ಅಳುವವರನ್ನು ಸಮಾಧಾನ ಮಾಡೋಕೆ ನಾವಿಲ್ಲ, ಹುಳಿ ಹಿಂಡ್ತೀನಿ: ವಿನಯ್‌ ಟೀಂನಲ್ಲಿ ಹೊರಗಿನವರಾದ ಸಂಗೀತಾ!

ಕಾರ್ತಿಕ್ ಜೊತೆ ಸ್ನೇಹ ಮುರಿದು ಬಿದ್ದ ಕಾರಣ ಸಂಗೀತಾ ಅವರು ವಿನಯ್ ಟೀಂ ಜೊತೆ ಸೇರಿಕೊಂಡಿದ್ದಾರೆ. ಈ ತಂಡದಲ್ಲಿ ಅವರಿಗೆ ಕಾಳಜಿ ಸಿಗುತ್ತಿದೆ ಎಂದು ಸಂಗೀತಾ ಅಂದುಕೊಂಡಿದ್ದಾರೆ. ಆದರೆ, ನಿಜವಾಗಿಯೂ ಅವರಿಗೆ ಕೇರ ಸಿಗುತ್ತಿಲ್ಲ. ಇದಕ್ಕೆ ಸಾಕ್ಷಿ ಎಂಬಂತೆ ಸಂಗೀತಾ ಇಲ್ಲದ ಸಂದರ್ಭದಲ್ಲಿ ವಿನಯ್ ಆ ಬಗ್ಗೆ ಮಾತನಾಡಿದ್ದಾರೆ. ವಿನಯ್ ಅವರು ಸ್ನೇಹಿತ್ ಮತ್ತು ನಮ್ರತಾ ಜೊತೆ ಮಾತನಾಡುತ್ತಾ, ಸಂಗೀತಾಗೆ ಮತ್ತೆ ಆ ಗುಂಪು ಸೇರಿಕೊಳ್ಳಬೇಕು ಅಂತ ಅನಿಸಿದೆ. ಕಾರ್ತಿಕ್ ಇದ್ದಾನೆ ಎನ್ನುವ ಕಾರಣಕ್ಕೆ ಅಡುಗೆ ಮಾಡಲು ಒಪ್ಪಿದರು. ಅಳುವವರನ್ನು ಕನ್ಸೋಲ್ ಮಾಡೋಕೆ ನಾವಿಲ್ಲ. ನಮಗೆ ನಮ್ಮದೇ ಬದುಕಿದೆ, ಆಟವಿದೆ. ತನಿಷಾ ಹಾಗೂ ಕಾರ್ತಿಕ್ ಖುಷಿಯಾಗಿರೋದನ್ನು ಸಂಗೀತಾ ಬಳಿ ತಡೆದುಕೊಳ್ಳೋಕೆ ಆಗುತ್ತಿಲ್ಲ ಎಂದಿದ್ದಾರೆ. ಆ ಮೂಲಕ ಸಂಗೀತಾ ಹೊರಗಿನವರೇ ಎನ್ನುತ್ತಿದ್ದಾರೆ.

ವಿನಯ್ ಮಾತಿಗೆ ಉತ್ತರಿಸಿದ ನಮ್ರತಾ, ಸಂಗೀತಾನೇ ನನ್ನ ಹತ್ತಿರ ಕಾರ್ತಿಕ್ ಜೊತೆಗಿನ ಬಾಂಡಿಂಗ್ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ. ಆದರೆ ಮತ್ತೆ ಹೋಗಲ್ಲ ಅಂತ ಹೇಳಿದ್ರು ಎಂದಿದ್ದಾರೆ. ಅದಕ್ಕೆ ವಿನಯ್ ಅವರು ಕಾರ್ತಿಕ್ ಮತ್ತು ಸಂಗೀತಾ ಮಧ್ಯೆ ಹುಳಿ ಹಿಂಡ್ತೀನಿ ಅಂತ ಓಪನ್ ಆಗಿಯೇ ಹೇಳಿಕೊಂಡಿದ್ದಾರೆ. 

ಕಾರ್ತಿಕ್ ಅವರಿಂದ ದೂರಾದ ಸಂಗೀತಾ ಸದ್ಯ ನಮ್ರತಾ ಜೊತೆ ಕ್ಲೋಸ್ ಆಗಿದ್ದಾರೆ. ಯಾವುದೋ ಮನ:ಸ್ತಾಪದಿಂದ ಹಳೆ ಟೀಂ ಬಿಟ್ಟು ಬಂದಿದ್ದ ಅವರು, ವಾಪಾಸ್ ಆ ಫ್ರೆಂಡ್‌ಶಿಪ್ ಬೇಕು ಎಂದರೂ ಮನಸ್ಸನ್ನು ಗಟ್ಟಿ ಮಾಡಿಕೊಂಡು ಆಟ ಆಡುತ್ತಿದ್ದಾರೆ. ಹೀಗಾಗಿ, ಕಾರ್ತಿಕ್ ಮುಂದೆ ಬಂದರೂ ನೋಡದೆ ಇರುವಂತೆ ನಟಿಸುತ್ತಿದ್ದಾರೆ. ಇದನ್ನೇ ನಮ್ರತಾ ಅಡ್ವಾಂಟೇಜ್ ತೆಗೆದುಕೊಳ್ಳುತ್ತಿದ್ದಾರಾ? ಎಂಬ ಪ್ರಶ್ನೆಯೂ ಪ್ರೇಕ್ಷಕರಲ್ಲಿ ಮೂಡಿದೆ. ತನಿಷಾ ಬಗ್ಗೆ ಕೂಡ ನಮ್ರತಾ ಮಾತನಾಡಿದ್ದು,  ನಿಮ್ಮ ಫ್ರೆಂಡ್ ನಿಮ್ಮ ಫ್ರೆಂಡ್ ಅಂತ ಹೇಳುತ್ತಲೇ ಇದ್ದಾರೆ. ಈಗ ನೀವೂ ಆ ಟೀಂನಲ್ಲಿ ಇದ್ದಾಗ ಸ್ವತಂತ್ರವೇ ಇರಲಿಲ್ಲ ಅಲ್ವಾ? ಎಂಬ ಪ್ರಶ್ನೆಯನ್ನು ಸಂಗೀತಾಗೆ ಕೇಳಿದ್ದಾರೆ.

