ಕನ್ನಡದಲ್ಲಿನ ಉತ್ತಮ ರೋಡ್ ಜರ್ನಿ ಚಿತ್ರಗಳು

ತನ್ನ ಪ್ರಿಯತಮನನ್ನು ಭೇಟಿಯಾಗಲು ಮನೆಯಿಂದ ಓಡಿ ಹೋದ ಪ್ರಿಯಾ ಬಾಲು ಮಹೇಂದರ್ ಎಂಬ ಪತ್ರಕರ್ತನನ್ನು ಭೇಟಿಯಾಗುತ್ತಾಳೆ. ಒಂದು ಒಳ್ಳೆಯ ಸ್ಟೋರಿ ಸಿಗಬಹುದು ಎಂದು ಬಾಲು ಇವಳಿಗೆ ಸಾಥ್ ನೀಡುತ್ತಾನೆ. ಇವರಿಬ್ಬರ ತುಂಟಾದ ತುಂಬಿದ ಜರ್ನಿ ಪ್ರೇಕ್ಷಕರಿಗೆ ಮುದ ನೀಡುತ್ತದೆ.

ಹಿಂದಿಯ ಧಮಾಲ್ ಚಿತ್ರದ ರಿಮೇಕ್ ಆದ ಈ ಚಿತ್ರದಲ್ಲಿ ನಾಲ್ಕು ನಿರುದ್ಯೋಗಿ ಯುವಕರು ಊಟಿಯ ಗಾರ್ಡನ್ ಒಂದರಲ್ಲಿರುವ ಸಂಪತ್ತಿಗೋಸ್ಕರ ಊಟಿಯೆಡೆಗೆ ಪ್ರಯಾಣ ಬೆಳಸುತ್ತಾರೆ. ಇದೇ ನಿಧಿಗಾಗಿ ಎಸಿಪಿಯೊಬ್ಬ ಕೂಡ ಪ್ರಯತ್ನ ಪಡುತ್ತಿರುತ್ತಾನೆ. ಚಿತ್ರದಲ್ಲಿ ಸುದೀಪ್, ವಿಜಯ್ ರಾಘವೇಂದ್ರ, ದಿಗಂತ್, ಕೋಮಲ್,ಜೆನ್ನಿಫರ್ ಕೋತ್ವಾಲ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರೆ, ಉಪೇಂದ್ರ, ರೇಖಾ, ಶರ್ಮಿಳಾ ಮಾಂಡ್ರೆ, ಸಂಜನಾ, ಶೆರಿನ್, ಗೌರಿ ಮುಂಜಾಲ್, ಸುಮನ್ ರಂಗನಾಥನ್ ಅತಿಥಿ ಪಾತ್ರಗಳಲ್ಲಿ ನಟಿಸಿದ್ದರು.

ವಿಷ್ಣುವರ್ಧನ್, ರಮೇಶ್ ಮತ್ತು ಪ್ರೇಮಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದ ಏಕದಂತ ಚಿತ್ರ ಹಿಂದಿಯ ಬಾಂಬೆ ಟು ಗೋವಾ ಚಿತ್ರ ಕಥೆ ಆಧರಿಸಿತ್ತು. ವಿಕ್ಕಿಗೆ ತನ್ನ ಕಡಿಮೆ ಆದಾಯದ ಕಾರಣ ಮಗು ಬೇಡವಾಗಿರುತ್ತದೆ, ಆದರೆ ಅವನ ಪತ್ನಿ ಮಗುವಿಗಾಗಿ ಹಲವು ವಿಚಿತ್ರ ವ್ರತಗಳನ್ನು ಪಾಲಿಸುತ್ತಿರುತ್ತಾಳೆ. ಒಂದು ವ್ರತದ ಪಾಲನೆಗಾಗಿ ಗಂಡನ ಜೊತೆ ಮೈಸೂರಿಗೆ ಹೊರಡಲು ಸಿದ್ಧವಾಗುತ್ತಾಳೆ. 

