ನಾಮಿನೇಷನ್ ಅಸ್ತ್ರ ಉಪಯೋಗಸಿದ ಸ್ನೇಹಿತ್: ಪಕ್ಷಪಾತ ನಿರ್ಧಾರಕ್ಕೆ ಸ್ಪರ್ಧಿಗಳು ಕಿಡಿ

ಈ ವಾರ ಮನೆಯ ಕ್ಯಾಪ್ಟನ್ ಆದ ಸ್ನೇಹಿತ್ ಮಾತ್ರ ನಾಮಿನೇಷನ್ ಅಧಿಕಾರವನ್ನು ಹೊಂದಿದ್ದರು. ಅದರಂತೆ ಪ್ರತಿಬಾರಿ ಬಿಗ್‌ಬಾಸ್ ಸೂಚಿಸಿದ ಇಬ್ಬರು ಸ್ಪರ್ಧಿಗಳು ಮುಂದೆ ಬಂದು ತಮ್ಮನ್ನು ಯಾಕೆ ನಾಮಿನೇಷನ್‌ನಿಂದ ಬಚಾವ್ ಮಾಡಬೇಕು ಹಾಗೂ ತಮ್ಮ ಜೊತೆಗಿರುವ ಇನ್ನೋರ್ವ ಸ್ಪರ್ಧಿ ಯಾಕೆ ನಾಮಿನೇಟ್ ಆಗಬೇಕು ಅಂತ ವಾದ ಮಂಡಿಸಬೇಕು. ವಾದ-ಪ್ರತಿವಾದ ಆಲಿಸಿದ ಸ್ನೇಹಿತ್ ಒಬ್ಬರನ್ನು ಸೇವ್ ಮಾಡಿ, ಇನ್ನೊಬ್ಬರನ್ನು ನಾಮಿನೇಟ್ ಮಾಡಬೇಕಿತ್ತು. 

*ಮೊದಲಿಗೆ ತುಕಾಲಿ ಸಂತು ಹಾಗೂ ಸಂಗೀತಾ ಆಯ್ಕೆಯಾದರು. ಇವರಿಬ್ಬರ ವಾದ-ಪ್ರತಿವಾದ ಕೇಳಿದ ಕ್ಯಾಪ್ಟನ್ ಸ್ನೇಹಿತ್ ಅವರು ತುಕಾಲಿ ಸಂತೋಷ್ ಅವರನ್ನು ಸೇವ್ ಮಾಡಿ, ಸಂಗೀತಾರನ್ನು ನಾಮಿನೇಟ್ ಮಾಡಿದರು.

*ವಿನಯ್ ಗೌಡ ಹಾಗೂ ಸಿರಿ ಅವರ ಪೈಕಿ ಸ್ನೇಹಿತ್ ಸಿರಿಯವರನ್ನು ಎಲಿಮಿನೇಷನ್‌ಗೆ ತಳ್ಳಿದರು. ಅಣ್ಣ ವಿನಯ್ ಅವರನ್ನು ಸೇಫ್ ಮಾಡಿದರು.

*ನಮ್ರತಾ ಗೌಡ ಹಾಗೂ ಡ್ರೋನ್ ಪ್ರತಾಪ್ ಇಬ್ಬರ ವಾದ ಆಲಿಸಿದ ಸ್ನೇಹಿತ್, ನಮ್ರತಾ ಅವರನ್ನು ಎಲಿಮಿನೇಷನ್‌ನಿಂದ ಸೇಫ್ ಮಾಡಿದರು. ಪ್ರತಾಪ್‌ ಅವರನ್ನು ಡೇಂಜರ್‌ ಝೋನ್‌ಗೆ ತಳ್ಳಿದರು.

*ಕೊನೆಗೆ ವರ್ತೂರು ಸಂತೋಷ್, ತನಿಷಾ ಹಾಗೂ ಕಾರ್ತಿಕ್ ತಮ್ಮ ವಾದ ಮಂಡಿಸಿದರು. ಸ್ನೇಹಿತ್ ಅವರು ವರ್ತೂರು ಸಂತೋಷ್ ಅವರನ್ನು ಬಚಾವ್ ಮಾಡಿ, ತನಿಷಾ-ಕಾರ್ತಿಕ್‌ರನ್ನು ನಾಮಿನೇಟ್ ಮಾಡಿದರು.

