ವ್ಯಾಲೆಂಟೈನ್ಸ್ ಡೇ 2024: ಅತ್ಯುತ್ತಮ ಪ್ರೇಮಕಥೆಯುಳ್ಳ ಕನ್ನಡ ಸಿನಿಮಾಗಳ ಪಟ್ಟಿ ಇಲ್ಲಿದೆ.

ಡಾ.ರಾಜ್ ಕುಮಾರ್ ನಟನೆಯ 'ನಾ ನಿನ್ನ ಮರೆಯಲಾರೆ ' ಸಿನಿಮಾ ಅದೆಷ್ಟೋ ಯುವ ಪ್ರೇಮಿಗಳಿಗೆ  ಸ್ಫೂರ್ತಿಯಾಯಿತು. ಪ್ರೇಮಿಗಾಗಿ ಎಂತಹ ರಿಸ್ಕ್ ಬೇಕಾದರೂ ತೆಗೆದುಕೊಳ್ಳುತಾರೆ ಎಂಬುದನ್ನು ತಿಳಿಸಿತು. ಜೊತೆಗೆ ಕೇವಲ ಪ್ರೀತಿಯಲ್ಲ, ಪ್ರೀತಿಯಷ್ಟೇ ಪೋಷಕರೂ ಸಹ ಮುಖ್ಯ ಎಂಬುದನ್ನು ತಿಳಿಸಿಕೊಟ್ಟಿತು.  ಪ್ರೇಮಿಗಳು ನೋಡಲೇಬೇಕಾದ ಸಿನಿಮಾಗಳಲ್ಲಿ  'ನಾ ನಿನ್ನ ಮರೆಯಲಾರೆ' ಕೂಡ ಒಂದು. ವಿಜಯ್ ನಿರ್ದೇಶನದಲ್ಲಿ ಮೂಡಿಬಂದ ನಾ ನಿನ್ನ ಮರೆಯಲಾರೆ ಚಿತ್ರದಲ್ಲಿ ಅಣ್ಣಾವ್ರ ಜೊತೆ ಲಕ್ಷ್ಮಿ ನಾಯಕಿಯಾಗಿ ನಟಿಸಿದರು. ಚಿ ಉದಯಶಂಕರ್ ಸಾಹಿತ್ಯ ಮತ್ತು ರಾಜನ್-ನಾಗೇಂದ್ರ ಸಾಹಿತ್ಯದಲ್ಲಿ ಮೂಡಿಬಂದ ಹಾಡುಗಳು ಕೇಳುಗರ ಮನ ಸೆಳೆದವು. ಚಿತ್ರ ಸುಮಾರು 25 ವಾರ ಪ್ರದರ್ಶನ ಕಂಡಿತ್ತು. 

ಸಾಹಸಸಿಂಹ ವಿಷ್ಣುವರ್ಧನ್ ಮತ್ತು ಸುಹಾಸಿನಿ ನಟನೆಯ 'ಬಂಧನ' ಚಿತ್ರವನ್ನು ಸಿನಿರಸಿಕರು ಮರೆಯಲು ಸಾಧ್ಯವೇ ಇಲ್ಲ. ಈ ಸಿನಿಮಾ ಅಂದಿನ ಕಾಲದಿಂದ ಇಂದಿನವರೆಗೂ ಎಲ್ಲರೂ ನೆನೆಯುವಂತಹ ಸಿನಿಮಾ. ಇದೊಂದು ದುಃಖಾಂತ್ಯದ ಪ್ರೇಮಕಥೆ. ಚಿತ್ರದ ನಾಯಕನ ಪ್ರೀತಿಯ ಉತ್ಕಟತೆ, ಪ್ರೇಯಸಿಗಾಗಿ ಪ್ರೀತಿಯಿಂದಲೇ ಮಾಡುವ ತ್ಯಾಗ, ಪ್ರೇಯಸಿಯ ಅಸಹಾಯಕತೆ ಎಲ್ಲವನ್ನು ಒಳಗೊಂಡಿತ್ತು. ವಿಷ್ಣುವರ್ಧನ್, ಸುಹಾಸಿನಿ, ಜೈಜಗದೀಶ್ ನಟನೆಯ ಬಂಧನ ಕನ್ನಡದ ಎವರ್ ಗ್ರೀನ್ ಸಿನಿಮಾ. ಈ ಸಿನಿಮಾದ ಹಾಡುಗಳು ಕೂಡ ಅಷ್ಟೇ ಫೇಮಸ್. 

