಬಾ ಒಳ್ಳೆಯವರು. ನನಗೆ ಏನೇ ಸಮಸ್ಯೆಯಾದರೂ ನೋಡಿಕೊಳ್ಳುತ್ತಾರೆ. ಅವರು ನನಗೆ ದೇವರ ತರಹ. ಅಣ್ಣ ಸಾಫ್ಟವೇರ್ ಇಂಜಿನಿಯರ್. ಹಾಗಾಗಿ ಎಐ ಇಮೇಜ್ ಕ್ರಿಯೇಟ್ ಮಾಡಿ ಪ್ರಚಾರ ಮಾಡ್ತಿದ್ದ ಎಂದಿದ್ದಾರೆ. 

ನನ್ನ ಕುಟುಂಬಕ್ಕೆ ಪ್ರಚಾರವೂ ಗೊತ್ತಿಲ್ಲ, ಸೋಶಿಯಲ್ ಮೀಡಿಯಾ ಮಾರ್ಕೆಟಿಂಗ್ ಗೊತ್ತಿರಲಿಲ್ಲ. ಬಿಗ್‌ಬಾಸ್‌ ಮನೆಯೊಳಗೆ ಹೋದಾಗ ಪೋಟೋ ಬರುತ್ತೆ, ವಿಡಿಯೋ ಬರುತ್ತೆ ಅದನ್ನ ಪ್ರಚಾರ ಮಾಡಿ ಅಂತ ಹೇಳಿದ್ದೆ. ನಾನು ಫ್ಯಾಮಿಲಿ ಫೋಟೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಾಕ್ತಿರಲಿಲ್ಲ. ನನ್ನ ರಂಗದಿಂದ, ಕೆಲಸದಿಂದ ದೂರವಿಟ್ಟಿದೆ. ನನ್ನ ನೋವು-ನಲಿವು ನನಗೆ ಇರಲಿ ಅಂತ ಸಂಬಳ ಎಷ್ಟು ಎಂಬುದನ್ನು ಕೂಡ ಹೇಳುತ್ತಿರಲಿಲ್ಲ ಎಂದಿದ್ದಾರೆ. 

ಇನ್ನು ಬಿಗ್‌ಬಾಸ್‌ ಮನೆಯಿಂದ ಹೊರಬಂದ ಬಳಿಕ ಅಣ್ಣ-ಅತ್ತಿಗೆ ಬಗ್ಗೆ ಬರೆದುಕೊಂಡಿದ್ದ ಸಂಗೀತಾ, ನನ್ನ ಮುದ್ದಿನ, ಪ್ರೀತಿಯ ಸುಚಿಗೆ ಧನ್ಯವಾದಗಳು. ನನ್ನನ್ನು ಸಪೋರ್ಟ್ ಮಾಡಿದ್ದಕ್ಕೆ ಪ್ರೀತಿಯ ಅಪ್ಪುಗೆ. ನನಗಿಂತ ನೀವು ಹೆಚ್ಚು ಹೋರಾಟ ಮಾಡಿದ್ರಿ. ನನ್ನ ಜೀವನದಲ್ಲಿ ನಿಮ್ಮನ್ನು ಪಡೆದಿರುವುದಕ್ಕೆ ನಾನು ನಿಜವಾಗಿಯೂ ಲಕ್ಕಿ. ನಾನು ಶಕ್ತಿಶಾಲಿಯಾಗಿ, ಧೈರ್ಯಶಾಲಿಯಾಗಿ ಬೆಳೆದಿರೋದಕ್ಕೆ ಕಾರಣ ನನ್ನ ಕೆಚ್ಚೆದೆಯ ಅಣ್ಣ. ನಿನ್ನ ಸಪೋರ್ಟ್ ನನಗೆ ತುಂಬಾ ಸಹಾಯ ಮಾಡಿದೆ. ಐ ಲವ್ ಯೂ ಫಾರ್ ಎವರಿಥಿಂಗ್ ಅಂತ ಹೇಳಿದ್ದರು.