ನಾಮಿನೇಟ್ ಮಾಡುವ ಅಧಿಕಾರ ಹೊಂದಿದ್ ಸ್ನೇಹಿತ್, ತಮ್ಮ ಗುಂಪಿನ ವಿನಯ್ ಹಾಗೂ ನಮ್ರತಾ ಅವರನ್ನು ಸೇವ್ ಮಾಡಿದ್ದಾರೆ. ತಾವು ಎಷ್ಟೇ ಮಾತನಾಡಿದರೂ ನಮ್ರತಾನೇ ಸೇವ್ ಆಗೋದು ಅಂತ ಸ್ಪಷ್ಟವಾಗಿ ತಿಳಿದಿದ್ದ ಪ್ರತಾಪ್, ಹೆಚ್ಚು ವಾದ ಮಾಡುವ ಗೋಜಿಗೆ ಹೋಗಿರಲಿಲ್ಲ. ಇತ್ತ ವಿನಯ್ ಹಾಗೂ ಸಿರಿ ಅಂತ ಬಂದಾಗ ಸ್ನೇಹಿತ್ ಅವರು ವಿನಯ್ ಅವರನ್ನು ಸೇವ್ ಮಾಡಿದರು. ಜೊತೆಗೆ ಸೇವ್ ಮಾಡುವಾಗ ವಿನಯ್ ಆಟಕ್ಕಾಗಿ ರಕ್ತ, ಬೆವರು ನೀಡಿದ್ದಾರೆ ಎಂದರು. ಈ ಮಾತು ಕೇಳಿದ ಸಿರಿಗೆ ಕೋಪ ಬಂತು. ಆದ್ದರಿಂದ ಮುಂದಿನ ವಾರದಿಂದ ನಾವು ರಕ್ತ ಕೊಡುತ್ತೇವೆ ಅಂತ ಕಿಡಿಕಾರಿದರು. 

ಕಳೆದ ವಾರ ಸ್ನೇಹಿತ್ ಹಾಗೂ ಮೈಕಲ್ ಬಾಟಂ 2ರಲ್ಲಿದ್ದರು. ಒಬ್ಬರು ಒಳ್ಳೆಯ ಆಟಗಾರರಾಗಿದ್ದರು. ಹೀಗಾಗಿ, ಕಿಚ್ಚ ಸುದೀಪ್ ಮೊದಲ ಬಾರಿಗೆ ತಮ್ಮ ವಿಶೇಷ ಅಧಿಕಾರ ಉಪಯೋಗಿಸಿ ಅವರಿಬ್ಬರನ್ನು ಸೇವ್ ಮಾಡಿದ್ದರು. ಜೊತೆಗೆ ೯ನೇ ವಾರಕ್ಕೆ ನೇರವಾಗಿ ನಾಮಿನೇಟ್ ಮಾಡಿದ್ದರು. ಇನ್ನು ವೈಲ್ಡ್‌ಕಾರ್ಡ್ ಸ್ಪರ್ಧಿಗಳಾದ ಪವಿ ಮತ್ತು ಅವಿ ಅವರನ್ನು ಮನೆಯ ಸದಸ್ಯರು ಒಮ್ಮತದಿಂದ ನಾಮಿನೇಷನ್‌ಗೆ ತಳ್ಳಿದ್ದಾರೆ.

ಒಂಬತ್ತನೇ ವಾರ ಮನೆಯಿಂದ ಹೊರಹೋಗಲು ಕಾರ್ತಿಕ್, ತನಿಷಾ, ಮೈಕಲ್, ಸಿರಿ, ಸ್ನೇಹಿತ್, ಸಂಗೀತಾ, ಪವಿ, ಪವಿ, ಪ್ರತಾಪ್ ನಾಮಿನೇಟ್ ಆಗಿದ್ದಾರೆ. ಈ 9 ಮಂದಿಯ ಪೈಕಿ ಮನೆಯಿಂದ ಹೊರಹೋಗುವ ಸ್ಪರ್ಧಿ ಯಾರು ಎಂದು ಕಾಮೆಂಟ್ ಮೂಲಕ ತಿಳಿಸಿ.