ಕರಾಟೆ ಕಿಂಗ್ ಶಂಕರ್ ನಾಗ್ ನಟನೆಯ ಆಟೋ ರಾಜ ಸಿನಿಮಾ ಕೂಡ ಪ್ರೇಮಕಥೆಯೇ. ಈ ಸಿನಿಮಾ ಶಂಕರ್ ನಾಗ್ ಅವರನ್ನು ಆಟೋ ಚಾಲಕರ ಆರಾಧ್ಯ ದೈವ ಮಾಡಿತು. ಪ್ರೇಮಕ್ಕೆ ಅಂತಸ್ತು ಅಡ್ಡಿಯಲ್ಲ ಎಂಬುದನ್ನ ತೋರಿಸಿಕೊಟ್ಟ ಚಿತ್ರ ಆಟೋರಾಜ. ಈ ಚಿತ್ರದ 'ನಲಿವಾ ಗುಲಾಬಿ ಹೂವೆ' ಎಂಬ ಸುಂದರ ಹಾಡು ಸೂಪರ್ ಹಿಟ್ ಆಗಿತ್ತು. 

1987ರಲ್ಲಿ ಬಿಡುಗಡೆಯಾದ ಸೂಪರ್ ಹಿಟ್ ಸಿನಿಮಾ ಪ್ರೇಮಲೋಕ. ರವಿಚಂದ್ರನ್ ಅವರ ಸಿನಿಮಾ ಪ್ರೇಮಿಗಳಿಗೆ ಧೈರ್ಯ ಕೊಟ್ಟ ಚಿತ್ರ. ಈ ರೋಮ್ಯಾಂಟಿಕ್ ಮ್ಯೂಸಿಕಲ್ ಸಿನಿಮಾದಲ್ಲಿ ಕ್ರೇಜಿಸ್ಟಾರ್ ರವಿಚಂದ್ರನ್ ನಾಯಕನಾಗಿ ನಟಿಸಿದ್ದು ಮಾತ್ರವಲ್ಲ, ಅವರೇ ಕಥೆ ಬರೆದು ನಿರ್ಮಿಸಿ, ನಿರ್ದೇಶಿಸಿದ್ದರು. ಈ ಸಿನಿಮಾದಲ್ಲಿ ಒಟ್ಟು 11 ಹಾಡುಗಳಿದ್ದು, ಎಲ್ಲಾ ಗೀತೆಗಳು ಒಂದಕ್ಕಿಂತ ಒಂದು ವಿಭಿನ್ನವಾಗಿದ್ದವು. ಅಂದಿನ ಕಾಲದಲ್ಲೇ ೫  ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿ ದಾಖಲೆ ಬರೆದ ಸಿನಿಮಾ ಇದು. 

As Isha was eliminated at the start of the finale week of this season and now Vicky has been eliminated from the house due to the less vote. And here are our top five finalists who have been supported by the audience through their votes. These Finalists are:-

a'ಅಮೃತಧಾರೆ' ನಟಿ ರಮ್ಯಾ ಅವರ ವೃತ್ತಿಜೀವನದ ಅತ್ಯಂತ ಯಶಸ್ವಿ ಚಿತ್ರಗಳಲ್ಲಿ ಒಂದಾಗಿದೆ. ಇದನ್ನು ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶಿಸಿದ್ದು, ಧ್ಯಾನ್ ನಾಯಕನಾಗಿ ಕಾಣಿಸಿಕೊಂಡಿದ್ದರು. ಚಿತ್ರವು ಗಲ್ಲಾಪೆಟ್ಟಿಗೆಯಲ್ಲಿ ಉತ್ತಮ ಪ್ರತಿಕ್ರಿಯೆ ಜೊತೆಗೆ ಪ್ರೇಕ್ಷಕರಿಂದ ಭಾರೀ ಮೆಚ್ಚುಗೆಯನ್ನು ಪಡೆಯಿತು. ಚಿತ್ರದಲ್ಲಿನ ಅಭಿನಯಕ್ಕಾಗಿ ರಮ್ಯಾ ಫಿಲಂಫೇರ್ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದ್ದರು. ಪ್ರೇಮಕಥೆಯುಳ್ಳ ಈ ಸಿನಿಮಾ ಕೂಡ ಹಲವು ಪ್ರೇಮಿಗಳಿಗೆ ಸ್ಪೂರ್ತಿ. 

ಸಾಹಸ ಸಿಂಹ ಡಾ.ವಿಷ್ಣುವರ್ಧನ್ ನಾಯಕನಾಗಿ ಚಿತ್ರರಂಗ ಪ್ರವೇಶಿಸಿದ ಸಿನಿಮಾ 'ನಾಗರಹಾವು'. ಇದು ತರಾಸುರವರ ಕಾದಂಬರಿ ಆಧಾರಿತವಾಗಿದೆ. ಇದೊಂದು ಕಾಲೇಜಿನ ತ್ರಿಕೋನ ಪ್ರೇಮಕತೆಯುಳ್ಳ ಸಿನಿಮಾ. ಇದಕ್ಕೆ ಒಂದಷ್ಟು ಭಾವನಾತ್ಮಕ ವಿಷಯಗಳನ್ನು ಸೇರಿಸಿ, ಮೇಷ್ಟ್ರು ಮತ್ತು ಶಿಷ್ಯನ ಬಾಂಧವ್ಯವನ್ನು ಜೊತೆಯಾಗಿಸಿ ಪುಟ್ಟಣ್ಣ ಅವರು ಸಿನಿಮಾ ಮಾಡಿದ್ದರು. ತಾನು ಪ್ರೀತಿಸಿದ ಹುಡುಗಿಯನ್ನು ಪಡೆಯೋಕೆ ಕೋಪಿಷ್ಠ ರಾಮಾಚಾರಿ ಏನೆಲ್ಲಾ ಮಾಡುತ್ತಾನೆ ಎಂಬುದನ್ನು ಸೊಗಸಾಗಿ ತೆರೆಮೇಲೆ ತರಲಾಗಿತ್ತು.  

