ಉಪೇಂದ್ರ ಟು ರಾಗಿಣಿ: ಜನಪ್ರಿಯತೆ ಹೆಚ್ಚಾಗುತ್ತಿದ್ದಂತೆ ಈ ನಟ-ನಟಿಯರ ಹೆಸರೇ ಸಿನಿಮಾ ಟೈಟಲ್ ಆಯ್ತು!

ತಮ್ಮ ಹೆಸರನ್ನೇ ಸಿನಿಮಾ ಟೈಟಲ್ ಆಗಿ ಮಾಡಿಕೊಂಡ ಸ್ಯಾಂಡಲ್‌ವುಡ್‌ ನಟರ ಪೈಕಿ ರಿಯಲ್ ಸ್ಟಾರ್ ಉಪೇಂದ್ರ ಮೊದಲಿಗರು. ಈ ಸಿನಿಮಾಗೆ ಉಪೇಂದ್ರ ಅವರೆ ಕಥೆ ಬರೆದು ನಿರ್ದೇಶಿಸಿ, ನಟಿಸಿದ್ದರು. ಚಿತ್ರದಲ್ಲಿ 'ಉಪ್ಪಿಗಿಂತ ರುಚಿ ಬೇರೆಯಿಲ್ಲ' ಎಂಬ ಹಾಡು ಕೂಡ ಇತ್ತು. ಮನುಷ್ಯನ ಮೂರು ಭಾವನೆಗಳನ್ನು ಮೂರು ಪಾತ್ರದೊಂದಿಗೆ ಸಮೀಕರಿಸಿದ್ದ ಉಪೇಂದ್ರ ಚಿತ್ರ ಕನ್ನಡ, ತೆಲಗು ಮಾತ್ರವಲಲ್ಲದೇ ಜಪಾನ್ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನ ಕಂಡು ಮನ್ನಣೆ ಪಡೆಯಿತು. ನಂತರ 2015ರಲ್ಲಿ ಅದರ ಸೀಕ್ವೇಲ್ ಉಪ್ಪಿ 2 ಕೂಡ ಬಿಡುಗಡೆಯಾಗಿತ್ತು.

2012ರಲ್ಲಿ ತೆರೆಕಂಡ ಹ್ಯಾಟ್ರಿಕ್ ಹೀರೋ ಶಿವರಾಜ್‌ಕುಮಾರ್ ಅಭಿನಯದ ಸಿನಿಮಾಗೆ 'ಶಿವ' ಅಂತ ಹೆಸರಿಡಲಾಗಿತ್ತು. ಹಲವರು ಈ ಸಿನಿಮಾಗೆ 'ಶಿವ' ಅಂತ ದೇವರ ಹೆಸರಿಡಲಾಗಿದೆ ಅಂದಕೊಂಡಿದ್ದರು. ಆದರೆ, ಇದೊಂದು ಆಕ್ಷನ್ ಸೀಕ್ವೆನ್ಸ್ ಚಿತ್ರವಾಗಿದ್ದು, ಶಿವರಾಜ್‌ಕುಮಾರ್ ಹೆಸರಿನಲ್ಲಿಯೇ ಸಿನಿಮಾ ಮಾಡಲಾಗಿತ್ತು. ಅಂದ್ಹಾಗೆ ಇದು ಶಿವಣ್ಣನ ೧೦೧ನೇ ಸಿನಿಮಾವಾಗಿದ್ದು, ಓಂ ಪ್ರಕಾರಶ್ ರಾವ್ ನಿರ್ದೇಶನ ಮಾಡಿದ್ದರು. ರಾಗಿಣಿ ದ್ವಿವೇದಿ ಈ ಚಿತ್ರದಲ್ಲಿ ನಾಯಕಿಯಾಗಿ ಕಾಣಿಕೊಂಡಿದ್ದರು.

ನಿರ್ದೇಶಕ ಇಂದ್ರಜಿತ್ ಲಂಕೇಶ್ ಅವರು 2006ರಲ್ಲಿ ಬಾಲಿವುಡ್ ಬೆಡಗಿ ಐಶ್ವರ್ಯಾ ರೈ ಅವರ ಸ್ಫೂರ್ತಿಯಿಂದ ತಮ್ಮ ಸಿನಿಮಾಗೆ 'ಐಶ್ವರ್ಯಾ' ಅಂತ ಹೆಸರಿಟ್ಟರು. ಹಲವರು ಈ ಚಿತ್ರದಲ್ಲಿ ಸ್ವತಃ ಐಶ್ವರ್ಯಾ ರೈ ನಟಿಸಿದ್ದಾರೆ ಅಂದುಕೊಂಡಿದ್ದರು. ಆದರೆ, ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಹಾಗೂ ರಿಯಲ್ ಸ್ಟಾರ್ ಉಪೇಂದ್ರ ಜೋಡಿಯಾಗಿ ಕಾಣಿಸಿಕೊಂಡಿದ್ದರು. ಈ ಸಿನಿಮಾ ಸೂಪರ್ ಹಿಟ್ ಆಯಿತು. ಬಳಿಕ ನಟ ಉಪೇಂದ್ರ ತಮ್ಮ ಮಗಳಿಗೂ ಐಶ್ವರ್ಯಾ ಅಂತ ಹೆಸರಿಟ್ಟರು.