ಕೃಷ್ಣ ಮಯೂರಿ ಜೊತೆ ಲಾಂಗ್ ಡ್ರೈವ್ ಹೋಗುತ್ತಾನೆ..ದಾರಿಯಲ್ಲಿ ಇವರಿಗೆ ಡಿಜೆ ಜೊತೆಯಾಗುತ್ತಾನೆ. ಆದರೆ ವಿಚಿತ್ರ ಕಾರೊಂದು ಇವರನ್ನು ಹಿಂಬಾಲಿಸುತ್ತಾ ಇವರ ಮೇಲೆ ಪದೇ ಪದೇ ದಾಳಿ ಮಾಡುತ್ತದೆ. ನಂತರ ಆ ಕಾರಿನ ವ್ಯಕ್ತಿ ಮಯೂರಿಯನ್ನು ಕಿಡ್ಯಾಪ್ ಮಾಡುತ್ತಾನೆ..ಆ ವ್ಯಕ್ತಿಯ ಹಿನ್ನಲೆ ಏನು ಮತ್ತು ಇವರ ಮೇಲೆ ಏಕೆ ದಾಳಿ ಮಾಡುತ್ತಾನೆ ಎಂಬುದು ಚಿತ್ರದ ಸ್ವಾರಸ್ಯ. ಶರಣ್ ಮತ್ತು ಆಶಿಕಾ ಜೋಡಿಗೆ ಒಳ್ಳೆ ಮೆಚ್ಚುಗೆ ಪಡೆಯಿತು.

ಒಬ್ಬ ಬಡ ಆಫೀಸ್ ಬಾಯ್ ರವೀಂದ್ರ ಮತ್ತು ಒನರ್ ಪುತ್ರಿ ಗೌರಿ ಪರಸ್ಪರ ಪ್ರೀತಿಯಲ್ಲಿ ಬೀಳುತ್ತಾರೆ. ಆದರೆ ರವೀಂದ್ರನ ಮೇಲೆ ಡ್ರಗ್ ಕೇಸ್ ಹಾಕಿ ಜೈಲಿಗೆ ತಳ್ಳಲಾಗುತ್ತದೆ. ಜೈಲಿಂದ ಪರಾರಿಯಾಗುವ ರವೀಂದ್ರ ಗೌರಿ ಜೊತೆ ಓಡಿ ಹೋಗುತ್ತಾನೆ. ಈ ಜೋಡಿ ಹಿಂದೆ ಬೆನ್ನತ್ತುವ ಪೋಲಿಸ್, ಇವರಿಂದ ತಪ್ಪಿಸಿಕೊಂಡು ಮುಂದೆ ಸಾಗುವ ಜೋಡಿಗಳ ಕಥೆ ಒಳ್ಳೆ ಮುದ ನೀಡುತ್ತದೆ.

ತಮಿಳು ಪೈಯಾ ಚಿತ್ರದ ರಿಮೇಕ್ ಆದ ಅಜಿತ್ ಚಿತ್ರದಲ್ಲಿ ಚಿರಂಜೀವಿ ಸರ್ಜಾ ಜೊತೆ ನಿಕ್ಕಿ ಗಲ್ರಾನಿ ನಾಯಕಿಯಾಗಿ ನಟಿಸಿದ್ದರು. ಬೆಂಗಳೂರಿನ ತನ್ನ ಸ್ನೇಹಿತರ ಜೊತೆಗಿದ್ದ ಅಜಿತ್ ಚಾರುಲತಾ ಪ್ರೀತಿಯಲ್ಲಿ ಬೀಳುತ್ತಾನೆ. ಮುಂದೆ ಇವರಿಬ್ಬರು ಒಂದೇ ಪ್ರಯಾಣದಲ್ಲಿ ಒಂದಾಗುತ್ತಾರೆ.