ಶಂಕರ್ ನಾಗ್ ನಾಯಕನಾಗಿ ನಟಿಸಿರುವ 'ಗೀತಾ' ಕೂಡ ಅಪ್ಪಟ ಪ್ರೇಮಕಥೆಯುಳ್ಳ ಸಿನಿಮಾ. ಸಿನಿಮಾದ ನಾಯಕ ಸಂಜು ತನ್ನ ಪ್ರೇಯಸಿ ಗೀತಾಳನ್ನು ಮಾರಣಾಂತಿಕ ಕ್ಯಾನ್ಸರ್ ನಿಂದ ಪಾರುಮಾಡಲು ಹೇಗೆ ಪ್ರಯತ್ನಿಸಿ, ಕೊನೆ ಕ್ಷಣದಲ್ಲಿ ವಿಫಲನಾಗುವ ಕಥೆ ಹೊಂದಿರುವ ಈ ಸಿನಿಮಾ ಪ್ರೇಕ್ಷಕರ ಕಣ್ಣಲ್ಲಿ ನೀರು ತರಿಸುತ್ತದೆ. ಈ ಚಿತ್ರದ 'ಜೊತೆ ಜೊತೆಯಲಿ' ಹಾಡು ಸಾಕಷ್ಟು ಜನಪ್ರಿಯತೆ ಗಳಿಸಿತ್ತು.  

2020ರಲ್ಲಿ ಕನ್ನಡ ಚಿತ್ರರಂಗದಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡಿದ ಸಿನಿಮಾ ದಿಯಾ. ರೋಮ್ಯಾಂಟಿಕ್, ಟ್ರಾಜಿಡಿ ಕಥಾಹಂದರ ಹೊಂದಿದ್ದ ಈ ಸಿನಿಮಾದಲ್ಲಿ ಖುಷಿ ರವಿ, ಪೃಥ್ವಿ ಅಂಬರ್, ದೀಕ್ಷಿತ್ ಶೆಟ್ಟಿ  ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಲವ್ ಸ್ಟೋರಿ ಜೊತೆಗೆ ಎಮೋಷನ್ ಇದ್ದ ಕಾರಣ ಈ ಸಿನಿಮಾ ಪ್ರೇಕ್ಷಕರನ್ನು ಹೆಚ್ಚು ಸೆಳೆದಿತ್ತು. ಎರಡು ಲವ್ ಸ್ಟೋರಿಗಳನ್ನು ಒಳಗೊಂಡ ಈ ಸಿನಿಮಾ ಸಿನಿರಸಿಕರಿಗೆ ಬಹಳ ಇಷ್ಟವಾಗಿತ್ತು. 

ಡಾರ್ಲಿಂಗ್ ಕೃಷ್ಣ ನಿರ್ದೇಶಿಸಿ, ನಟಿಸಿರುವ ಸಿನಿಮಾ ಲವ್ ಮಾಕ್ಟೇಲ್. ಇದೊಂದು ರೋಮ್ಯಾಂಟಿಕ್ ಸಿನಿಮಾವಾಗಿದ್ದು, ಇಂದಿಗೂ ಆದಿ ಮತ್ತು ನಿಧಿಮಾ ಪಾತ್ರಗಳು ಜನರ ಮನಸ್ಸಿನಲ್ಲಿ ಅಚ್ಚಳಿಯದೇ ಉಳಿದಿವೆ. ಲವ್ ಮಾಕ್ಟೇಲ್ ಸಾಮಾನ್ಯ ಯುವಕನೊಬ್ಬನ ಜೀವನದ ಹಲವು ಹಂತಗಳಲ್ಲಿ ಎದುರಾಗುವ ಪ್ರೀತಿಯ ಕಥೆಯಾಗಿದೆ. 2020ರ ಲಾಕ್ ಡೌನ್ ಸಮಯದಲ್ಲಿ ಬಿಡುಗಡೆಯಾದ ಈ ಚಿತ್ರ ಸೂಪರ್ ಹಿಟ್ ಆಗಿತ್ತು. ಈ ಚಿತ್ರದಿಂದ ಡಾರ್ಲಿಂಗ್ ಕೃಷ್ಣ ಹಾಗೂ ಮಿಲನ ನಾಗರಾಜ್ ಗೆ ಒಳ್ಳೆಯ ಯಶಸ್ಸು ಸಿಕ್ಕಿತ್ತು.