2013ರಲ್ಲಿ ತೆರೆಕಂಡ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಭಾವನಾ ಹಾಗೂ ಪಾರುಲ್ ಯಾದವ್ ನಟನೆಯ ಸಿನಿಮಾಗೆ 'ಬಚ್ಚನ್' ಅಂತ ಹೆಸರಿಡಲಾಗಿತ್ತು. ಈ ಚಿತ್ರವೂ ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಅವರಿಗೆ ಗೌರವ ನೀಡಲು ಮಾಡಿಲ್ಲವಾದರೂ ಸುದೀಪ್ ನಟನೆಯಿಂದಾಗಿ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ಈ ಸಿನಿಮಾವನ್ನು ಶಶಾಂಕ್ ನಿರ್ದೇಶನ ಮಾಡಿದ್ದರು.

ಕಿಚ್ಚ ಸುದೀಪ್ ಅವರು ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಅವರ ದೊಡ್ಡ ಅಭಿಮಾನಿ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಮಾತಾಡ್ ಮಾತಾಡ್ ಮಲ್ಲಿಗೆ ಸಿನಿಮಾದಲ್ಲಿ ಇವರಿಬ್ಬರು ಒಟ್ಟಿಗೆ ನಟಿಸಿದ್ದರು. ಇದಾದ ಬಳಿಕ ಸುದೀಪ್ ನಿರ್ದೇಶನದ 'ಶಾಂತಿ ನಿವಾಸ'  ಚಿತ್ರದಲ್ಲಿ ವಿಷ್ಣುವರ್ಧನ್ ವಿಶೇಷ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದರು. ಚಿತ್ರರಂಗದ ಹೊರತಾಗಿಯೂ ಕಿಚ್ಚನಿಗೆ ದಾದಾ ಜೊತೆಗೆ ಉತ್ತಮ ಒಡನಾಟವಿತ್ತು. 2011ರಲ್ಲಿ ತೆರೆಕಂಡ ಸುದೀಪ್ ಅಭಿನಯದ ಸಿನಿಮಾಗೆ 'ವಿಷ್ಣುವರ್ಧನ' ಅಂತ ಹೆಸರಿಡಲಾಗಿತ್ತು. ಇದಕ್ಕೆ ಭಾರತಿ ವಿಷ್ಣುವರ್ಧನ್ ವಿರೋಧ ವ್ಯಕ್ತಪಡಿಸಿದ್ದರು. ಆನಂತರದಲ್ಲಿ ಓನ್ಲಿ ವಿಷ್ಣುವರ್ಧನ ಅಂತ ಶೀರ್ಷಿಕೆ ಬದಲಿಸಲಾಯಿತು.

ತಮ್ಮ ಹೆಸರನ್ನೇ ಸಿನಿಮಾ ಟೈಟಲ್ ಆಗಿ ಪಡೆದುಕೊಂಡ ನಟಿಯರ ಪೈಕಿ ರಾಗಿಣಿ ದ್ವಿವೇದಿ ಮೊದಲಿಗರು. ೨೦೧೪ರಲ್ಲಿ ತೆರೆಕಂಡ ಅವರ ಸಿನಿಮಾಗೆ 'ರಾಗಿಣಿ ಐಪಿಎಸ್' ಅಂತ ಹೆಸರಿಡಲಾಗಿತ್ತು. ಈ ಸಿನಿಮಾದಲ್ಲಿ ರಾಗಿಣಿ ದ್ವಿವೇದಿ ಖಡಕ್ ಪೊಲೀಸ್ ಅಧಿಕಾರಿಯಾಗಿ ಮಿಂಚಿದ್ದರು. ಚಿತ್ರದಲ್ಲಿ ರಾಗಿಣಿ ಐಪಿಎಸ್ ಅಧಿಕಾರಿಯಾಗಿದ್ದರೂ ಆಕೆಯ ಮೇಲೆ ಅತ್ಯಾಚಾರ ನಡೆಯುತ್ತದೆ. ಪೊಲೀಸ್ ಅಧಿಕಾರಿ ಮೇಲೆಯೇ ಅತ್ಯಾಚಾರ  ನಡೆಯುತ್ತದೆ ಎಂದದಾರೆ ಸಾಮಾನ್ಯ ಜನರ ಗತಿಯೇನು? ನಮ್ಮ ಕಾನೂನಿನ ಲೋಪದೋಷಗಳೇನು ಎಂಬುದನ್ನು ನಿರ್ದೇಶಕ ಆನಂದ್ ಈ ಸಿನಿಮಾ ಮೂಲಕ ತಾರ್ಕಿಕವಾಗಿ ತೋರಿಸಿದ್ದರು.