ಅಪ್ಪು, ಉಪ್ಪಿ, ಶಿವಣ್ಣ, ಸುದೀಪ್, ದರ್ಶನ್ ಮದುವೆ ದಿನ ಹೇಗೆ ಕಾಣ್ತಿದ್ರು ಗೊತ್ತಾ? ಇಲ್ಲಿವೆ ನೋಡಿ ಫೋಟೋಸ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ವಿಜಯಲಕ್ಷ್ಮಿ ಅವರ ವಿವಾಹ ಧರ್ಮಸ್ಥಳ ಮಂಜುನಾಥ ಸ್ವಾಮಿ ದೇವಸ್ಥಾನದಲ್ಲಿ ನಡೆದಿತ್ತು. 2000ನೇ ಇಸವಿಯ ಮೇ 19ರಂದು ಇಬರಿಬ್ಬರು ಪರಸ್ಪರ ಪ್ರೀತಿಸಿ, ಮನೆಯವರ ಸಮ್ಮುಖದಲ್ಲಿ ಮದುವೆಯಾಗಿದ್ದರು. ಆಗ ದರ್ಶನ್ ಪೋಷಕ ಕಲಾವಿದನಾಗಿದ್ದರೇ, ಹೊರತು ನಾಯಕನಟನಾಗಿರಲಿಲ್ಲ. ಇದೀಗ ಈ ದಂಪತಿಗೆ ವಿನೀಶ್ ಎಂಬ ಓರ್ವ ಪುತ್ರನಿದ್ದಾನೆ.

1986 ಮೇ 19ರಂದು ಕರುನಾಡ ಚಕ್ರವರ್ತಿ ಶಿವರಾಜ್‌ಕುಮಾರ್ ಹಾಗೂ ಗೀತಾ ಅವರ ಮದುವೆ ನಡೆದಿತ್ತು. ಗೀತಾ ಖ್ಯಾತ ರಾಜಕಾರಣಿ, ಮಾಜಿ ಮುಖ್ಯಮಂತ್ರಿ ಬಂಗಾರಪ್ಪ ಅವರ ಪುತ್ರಿಯಾಗಿದ್ದರು. ಶಿವಣ್ಣ ಮದುವೆಯಾದ ವರ್ಷವೇ ಚೊಚ್ಚಲ ಸಿನಿಮಾ ಆನಂದ್ ಬಿಡುಗಡೆಯಾಗಿತ್ತು. ಶಿವಣ್ಣ ಮದುವೆ ಎಂಜಿಆರ್, ರಜನಿಕಾಂತ್, ಕಮಲ್ ಹಾಸನ್ ಸೇರಿದಂತೆ ಕನ್ನಡ ನಟ-ನಟಿಯರು ಭಾಗಿಯಾಗಿದ್ದರು.  

ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮತ್ತು ಪ್ರಿಯಾ ಅವರ ಮದುವೆ ಆಗಿದ್ದು 2000, ಅಕ್ಟೋಬರ್ 18ರಲ್ಲಿ. ಪ್ರಿಯಾ ಅವರನ್ನ ಸುದೀಪ್ ಪ್ರೀತಿಸಿ ಮದುವೆಯಾಗಿದ್ದರು. ಆ ವೇಳೆ ಸುದೀಪ್ ನಾಯಕನಾಗಿ ಅಭಿನಯಿಸಿದ ಮೊದಲ ಸಿನಿಮಾ 'ಸ್ಪರ್ಶ' ಬಿಡುಗಡೆಯಾಗಿತ್ತು. ಮದುವೆಗೂ ಮುನ್ನ ಪ್ರಿಯಾ ಏರ್‌ಲೈನ್ ಹಾಗೂ ಬ್ಯಾಕ್‌ವೊಂದರಲ್ಲಿ ಕೆಲಸ ಮಾಡುತ್ತಿದ್ದರು. 

ಪವರ್ ಸ್ಟಾರ್ ಪುನೀತ್‌ ರಾಜ್‌ಕುಮಾರ್ ಮತ್ತು ಅಶ್ವಿನಿ ಅವರ ಮದುವೆ ಡಿಸೆಂಬರ್ 1, 1999ರಲ್ಲಿ ಚಿಕ್ಕಮಗಳೂರಿನಲ್ಲಿ ನಡೆದಿತ್ತು. ಕಾಮನ್ ಫ್ರೆಂಡ್ ಮೂಲಕ ಪರಿಚಯವಾದ ಈ ಜೋಡಿ ನಂತರ ಹಿರಿಯ ಸಮ್ಮುಖದಲ್ಲಿ ಮದುವೆಯಾಗಿದ್ದರು. ಇಂದು ಕನ್ನಡದ ಕಣ್ಮಣಿ ಪುನೀತ್ ರಾಜ್‌ಕುಮಾರ್ ನಮ್ಮೊಂದಿಗೆ ದೈಹಿಕವಾಗಿ ಇಲ್ಲದೆ ಇದ್ದರೂ ಭಾವನಾತ್ಮಕವಾಗಿ ಪ್ರತಿಯೊಬ್ಬರಲ್ಲೂ ಬೆರೆತುಹೋಗಿದ್ದಾರೆ. ಮನೆ ಮಗನಂತೆ ಕರ್ನಾಟಕದ ರಾಜರತ್ನನನ್ನು ಜನರು ಇಂದಿಗೂ ಆರಾಧನೆ ಮಾಡುತ್ತಲೇ ಬಂದಿದ್ದಾರೆ. ಜನಮಾನಸದಲ್ಲಿ ಅಪ್ಪು ಎಂದಿಗೂ ಅಮರವಾಗಿದ್ದಾರೆ. 

