ಕನ್ನಡ ಚಿತ್ರರಂಗದಲ್ಲಿ ಮಿಂಚಿ ಮರೆಯಾದ ಮಲಯಾಳಂ ನಟಿಯರಿವರು!

ಮಿಲನ, ಮಳೆ ಬರಲಿ ಮಂಜು ಇರಲಿ, ಅಂದರ್ ಬಾಹರ್, ಪೃಥ್ವಿ ಸಿನಿಮಾಗಳಲ್ಲಿ ನಟಿಸುವ ಮೂಲಕ ನಟಿ ಪಾರ್ವತಿ ಮೆನನ್ ಕನ್ನಡಿಗರ ಮನಗೆದ್ದಿದ್ದರು. ಈ ಪೈಕಿ ಪುನೀತ್ ಜೊತೆಗೆ ನಟಿಸಿದ್ದ 'ಮಿಲನಾ' ಸಿನಿಮಾ ದೊಡ್ಡ ಹಿಟ್ ಆಯ್ತು. 'ಪೃಥ್ವಿ' ಚಿತ್ರಕ್ಕೆ ಒಳ್ಳೆಯ ಪ್ರತಿಕ್ರಿಯೆ ಬಂದಿತ್ತು. ಈ ಸಿನಿಮಾಗಳ ನಂತರ ಬೇರೆ ಬೇರೆ ಭಾಷೆಯ ಸಿನಿಮಾಗಳಲ್ಲಿ ಪಾರ್ವತಿ ನಟಿಸುತ್ತಿದ್ದಾರೆ. 2013ರ ನಂತರ ಪಾರ್ವತಿ ಕನ್ನಡದ ಕಡೆ ತಿರುಗಿ ನೋಡಿಲ್ಲ.

ಮಲಯಾಳಂ, ತೆಲುಗು, ತಮಿಳಿನಲ್ಲಿ ಫೇಮಸ್ ಆಗಿದ್ದ ಅಮಲಾ ಪೌಲ್, 2017ರಲ್ಲಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟರು. 'ಹೆಬ್ಬುಲಿ' ಸಿನಿಮಾದಲ್ಲಿ ಕಿಚ್ಚ ಸುದೀಪ್‌ಗೆ ಜೋಡಿಯಾಗಿ ಮಿಂಚಿದ್ದರು. ಈ ಸಿನಿಮಾ ಹಿಟ್ ಆಯ್ತು. ಆ ಸಿನಿಮಾದ ನಂತರ ಅಮಲಾ ಯಾವುದೇ ಕನ್ನಡ ಸಿನಿಮಾ ಮಾಡಿಲ್ಲ. ಯಾರು ಅವರನ್ನು ಮತ್ತೆ ಈ ಕಡೆ ಕರೆ ತಂದಿಲ್ಲ.

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ 'ಮೊದಲಾ ಸಲ' ಚಿತ್ರದ ಮೂಲಕ ಚಂದನವನ ಪ್ರವೇಶಿಸಿದ ನಟಿ ಭಾಮಾ, ನಂತರ ಶೈಲೂ, ಆಟೋ ರಾಜ, ಒಂದು ಕ್ಷಣದಲ್ಲಿ,  ಬರ್ಫಿ ಮುಂತಾದ ಚಿತ್ರಗಳಲ್ಲಿ ನಟಿಸಿ ಸ್ಯಾಂಡಲ್‌ವುಡ್‌ನಲ್ಲಿ ಜನಪ್ರಿಯರಾದರು. 2013ರಲ್ಲಿ ತೆರೆಕಂಡ ಬರ್ಫಿ ಸಿನಿಮಾ ಬಳಿಕ ಅವರು ಯಾವುದೇ ಕನ್ನಡ ಸಿನಿಮಾಲದಲ್ಲಿ ಅಭಿನಯಿಸಿಲ್ಲ.

2004ರಲ್ಲಿ ತೆರೆಕಂಡ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಅಭಿನಯದ 'ಮೌರ್ಯ' ಚಿತ್ರದ ಮೂಲಕ ಮೀರಾ ಜಾಸ್ಮಿನ್ ಚಂದನವನ ಪ್ರವೇಶಿಸಿದರು. ನಂತರ ಅರಸು, ದೇವರು ಕೊಟ್ಟ ತಂಗಿ, ಹೂ ಸಿನಿಮಾಗಳಲ್ಲಿ ನಟಿಸಿದ್ದ  ಮೀರಾ ಜಾಸ್ಮಿನ್, 2010ರ ಬಳಿಕ ಕನ್ನಡ ಚಿತ್ರರಂಗಕ್ಕೆ ಮರಳಿಲ್ಲ.

ಪ್ರಸಿದ್ಧ ಮಲಯಾಳಂ ನಟಿ ರಾಧಾ ಪುತ್ರಿಯಾದ ಕಾರ್ತಿಕಾ ನಾಯರ್ 2013ರಲ್ಲಿ ತೆರೆಕಂಡ ತೆರೆಕಂಡ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅಭಿನಯದ 'ಬೃಂದಾವನ' ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟಿದದ್ರು. ಇದಾದ ಬಳಿಕ ಅವರು ಯಾವ ಸಿನಿಮಾದಲ್ಲೂ ನಟಿಸಲಿಲ್ಲ.