ಬಿಗ್‌ಬಾಸ್‌ಗೆ ವೈಲ್ಡ್ ಕಾರ್ಡ್ ಎಂಟ್ರಿಕೊಟ್ಟಿರುವ ಆಸ್ತಿಕ್ ಅವಿನಾಶ್ ಶೆಟ್ಟಿ ಮತ್ತು ಪವಿ ಪೂವಯ್ಯ ಯಾರು? ಇಲ್ಲಿದೆ ಮಾಹಿತಿ.

ದೊಡ್ಮನೆ ಸದಸ್ಯರು 50 ವಾರಗಳನ್ನು ಪೂರೈಸಿದ ಖುಷಿಯಲ್ಲಿರುವಾಗಲೇ ಡಬಲ್  ವೈಲ್ಡ್ ಕಾರ್ಡ್ ಎಂಟ್ರಿಯ ಶಾಕ್ ಎದುರಾಗಿದೆ. ಅಷ್ಟಕ್ಕೂ ಬಿಗ್‌ಬಾಸ್ ಮನೆಗೆ ಎಂಟ್ರಿಕೊಟ್ಟಿರುವ ಸದಸ್ಯರು ಯಾರು ಎಂಬ ಕುತೂಹಲ ಎದುರಾಗಿದೆ. ಮಾಡೆಲ್ ಆಗಿರುವ ಪವಿ ಪೂವಯ್ಯ ಹಾಗೂ  ತುಳು ಸಿನಿಮಾರಂಗದಲ್ಲಿ ಸಕ್ರಿಯವಾಗಿರುವ ನಟ ಹಾಗೂ ಮಾಡೆಲ್ ಆಗಿರುವ ಆಸ್ತಿಕ್ ಅವಿನಾಶ್ ಶೆಟ್ಟಿ ದೊಡ್ಮನೆಗೆ ಎಂಟ್ರಿಕೊಟ್ಟಿದ್ದಾರೆ.

ಪವಿ ಪೂವಪ್ಪ ಮಾಡೆಲ್. ಮೂಲತಃ ಕೊಡಗಿನ ಕೂರ್ಗ್‌ನವರಾದ ಪವಿ 2013ರಿಂದ ಮಾಡೆಲ್ ಆಗಿ ಗುರುತಿಸಿಕೊಂಡಿದ್ದಾರೆ.  ಪಾನಿಕುಟ್ಟೀರ ಪವಿತ್ರ ಪೂವಪ್ಪ ಅನ್ನೋದು ಅವರ ಪೂರ್ತಿ ಹೆಸರು. ಕಳೆದ 10 ವರ್ಷಗಳಿಂದ ಮಾಡೆಲಿಂಗ್ ಮಾಡುತ್ತಿರುವ ಇವರು, 1500ಕ್ಕೂ ಅಧಿಕ ಶೋಗಳನ್ನು ಮಡಿದ್ದಾರೆ.

ಮಿಸ್‌ ಕರ್ನಾಟಕ ಬೆಸ್ಟ್ ಬಾಡಿ ಎಂ ಟೈಟಲ್ ಪಡೆದಿರುವ ಪವಿ, ಸಾಕಷ್ಟು ಜಾಹೀರಾತುಗಳಲ್ಲಿ ನಟಿಸಿದ್ದಾರೆ. ಚೈನೈ, ಕೇರಳ, ಬೆಂಗಳೂರು ಮುಂತಾದ ಕಡೆ ಶೋ ನೀಡಿದ್ದಾರೆ. ಪವಿ ಕೆಲ ವರ್ಷಗಳಿಂದ ಡಿಜೆ ಮ್ಯಾಡಿ ಎಂಬುವವರನ್ನು ಪ್ರೀತಿಸುತ್ತಿದ್ದಾರೆ. 

ಆಸ್ತಿಕ್ ಅವಿನಾಶ್ ಶೆಟ್ಟಿ ಕನ್ನಡ ಹಾಗೂ ತುಳು ಚಿತ್ರರಂಗದಲ್ಲಿ ಸಕ್ರಿಯವಾಗಿರುವ ನಟ, ಕ್ರಿಕೆಟಿಗ ಮತ್ತು ಮಾಡೆಲ್. ಇವರು ಮೂಲತಃ ಮಂಗಳೂರಿನ ಸುರತ್ಕಲ್‌ನವರು. ಇವರ ತಂದೆ ಶ್ರೀಧರ್ ಶೆಟ್ಟಿ ಹಾಗೂ ತಾಯಿ ಸುಕನ್ಯಾ. ಇವರು ಎಸ್‌ಡಿಎಂ ಕಾಲೇಜ್‌ ಆಫ್ ಮ್ಯಾನೇಜ್‌ಮೆಂಟ್‌ನಲ್ಲಿ BHRD ವಿಷಯದಲ್ಲಿ ಪದವಿ ಪಡೆದಿದ್ದಾರೆ. 

ಅವಿನಾಶ್ 2006ರಲ್ಲಿ ಕೋಕ್‌ ಮತ್ತು 2009ರಲ್ಲಿ MRF ಟೈಯರ್‌ ಜಾಹೀರಾತಿನ ಮೂಲಕ ಗ್ಲಾಮರ್ ಲೋಕಕ್ಕೆ ಕಾಲಿಟ್ಟರು. ನಂತರ 2007ರಲ್ಲಿ 'ಮಿಸ್ಟರ್ ಮಂಗಳೂರು' ಪಟ್ಟ ಗೆದ್ದರು. 2012ರಲ್ಲಿ ಮಿಸ್ಟರ್ ಸೌತ್ ಇಂಡಿಯಾ ಟೈಟಲ್ ಕೂಡ ಗೆದ್ದಿದ್ದಾರೆ. 
ಅವಿನಾಶ್ ಕ್ರಿಕೆಟರ್ ಕೂಡ ಹೌದು. ಕ್ರಿಕೆಟರ್ ಆಗಬೇಕೆಂಬ ಕನಸು ಹೊಂದಿದ್ದ ಇವರು ಮಂಗಳೂರು ಝೋನ್‌ನಲ್ಲಿ ಕ್ರಿಕೆಟ್ ಆಡಿದ್ದಾರೆ. 

ಅವಿನಾಶ್ 'ಜೈ ತುಳುನಾಡ್' ಎಂಬ ಸಿನಿಮಾ ಮೂಲಕ ತುಳು ಚಿತ್ರರಂಗಕ್ಕೆ ಕಾಲಿಟ್ಟರು. ನಂತರ ಕೆಲ ತುಳು ಸಿನಿಮಾಗಳಲ್ಲಿ ಅಭಿನಯಿಸಿದ ಇವರು,  ಕನ್ನಡದ ಚೆಲ್ಲಾಪಿಲ್ಲಿ ಸಿನಿಮಾದಲ್ಲಿ ನಾಯಕನಾಗಿ ನಟಿಸಿದ್ದಾರೆ. ಜೊತೆಗೆ ಕನ್ನಡದ ಕಣ್ಮಣಿ ಡಾ.ಪುನೀತ್‌ ರಾಜ್‌ಕುಮಾರ್ ಅವರ 'ಪವರ್' ಸಿನಿಮಾದಲ್ಲಿ ನೆಗೆಟಿವ್ ಕ್ಯಾರೆಕ್ಟರ್‌ನಲ್ಲಿ ಮಿಂಚಿದ್ದಾರೆ. ಡಾಲಿ ಧನಂಜಯ್ ಅವರ ಬದ್ಮಾಶ್ ಸಿನಿಮಾದಲ್ಲೂ ಅಭಿನಯಿಸಿದ್ದಾರೆ.