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು 'ಮಿಸ್ ಕೊಲ್ಕತ್ತಾ' ಆಗಿದ್ದ ಪ್ರಿಯಾಂಕಾ ಅವರ ವಿವಾಹ ಡಿಸೆಂಬರ್ 14, 2003ರಲ್ಲಿ ನಡೆದಿತ್ತು. ತೆಲುಗು ಸಿನಿಮಾ 'ರಾ' ವೇಳೆ ಉಪ್ಪಿ ಮೊದಲ ಬಾರಿ ಪ್ರಿಯಾಂಕಾ ಅವರನ್ನು ಭೇಟಿಯಾಗಿದ್ದರು. ನಂತರ ಇವರಿಬ್ಬರು  'H2O' ಸಿನಿಮಾದಲ್ಲಿ ಒಟ್ಟಿಗೆ ನಟಿಸಿದರು. ಇದು ಪ್ರಿಯಾಂಕಾ ಅವರ ಮೊದಲ ಚಿತ್ರ. ಈ ಸಿನಿಮಾ ವೇಳೆಯೇ ಉಪೇಂದ್ರ ಹಾಗೂ ಪ್ರಿಯಾಂಕ ಪ್ರೀತಿ ಶುರು ಆಯಿತು. ಬಳಿಕ 2003ರಲ್ಲಿ ಈ ಜೋಡಿ ವಿವಾಹ ಬಂಧನಕ್ಕೆ ಒಳಾಗಾಗಿಯಿತು.

ನಟಿ ರಕ್ಷಿತಾ ಹಾಗೂ ನಟ ಪ್ರೇಮ್ 2007ರಲ್ಲಿ ಪ್ರೀತಿಸಿ ಮದುವೆಯಾದರು. ಪ್ರೇಮ್ ಅವರಲ್ಲಿ ತಂದೆಯ ಗುಣಗಳನ್ನು ಕಂಡ ರಕ್ಷಿತಾ ಅವರನ್ನೇ ಮದುವೆಯಾಗಲು ನಿರ್ಧಾರ ಮಾಡಿದ್ದರಂತೆ.  ಈ ದಂಪತಿಗೆ ಸೂರ್ಯ ಎಂಬ ಮಗನಿದ್ದಾನೆ. ಈ ಮದುವೆಗೆ ದಕ್ಷಿಣ ಭಾರತದ ಖ್ಯಾತ ನಟ-ನಟಿಯರು ಆಗಮಿಸಿ, ಆರ್ಶೀವಾದ ಮಾಡಿದ್ದರು. 

ಗೋಲ್ಡನ್ ಸ್ಟಾರ್ ಗಣೇಶ್ 2008ರ ಫೆಬ್ರವರಿ  11 ರಂದು ಶಿಲ್ಪಾ ಅವರನ್ನು ಸೀಕ್ರೆಟ್ ಆಗಿ ಮದುವೆಯಾಗಿದ್ದರು. ಗಣೇಶ್ ಮದುವೆ ಅವರ ಫ್ಯಾನ್ಸ್‌ಗೆ  'ಹಾರ್ಟ್ ಬ್ರೇಕಿಂಗ್ ನ್ಯೂಸ್' ಆಗಿತ್ತು. ದಿಢೀರ್ ಅಂತ ಮದುವೆ ಆಗಿ ನಟ ಗಣೇಶ್ ಸಿಕ್ಕಾಪಟ್ಟೆ ಸದ್ದು ಮಾಡಿದ್ದರು. ತಮ್ಮ ಮದುವೆ ಬಗ್ಗೆ 'ವೀಕೆಂಡ್ ವಿತ್ ರಮೇಶ್' ಕಾರ್ಯಕ್ರಮದಲ್ಲಿ ಮಾತನಾಡಿದ್ದ ಗಣೇಶ್, 'ಮುಂಗಾರು ಮಳೆ' ಶುರು ಆಗುವ ಮುಂಚಿನಿಂದಲೂ ನಾವಿಬ್ಬರು ಸ್ನೇಹಿತರು. ಈ ಸಿನಿಮಾ ಬಂದ್ಮೇಲೆ ಮದುವೆ ಆಗೋಣ ಅನಿಸ್ತು. ಮದುವೆ ಆದ್ವಿ ಎಂದು ತಿಳಿಸಿದ್ದರು. 

