ಡ್ರೋನ್ ಪ್ರತಾಪ್ ನಿರ್ಧಾರಕ್ಕೆ 'ಇದು ಹೆಡ್‌ ಶಾಟ್' ಎಂದ ವಿನಯ್: ಚಾನ್ಸೇ ಇಲ್ಲ, ಕೆಲಸವನ್ನು ನಿಯತ್ತಾಗಿ ಮಾಡುತ್ತೇನೆಂದ ಕಾರ್ತಿಕ್

ನಾನು ಪ್ರತಾಪ್ ತಂಡವನ್ನು ಸೇರೋದಿಕ್ಕೆ ಇಷ್ಟಪಡ್ತೀನಿ. ಯಾಕೆಂದರೆ ಅವನೊಬ್ಬ ಉತ್ತಮ ತಂತ್ರಗಾರ. ಪ್ರತಾಪ್ ಒಳ್ಳೆಯ ಕ್ಯಾಪಟ್ಟನ್ ಅಂತ ಈಗಾಗಲೇ ಫ್ರೂವ್ ಮಾಡಿಕೊಂಡಿದ್ದಾನೆ. ಜೊತೆಗೆ ನಾನು ಮೊದಲನೇ ಲೀಡರ್ ಆಗಿದ್ದಾಗ, ಮೂರು ಜನರು ನನ್ನ ತಂಡಕ್ಕೆ ಬರಲು ನಿರಾಕರಿಸಿದಾಗ ನನ್ನೊಂದಿಗೆ ನಿಂತಿದ್ದು ಪ್ರತಾಪ್. ಅದಕ್ಕೆ ನಾನು ಪ್ರತಾಪ್ ಟೀಂಗೆ ಹೋಗ್ತೇನೆ ಎಂದಿದ್ದರು.

ಬಿಗ್‌ಬಾಸ್ ಪ್ರತಾಪ್‌ಗೆ ತಮ್ಮ ತಂಡದಲ್ಲಿನ ಒಬ್ಬ ದುರ್ಬಲ ಸದಸ್ಯನನ್ನು ಹೊರಗಿಡುವಂತೆ ಸೂಚಿಸಿದಾಗ, ಪ್ರತಾಪ್ ತಮ್ಮ ತಂಡಕ್ಕೆ ಸಂಯಮ ಮುಖ್ಯ. ನಾನು ಕಾರ್ತಿಕ್‌ನ ಹೊರಗಿಡುತ್ತಿದ್ದೇನೆ. ಕಾರ್ತಿಕ್ ಟಾಸ್ಕ್ ಅಂತ ಬಂದಾಗ ದುರ್ಬಲ ಅಂತಲ್ಲ. ಮಾತು ಅಂತ ಬಂದಾಗ ಸಂಯಮವನ್ನು ಕಳೆದುಕೊಳ್ಳುತ್ತಾರೆ. ಅದಕ್ಕಾಗಿ ಅವರನ್ನು ಹೊರಗಿಡುತ್ತಿದ್ದೇನೆ ಎಂದರು. ಇದನ್ನು ಕೇಳಿದ ಎಲ್ಲರೂ ಆಶ್ಚರ್ಯಚಕಿತರಾದರು. ಪ್ರತಾಪ್ ನಿರ್ಧಾರವನ್ನು ಕೂಲ್‌ ಆಗಿಯೇ ತೆಗೆದುಕೊಂಡ ಕಾರ್ತಿಕ್, ಅವಕಾಶ ಸಿಕ್ಕಿಲ್ಲ ಅಂತ ತುಂಬಾ ಜನ ಹೇಳ್ತಿದ್ರಲ್ಲ. ಮುಂದಿನವಾರ ಸುಮ್ಮನೆ ಕೂರೋಣ ಅಂತ ಅಂದುಕೊಳ್ಳುತ್ತಿದ್ದೆ. ಹಾಗೇ ಆಗೋಯ್ತು. ಆಲ್‌ ದಿ ಬೆಸ್ಟ್ ಚೆನ್ನಾಗಿ ಆಡಿ. ನಿರ್ಧಾರಕ್ಕೆ ಬೆಂಬಲವಾಗಿ ನಿಂತು ಟೀಮ್‌ ಗೆಲ್ಲಿಸಿ ಅಂತ ಹೇಳಿದರು. 

