ಆಗಸ್ಟ್ ತಿಂಗಳಿನಲ್ಲಿ ಪ್ರೈಮ್, ನೆಟ್‌ಫ್ಲಿಕ್ಸ್ ಮುಂತಾದ ಓಟಿಟಿ ಮಾಧ್ಯಮಗಳಲ್ಲಿ ರೀಲೀಸ್ ಆದ ಚಲನಚಿತ್ರಗಳು

ಅಜಯ್ ದೇವಗನ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ `ಭುಜ್- ದಿ ಪ್ರೈಡ್ ಆಫ್ ಇಂಡಿಯಾ' ಚಿತ್ರ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್‌ನಲ್ಲಿ ಆಗಸ್ಟ್ 13 ರಂದು ಬಿಡುಗಡೆಯಾಯಿತು. ಅಭಿಷೇಕ್ ದುಡೈಯ್ಯಾ ನಿರ್ದೇಶನದಲ್ಲಿ ಮೂಡಿಬಂದ ಈ ಚಿತ್ರ 1971 ರ ಭಾರತ-ಪಾಕಿಸ್ಥಾನ ಯುದ್ಧದ ಕುರಿತಾಗಿತ್ತು. ಅಜಯ್ ಜೊತೆ ಸಂಜಯ್ ದತ್ತ್, ಸೋನಾಕ್ಷಿ ಸಿನ್ಹಾ, ಶರದ್ ಕೇಲ್ಕರ್, ಪ್ರಣೀತಾ ಸುಭಾಷ್, ನೋರಾ ಫತೇಹಿ ಮತ್ತು ಇಹಾನಾ ಧಿಲ್ಲೋನ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು. ಈ ಚಿತ್ರ ಯುದ್ಧದ ಸಮಯದಲ್ಲಿ 300 ಸ್ಥಳೀಯ ಮಹಿಳೆಯರ ಸಹಾಯದಿಂದ ಕೇವಲ 72 ಘಂಟೆಗಳಲ್ಲಿ ಭುಜ್ ಏರ್ ಸ್ಟ್ರಿಪ್ ದುರಸ್ತಿಗೊಳಿಸಿದ ವಾಯು ಸೈನ್ಯ ಸ್ಕ್ವಾಡ್ರನ್ ಲೀಡರ್ ವಿಜಯ್ ಕಾರ್ಣಿಕ್ ಕಥೆ ಹೊಂದಿದೆ.

ವಿಷ್ಣುವರ್ಧನ್ ನಿರ್ದೇಶನದಲ್ಲಿ ಮೂಡಿಬಂದ ಶೇರ್ ಷಾ ಚಿತ್ರದಲ್ಲಿ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕೈರಾ ಅಡ್ವಾಣಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದರು. ಕಾರ್ಗಿಲ್ ಯುದ್ಧದಲ್ಲಿ ವೀರ ಮರಣ ಹೊಂದಿದ ಭಾರತದ ವೀರ ಸೇನಾನಿ ಕ್ಯಾಪ್ಟನ್ ವಿಕ್ರಮ್ ಭಾತ್ರಾ ಕಥೆ ಹೊಂದಿದ್ದ ಈ ಚಿತ್ರ ಅಮೇಜಾನ್ ಪ್ರೈಮ್ ನಲ್ಲಿ ಬಿಡುಗಡೆಯಾಯಿತು. ಸಿದ್ಧಾರ್ಥ್ ಮತ್ತು ಕೈರಾ ಅದ್ಭುತ ಅಭಿನಯ ಮತ್ತು ನೈಜ ಘಟನೆಯ ನೈಜ ನಿರೂಪಣೆಯಿಂದ ಚಿತ್ರ ಅಪಾರ ಜನಮೆಚ್ಚುಗೆ ಪಡೆದು ಪ್ರೈಮ್ ವೀಡಿಯೋದಲ್ಲಿ ಅತಿ ಹೆಚ್ಚು ವೀಕ್ಷಣೆಗೊಂಡ ಚಿತ್ರವಾಯಿತು.

ಮನೋಜ್‌ ಭಾಜಪೇಯಿ ಮತ್ತು ನೀನಾ ಗುಪ್ತಾ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ ಡೈಲ್ 100 ಚಿತ್ರವನ್ನು ರೆನ್ಸಿಲ್ ಡಿ ಸಿಲ್ವಾ ನಿರ್ದೇಶಿಸಿದ್ದಾರೆ. ಈ ಚಿತ್ರ ಆಗಸ್ಟ್ 6 ರಂದು ಜೀಫೈ ಆ್ಯಪ್ ನಲ್ಲಿ ಬಿಡುಗಡೆಯಾಯಿತು. ಪೋಲಿಸ್ ಸಹಾಯವಾಣಿಗೆ ಕರೆ ಮಾಡಿ ಆತ್ಮಹತ್ಯೆ ಮಾಡಿಕೊಳ್ಳುತ್ತೇನೆಂದು ಬೆದರಿಸುವ ಮಹಿಳೆಯಿಂದ ಮುಂದಾಗುವ ಘಟನೆಗಳನ್ನು ಚಿತ್ರಿಸುತ್ತದೆ.

ಮನುಷ್ಯನಲ್ಲಿರುವ ನವರಸಗಳನ್ನು ಒಂಭತ್ತು ಭಿನ್ನ ಚಿತ್ರ ಸರಣಿಗಳ ಮೂಲಕ ಈ ಚಿತ್ರ ತೋರಿಸಿದೆ. ತಮಿಳಿನ ಪ್ರಖ್ಯಾತ ಕಲಾವಿದರಾದ ಸೂರಿಯ, ವಿಜಯ್ ಸೇತುಪತಿ, ಅರವಿಂದ್ ಸ್ವಾಮಿ, ಸಿದ್ಧಾರ್ಥ್, ರೇವತಿ, ಅಥರ್ವ್ ಮುಂತಾದ ಕಲಾವಿದರು ನಟಿಸಿದ್ದರು. ಮಣಿ ರತ್ನಂ ನಿರ್ಮಿಸಿದ ಈ ಚಿತ್ರ ಗಮನ ಸೆಳೆದಿತು.