ನವರಸ ನಾಯಕ ಜಗ್ಗೇಶ್ ಮತ್ತು ಪರಿಮಳ ದಂಪತಿಯ ಲವ್ ಸ್ಟೋರಿ ತುಂಬ ವಿಶೇಷವಾಗಿದೆ. 1984ರ ಮಾರ್ಚ್ ತಿಂಗಳಲ್ಲಿ ಜಗ್ಗೇಶ್ ಅವರು ವಿವಾಹವಾಗಿದ್ದರು. ಜಗ್ಗೇಶ್ ಅವರಿಗೆ ಪರಿಮಳ ಅವರಿಗೆ ಕಾಣಿಸಿಕೊಂಡಿದ್ದು ಒಂಬತ್ತನೇ ತರಗತಿಯಲ್ಲಿರುವಾಗ. ಇಬರಿಬ್ಬರ ಲವ್ ಸ್ಟೋರಿಗೆ ಕೋಮಲ್ ಸಾಥ್ ನೀಡುತ್ತಿದ್ದರಂತೆ. ಈ ಲವ್‌ಸ್ಟೋರಿ ಸಕ್ಸಸ್ ಆಗಿ ಮದುವೆ ಹಂತಕ್ಕೆ ಹೋದಾಗ ಹುಡುಗಿ ತಂದೆ ಕೋರ್ಟ್ ಮೆಟ್ಟಿಲೇರಿದ್ದರಂತೆ. ಬಳಿಕ ನ್ಯಾಯಾಧೀಶರು ಇವರಿಬ್ಬರ ಮದುವೆ ಅಸ್ತು ಅಂದಿದ್ದರಂತೆ. 

ಸಾಹಸಸಿಂಹ ಡಾ.ವಿಷ್ಣುವರ್ಧನ್ ಮತ್ತು ಭಾರತಿ ಅವರ ಮದುವೆ ಕನ್ನಡ ಚಿತ್ರರಂಗದ ಇತಿಹಾಸದಲ್ಲಿ ಉತ್ತಮ ನೆನಪಾಗಿ ಉಳಿದಿದೆ. 27 ಫೆಬ್ರವರಿ 1975ರಂದು ಈ ಜೋಡಿ ಸಪ್ತಪದಿ ತುಳಿದಿದ್ದರು. ಆಗ ತಾನೆ 'ನಾಗರಹಾವು' ಚಿತ್ರದ ಮೂಲಕ ಯಶಸ್ಸು ಕಂಡಿದ್ದ ವಿಷ್ಣುವರ್ಧನ್ ಮತ್ತು ಆಗಾಗಲೇ ಚಿತ್ರರಂಗದಲ್ಲಿ ಸ್ಟಾರ್ ನಟಿಯಾಗಿದ್ದ ಭಾರತಿ ಅವರ ವಿವಾಹ ದೊಡ್ಡ ಮಟ್ಟದಲ್ಲಿ ನಡೆದಿತ್ತು. 

ರೆಬೆಲ್ ಸ್ಟಾರ್ ಅಂಬರೀಶ್ ಮತ್ತು ಸುಮಲತಾ ಅವರ ಮದುವೆ 8 ಡಿಸೆಂಬರ್ 1991ರಲ್ಲಿ ನೆರವೇರಿತ್ತು. ಇಬ್ಬರು ಚಿತ್ರರಂಗದಲ್ಲಿ ಸ್ಟಾರ್ ನಟ-ನಟಿಯಾಗಿ ಬೆಳೆದಿದ್ದರು. ಪರಸ್ಪರ ಪ್ರೀತಿಸಿ ಸಪ್ತಪದಿ ತುಳಿದಿದ್ದರು. ಸುಮಲತಾ ಹಾಗೂ ಅಂಬಿ 'ಆಹುತಿ' ಸಿನಿಮಾ ಶೂಟಿಂಗ್ ಸಂದರ್ಭದಲ್ಲಿ ಭೇಟಿಯಾಗಿದ್ದರಂತೆ. ಬಳಿಕ ಇವರಿಬ್ಬರ ನಡುವೆ ಉಂಟಾದ ಸ್ನೇಹ ಪ್ರೀತಿಗೆ ತಿರುಗಿತ್ತು.  ಸುಮಲತಾ ಅವರನ್ನು ಮದುವೆಯಾಗುವಾಗ ಅಂಬಿಗೆ 39 ವರ್ಷವಾಗಿತ್ತು.