ಪ್ರತಾಪ್ ನಿರ್ಧಾರದ ಕುರಿತು ಕಾರ್ತಿಕ್ ಬಳಿ ಮಾತನಾಡಿದ ವಿನಯ್, ನೀನು ಏನಾದರೂ ಅಂದಕೋ. ಹೇಗಾದರೂ ಅಂದುಕೋ. ಬೆಂಕಿ ಹಾಕೋದಕ್ಕೆ ಹೇಳುತ್ತಿದ್ದೇನೆ ಅಂತನಾದರೂ ಅಂದುಕೋ, ನಾನು ಮನಸ್ಸಿನಿಂದ ಹೇಳುತ್ತಿರುವುದು. 'ನಿನಗಿದು ಹೆಡ್ ಶಾಟ್' ಎಂದರು. ಅದಕ್ಕೆ ಸಂಗೀತಾ ಕೂಡ ಹೌದು ಎಂದರು. ಅದಕ್ಕೆ ಕಾರ್ತಿಕ್ ಚಾನ್ಸೇ ಇಲ್ಲ. ನಾನು ಮಾಡುವ ಕೆಲಸವನ್ನು ನಿಯತ್ತಾಗಿ ಮಾಡುತ್ತೇನೆ. ಇಲ್ಲೇ ಇದ್ದು ಹೊಡೆಯುತ್ತೇನೆ ಎಂದರು. 

ನೀರು ತುಂಬುವ ಟಾಸ್ಕ್‌ನಲ್ಲಿ ಮೈಕಲ್ ತಂಡ ಜಯ ಸಾಧಿಸಿತು. ಈ ಸಂದರ್ಭ ಪ್ರತಾಪ್ ತಂಡದ ಒಬ್ಬರು ಕ್ಯಾಪ್ಟನ್ಸಿ ಟಾಸ್ಕ್‌ನಿಂದ ಹೊರಗೆ ಉಳಿಯಬೇಕಾಯಿತು. ಬಿಗ್‌ಬಾಸ್ ಯಾರನ್ನು ಹೊರಗಿಡುತ್ತೀರಾ? ಎಂದಾಗ ತಂಡದ ಸದಸ್ಯರೆಲ್ಲರೂ ಹೊಸ ಆಟಗಾರ್ತಿ ಪವಿ ಹೆಸರನ್ನು ಸೂಚಿಸಿದರು. ಆದರೆ, ಪ್ರತಾಪ್ ನಮ್ರತಾ ಹೆಸರನ್ನು ಹೇಳಿದರು. ಇದು ನಮ್ರತಾಗೆ ತೀವ್ರ ಆಘಾತ ಉಂಟುಮಾಡಿತು. ಇದರಿಂದ ಬೇಸರಗೊಂಡ ನಮ್ರತಾ ಕಣ್ಣೀರು ಹಾಕಿದ್ದಾರೆ. ನಿಮಗೆ ಕಿಚ್ಚನ ಚಪ್ಪಾಳೆ ಕೊಡಿಸುತ್ತೇನೆ, ಕ್ಯಾಪ್ಟನ್ ಮಾಡಿಸುತ್ತೇನೆ ಎಂದು ಹೇಳಿ ತಂಡಕ್ಕೆ ಕರೆಸಿಕೊಂಡು ಎಲ್ಲರ ಮುಂದೆ ನನಗೆ ಅವಮಾನ ಮಾಡಿದ್ದೀಯಾ? ಬೇಕಂತಲೇ ಇದನ್ನು ಮಾಡಿದ್ದೀಯ. ನಿನ್ನನ್ನು ನಾನು ಎಂದಿಗೂ ಕ್ಷಮಿಸೋದಿಲ್ಲ ಅಂತ ಅತ್ತಿದ್ದಾರೆ. 

