'ವೀಕೆಂಡ್ ವಿತ್ ರಮೇಶ್' ಸಾಧಕರ ಆಯ್ಕೆ ಬಗ್ಗೆ ಯಾರಿಗೂ ತಿಳಿಯದ ವಿಷಯ..

ಸಾಧಕರನ್ನು ಆಯ್ಕೆ ಮಾಡಲು ಪರಿಗಣಿಸುವ ಮಾನದಂಡಗಳು ಯಾವುವು?

- ಬೇಸಿಕಲಿ ಯಾರೇ ಸಾಧಕರನ್ನ ಕರೆದುಕೊಂಡು ಬಂದು ಕೂರಿಸಿದರು, ಪ್ರೇಕ್ಷಕರು ಅವರನ್ನ ಒಪ್ಪಿಕೊಳ್ಳುವಂತಿರಬೇಕು. ಅವರು ಖಂಡಿತ ಸಾಧನೆ ಮಾಡಿದ್ದಾರೆ ಅಂತ ಎಲ್ಲರೂ ಮನಪೂರ್ವಕವಾಗಿ ಮೆಚ್ಚಿಕೊಳ್ಳುವಂತಿರಬೇಕು.[ಬಹುನಿರೀಕ್ಷಿತ 'ವೀಕೆಂಡ್' ಆರಂಭ: ಮೊದಲ ಅತಿಥಿ ಬಹಿರಂಗ.!]

ಯಾವುದಾದರೂ ಕ್ಷೇತ್ರಕ್ಕೆ ಕೊಡುಗೆ ನೀಡಿರಬೇಕು..

- ನಾನು ಇಂತದ್ದೇ ಕ್ಷೇತ್ರದಲ್ಲಿ ಬೆಳೆಯಬೇಕು ಎಂಬ ಗುರಿಯೊಂದಿಗೆ, ಮೊದಲಿನಿಂದಲೂ ಹಾರ್ಡ್ ವರ್ಕ್ ಮಾಡಿರಬೇಕು. ಜೊತೆಗೆ ಮುಖ್ಯವಾಗಿ ಸಾಧಕರು ಎಂಬ ಹೆಸರಿಗೆ ಅವರು ಅರ್ಹವಾಗಿರಬೇಕು. ಅಂತಹ ವ್ಯಕ್ತಿಗಳ ಮೇಲೆ ನಮ್ಮ ಕಣ್ಣು ಸದಾ ಇರುತ್ತದೆ.

ಸಾಧಕರ ವೇದಿಕೆಯಲ್ಲಿ ಕೂರುವವರು ಎಲ್ಲರಿಗೂ ಇನ್ಸ್ ಪೈಯರ್ ಆಗಬೇಕು..

- 'ವೀಕೆಂಡ್ ವಿತ್ ರಮೇಶ್' ಸಾಧಕರ ಸೀಟಿನಲ್ಲಿ ಕೂರುವವರ ಬದುಕು ನೋಡುಗರಿಗೆ ಸ್ಪೂರ್ತಿ ಆಗಬೇಕು. ಇತರರು ಅವರನ್ನು ನೋಡಿ ಪಾಠ ಕಲಿಯುವಂತಿರಬೇಕು. ಅಷ್ಟೇ ಮುಖ್ಯವಾಗಿ ಬದುಕಿನ ಶೈಲಿ ಜನರಿಗೆ ಇಷ್ಟ ಆಗುವಂತಹ ವ್ಯಕ್ತಿಗಳನ್ನು ನಾವು ಆಯ್ಕೆ ಮಾಡುತ್ತೇವೆ.

ಎಲ್ಲಾ ಅಂಶಗಳನ್ನು ಪರಿಶೀಲಿಸಿ ಆಯ್ಕೆ ಮಾಡುವುದು ಯಾರು?

'ವೀಕೆಂಡ್ ವಿತ್ ರಮೇಶ್' ಸಾಧಕರ ಸೀಟ್ ಮೇಲೆ ಕೂರುವವರನ್ನು ಶಾರ್ಟ್ ಲಿಸ್ಟ್ ಮಾಡೋದು, ಜೀ ಕನ್ನಡ ವಾಹಿನಿಯನ್ನು ನಂಬರ್ ಒನ್ ಸ್ಥಾನಕ್ಕೆ ತಂದ ಪ್ರೋಗ್ರಾಮ್ ಮತ್ತು ಬಿಜಿನೆಸ್ ಹೆಡ್ ರಾಘವೇಂದ್ರ ಹುಣಸೂರು.

ವಿಶೇಷ ರಿಸರ್ಚ್ ಟೀಮ್ ಸಹ ಇರುತ್ತೆ

ರಾಘವೇಂದ್ರ ಹುಣಸೂರು ಶಾರ್ಟ್ ಲಿಸ್ಟ್ ಮಾಡಿದ ಸಾಧಕರ ಬಗ್ಗೆ ಹೆಚ್ಚಿನ ರಿಸರ್ಚ್ ಮಾಡುವುದು ಅವರ ಟೀಮ್.