ಬಳೆ ಬಗ್ಗೆ ವಿನಯ್ ಮತ್ತೊಂದು ಮಾತು: ಬಿಗ್‌ಬಾಸ್ ಸಂಚಿಕೆಯಲ್ಲಿ ಬಳಸದ ದೃಶ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್

ಈ ವಾರದ ನಾಮಿನೇಷನ್‌ನಲ್ಲಿ ಕಾರ್ತಿಕ್ ನೇರವಾಗಿ ವಿನಯ್ ಅವರನ್ನು ನಾಮಿನೇಟ್ ಮಾಡಿದರು. ವಿನಯ್ ತಮ್ಮನ್ನು ತಾವೇ ಆನೆ ಅಂದುಕೊಂಡಿದ್ದಾರೆ. ಆದರೆ, ಟಾಸ್ಕ್ ವಿಚಾರದಲ್ಲಿ ಬಲ  ಪ್ರದರ್ಶನ್ ಆಗಿಲ್ಲವೆಂದು ಕಾರಣ ತಿಳಿಸಿದರು. ಇದರಿಂದ ಅಸಮಾಧಾನಗೊಂಡ ವಿನಯ್, ಫ್ರೆಂಡ್‌ಶಿಪ್ ಎಂಬ ಸ್ಥಾನಕ್ಕೆ ಯೋಗ್ಯತೆ ಇರಬೇಕು ಎಂದರು. ನಾಮಿನೇಷನ್ ಬಳಿಕ ನಮ್ರತಾ, ಸ್ನೇಹಿತ್, ನೀತು ಹಾಗೂ ವಿನಯ್ ಮಾತಿಗೆ ಕುಳಿತರು. ಮನೆ ಭಾಗವಾಗಿದೆ. ಮೈಕಲ್‌ಗೆ ಬಲೆ ಬೀಸಿದ್ದಾರೆ. ಮೈಕಲ್ ಈಗಾಗಲೇ ಆ ಕಡೆ ಬಿದ್ದು ಹೋಗಿದ್ದಾನೆ. ಮೈಕಲ್‌ಗೆ 'ಬಳೆ ರಾಜ' ಇದ್ದಾನಲ್ಲ ಅವನು ಬ್ರೈನ್‌ ವಾಶ್ ಮಾಡ್ತಿದ್ದಾನೆ ಅಂತ ವಿನಯ್ ಹೇಳಿದ್ದಾರೆ. 

ಈ ವಾರ ಅಡುಗೆ ಡಿಪಾರ್ಟ್‌ಮೆಂಟ್‌ನಲ್ಲಿ ಕಾರ್ತಿಕ್ ಇದ್ದು, ತರಕಾರಿಗಳನ್ನು ಕಟ್ ಮಾಡುತ್ತಿದ್ದರು ಡೈನಿಂಗ್ ಟೇಬಲ್ ಬಳಿ ವಿನಯ್, ಇಶಾನಿ, ಮೈಕಲ್ ಇದ್ದರು. ಈ ವೇಳೆ ವಿನಯ್‌, ನನ್ನ ಹೆಂಡತಿಗೆ ಹೇಳಿ ಒಂದಿಷ್ಟು ಬಳೆ ತರಿಸಿಕೊಳ್ಳಬೇಕು ಎಂದರು. ಇದಕ್ಕೆ ಅಲ್ಲಿದ್ದ ಇಶಾನಿ-ಮೈಕಲ್ ಯಾಕೆ ಅಂತ ಪ್ರಶ್ನಿಸಿದರು. ಆಗ ವಿನಯ್, ಕಾರ್ತಿಕ್‌ ಕಡೆಗೆ ಸನ್ನೆ ಮಾಡಿ ತೋರಿಸುತ್ತಾ ಇಲ್ಲಿ ಕೆಲವರಿಗೆ ಸೂಟ್ ಆಗುತ್ತೆ. ಅದ್ನಾ ಹಾಕಿದಾಗ ಸೌಂಡ್ ಚೆನ್ನಾಗಿ ಬರುತ್ತೆ ಎಂದಿದ್ದಾರೆ. ಆದರೆ, ಈ ದೃಶ್ಯವನ್ನು ಸಂಚಿಕೆಯಲ್ಲಿ ತೋರಿಸಿಲ್ಲ. ಆದರೆ, ಜೀ ಸಿನಿಮಾದ ಲೈನ್‌ನಲ್ಲಿ ಬಂದಿದ್ದನ್ನು ವೀಕ್ಷಕರು ಕಂಡಿದ್ದಾರೆ. ಸದ್ಯ ಈ ತುಣುಕು ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್  ಆಗ್ತಿದೆ.  