ಕಳೆದ ಕೆಲ ವಾರಗಳಿಂದ ನಮ್ರತಾ ಪ್ರತಾಪ್‌ರನ್ನು, ಪ್ರತಾಪ್ ನಮ್ರತಾ ಅವರನ್ನು ಟಾರ್ಗೆಟ್ ಮಾಡಿ ನಾಮಿನೇಟ್ ಮಾಡ್ತಿದ್ದಾರೆ. ಸುದೀಪ್ ಮುಂದೆ ಕೂಡ ನಮ್ರತಾ ಅವರು ಪ್ರತಾಪ್ ಅವರನ್ನು ದೂಷಿಸಿದ್ದಾರೆ. ಲೆವಿಸ್ಟಾ ಕಾಫಿ ಟಾಸ್ಕ್‌ನಲ್ಲೂ ಪ್ರತಾಪ್ ಸೋತಾಗ ನಮ್ರತಾ ಮತ್ತು ಸಂಗೀತಾ ಕುಣಿದಿದ್ದರು. ಬಳಿಕ ತಾವೂ ಕೂಡ ಸೋತಿದ್ದರು. ಮೊದಲನಿಂದಲೂ ಕೆಲ ವಿಷಯಗಳಿಗೆ ನಮ್ರತಾ ಹಾಗೂ ಪ್ರತಾಪ್ ನಡುವೆ ಮಸಸ್ತಾಪ ನಡೆಯುತ್ತಿದ್ದು, ಇದು ರಿವೇಂಜ್ ಆಗಿ ಬದಲಾಗಿದ್ಯಾ? ಎಂಬ ಅನುಮಾನಗಳು ವೀಕ್ಷಕರಲ್ಲಿದೆ.   

ನಮ್ರತಾ ತಿರುಗಿ ಬಿದ್ದರೂ ತನ್ನ ನಿರ್ಧಾರ ಸಮರ್ಥಿಸಿಕೊಂಡ ಪ್ರತಾಪ್, ಇಂದಿನ ಟಾಸ್ಕ್‌ನಲ್ಲಿ ನಮ್ರತಾ ಸರಿಯಾಗಿ ಪ್ರದರ್ಶನ ತೋರಲಿಲ್ಲ ಎಂಬುದನ್ನು ಗಮನದಲ್ಲಿಟ್ಟುಕೊಂಡು ನಿರ್ಣಯ ತೆಗೆದುಕೊಂಡಿದ್ದೇನೆ ಎಂದರು. ಆದೆ, ಅದನ್ಮು ಒಪ್ಪುವ ಮನಸ್ಥಿತಿ ಅವರೇ ತಂಡದ ಸದಸ್ಯರಲ್ಲೂ ಇರಲಿಲ್ಲ. ಇನ್ನು ಮೊದಲ ಟಾಸ್ಕ್‌ನಲ್ಲಿ ಡ್ರೋನ್ ಪ್ರತಾಪ್ ತಂಡ ಸೋತಿದೆ. ಹೀಗಾಗಿ, ಡ್ರೋನ್ ಪ್ರತಾಪ್ ತಂಡದಿಂದ ಒಬ್ಬರನ್ನು ಕ್ಯಾಪ್ಟನ್ಸಿ ರೇಸ್‌ನಿಂದ ಮೈಕಲ್ ಟೀಂ ಒಬ್ಬರನ್ನು ಹೊರಗಿಡಬೇಕಿತ್ತು. ಆಗ ಆ ತಂಡದ ಎಲ್ಲರೂ ಒಮ್ಮತದಿಂದ ಪ್ರತಾಪ್ ಹೆಸರು ತೆಗೆದುಕೊಂಡಿದ್ದಾರೆ.