ಸಂಗೀತಾ ದೂರವಾದ ಮೇಲೆ ಸಹಜವಾಗಿಯೇ ತನಿಷಾ-ಕಾರ್ತಿಕ್ ತಮ್ಮ ಫ್ರೆಂಡ್ಶಿಪ್ ಮುಂದುವರೆಸಿದ್ದಾರೆ. ಈ ಬಗ್ಗೆ ವಿನಯ್, ನಮ್ರತಾ ಮತ್ತು ಸ್ನೇಹಿತ್ ಸಿಕ್ಕಾಪಟ್ಟೆ ಗಾಸಿಪ್ ಮಾಡುವುದಕ್ಕೆ ಶುರು ಮಾಡಿದ್ದಾರೆ.  ತನಿಷಾಗೂ ಯಾರೂ ಇಲ್ಲ. ಬೋಡನಿಗೂ ಯಾರೂ ಇಲ್ಲ. ಅವನು ರಾಂಗ್ ಆದಾಗ, ಅವಳು ಕೂಲ್ ಕೂಲ್ ಅಂತಾಳೆ. ಇವಳು ರಾಂಗ್‌ ಆದರೆ, ಅವನು ಕೂಲ್ ಕೂಲ್ ಎನ್ನುತ್ತಾನೆ ಅಂತೆಲ್ಲಾ ವ್ಯಂಗ್ಯವಾಡಿದ್ದಾರೆ.

ಸಂಗೀತಾಗೆ ವಿನಯ್ ಅಂಡ್ ಟೀಂ ಬೆನ್ನ ಹಿಂದೆ ಆಡುತ್ತಿರುವ ಆಟ ಗಮನಕ್ಕೆ ಬರುತ್ತಿಲ್ಲ. ಅವರನ್ನು ಸಂಪೂರ್ಣವಾಗಿ ನಂಬಿರುವ ಸಂಗೀತಾ, ವಿನಯ್ ಅವರಿಗೆ ಈ ಮುಖ ಇದೆಯಂದು ಗೊತ್ತಿರಲಿಲ್ಲ. ಇಷ್ಟು ಸ್ವೀಟ್ ಆಗಿರುವ ವ್ಯಕ್ತಿಯನ್ನು ಬಿಗ್‌ಬಾಸ್ ಮನೆಯಲ್ಲಿ ನೋಡೇ ಇಲ್ಲ ಎಂದೆಲ್ಲಾ ಹೇಳಿದ್ದಾರೆ. ಒಬ್ಬ ವ್ಯಕ್ತಿಯ ಮೇಲಿನ ನಂಬಿಕೆ ಸುಳ್ಳಾದಾಗ, ಅದೇ ವ್ಯಕ್ತಿಯ ಬಗ್ಗೆ ಇನ್ನೊಬ್ಬ ವ್ಯಕ್ತಿ ನೆಗೆಟಿವ್ ಆಗಿ ಮಾತನಾಡಿದಾಗ ಮನಸ್ಸಿನ ಕೋಪ ಹೆಚ್ಚಾಗುವುದು ಮನುಷ್ಯನ ಸೈಕಾಲಜಿ. ಇದನ್ನ ವಿನಯ್ ಅಂಡ್ ಟೀಂ, ಸಂಗೀತಾ ವಿಚಾರದಲ್ಲಿ ಅದನ್ನೇ ಮಾಡುತ್ತಿದ್ದಾರೆ. ಇದನ್ನ ಸ್ನೇಹಿತ್ ಬಾಯಿ ಬಿಟ್ಟಿದ್ದಾರೆ. ನೀವೂ ವಿಲನ್ ಆಗಿದ್ದಾಗ ಕಾರ್ತಿಕ್ ಹೀರೋ ಆದರು. ಇನ್ಮುಂದೆ ಆ ರೀತಿ ಆಗುವುದು ಬೇ ಎಂಬ ಮಾತನ್ನ ಹೇಳಿದ್ದಾರೆ. ಇದಕ್ಕೆ ವಿನಯ್ ಕೂಡ ಅವಳಿಗೆ ಕಾರ್ತಿಕ್ ತುಂಬಿದ ಪ್ಲೇಸ್ ಖಾಲಿ ಖಾಲಿಯಾದಂತೆ ಕಾಣಿಸುತ್ತಿದೆ ಎಂದು ಹೇಳುವ ಮೂಲಕ ನಮ್ಮ ಟೀಂನಲ್ಲಿ ಲಾಭ ಪಡೆಯಬೇಕು ಎಂಬ ಅರ್ಥದಲ್ಲಿ ಹೇಳಿದ್ದಾರೆ.