ಕಾರ್ತಿಕ್‌ ಒಬ್ಬನಿಗೆ ನನ್ನ ವಿರುದ್ಧ ಆಡಲು ಆಗಲ್ಲ. ನನ್ನ ಮುಂದೆ ಅವನು ತುಂಬಾ ವೀಕ್ ಅಂತಲೂ ಹೇಳಿದ್ದಾರೆ. ಇದನೆಲ್ಲಾ ಕಂಡ ವೀಕ್ಷಕರು. ವಿನಯ್ ಮ್ಯಾನ್ ಟು ಮ್ಯಾನ್ ಮಾತಾಡೋಣ ಅಂತ ಪದೇ ಪದೇ ಹೇಳ್ತಾರೆ. ಆದರೆ, ಕಾರ್ತಿಕ್ ಬೆನ್ನ ಹಿಂದೆ ಇಷ್ಟು ಕೇವಲವಾಗಿ ಕಾಮೆಂಟ್ ಮಾಡ್ತಿದ್ದಾರೆ ಅಂತ ಬೇಸರ ಹೊರಹಾಕಿದ್ದಾರೆ. ಜೊತೆಗೆ ಗಂಡಸು ಥರ ಆಡು, ಬಳೆಗಳನ್ನು ಹಾಕಿಕೊಂಡು ಹೆಂಗಸು ಥರ ಆಡೋದಲ್ಲ ಅಂತಲೂ ವಿನಯ್ ಹೇಳಿದ್ದು, ಸಾಕಷ್ಟು ಟೀಕೆಗಳು ವ್ಯಕ್ತವಾಗುತ್ತಿವೆ.

ವಿನಯ್ ಪದೇ ಪದೇ ಬಳೆ ಅಂತ ಉಲ್ಲೇಖ ಮಾಡುತ್ತಿರುವುದನ್ನು ವೀಕ್ಷಕರು ಖಂಡಿಸಿದ್ದಾರೆ.  ಬಳೆ ಅಂತ ವಿನಯ್ ಉಲ್ಲೇಖ ಮಾಡುತ್ತಿರುವುದರ ಅರ್ಥವೇನು? ವೀಕ್ ಇರುವವರು ಮಾತ್ರ ಬಳೆ ಹಾಕಿಕೊಳ್ಳುವುದಕ್ಕೆ ಲಾಯಕ್ಕಾ? ವಿನಯ್ ಕಾರ್ತಿಕ್‌ನ ಲೇವಡಿ ಮಾಡ್ತಿರೋದಾ ಅಥವಾ ಹೆಂಗಸರನ್ನು ಕೈಲಾಗದವರು ಅಂತ ಲೇವಡಿ ಮಾಡ್ತಿರೋದಾ ಅಂತ ಕಟುವಾಗಿ ಟೀಕಿಸಿದ್ದಾರೆ. ಜೊತೆಗೆ ಈ ವಾರ ವಿನಯ್‌ಗೆ ಸುದೀಪ್‌ ಕ್ಲಾಸ್ ತೆಗೆದುಕೊಳ್ಳಬೇಕು ಅಂತ ಒತ್ತಾಯಿಸಿದ್ದಾರೆ. 

ಸಂಗೀತಾ ನಡುವಿನ ಜಗಳದ ವೇಳೆ ವಿನಯ್‌ ಗೌಡ ಅವಾಚ್ಯ ಶಬ್ಧಗಳನ್ನು ಬಳಸಿ ಬೀಪ್ ಹಾಕಿಸಿಕೊಂಡಿದ್ದರು. ಇದೀಗ ಡ್ರೋನ್‌ ಪ್ರತಾಪ್‌ಗೆ ವಿನಯ್ ತೀರಾ ಕೇವಲವಾಗಿ ಮಾತನಾಡುತ್ತಿದ್ದಾರೆ. ಮುಚ್ಕೋಂಡ್ ಕೇಳೋ ಲೇ.. ಏಯ್ ತಿಕ್ಲಾ.. ಡಾಕ್ಟರ್ ಹತ್ತಿರ ತಲೆ ಚೆಕ್‌ ಮಾಡಿಸ್ಕೋ.. ತುಕಾಲಿ ನನ್ಮಗನೇ...ಲೇಡೀಸ್ ಜೊತೆ ಆಟ ಆಡ್ತಾನಾ? ಅಂತೆಲ್ಲಾ ಮಾತನಾಡಿದ್ದಾರೆ.