Happy Birthday: ಡೈಲಾಗ್ ಕಿಂಗ್ ಸಾಯಿಕುಮಾರ್ ನಟನೆಯ ನೀವು ನೋಡಲೇಬೇಕಾದ ಸಿನಿಮಾಗಳಿವು!

Author Sowmya Bairappa | Published: Thursday, July 27, 2023, 09:55 AM [IST]

ಡೈಲಾಗ್ ಕಿಂಗ್ ಸಾಯಿಕುಮಾರ್ ಹೆಸರು ಕೇಳಿದರೆ ಸಾಕು, ಕನ್ನಡ ಪ್ರೇಕ್ಷಕರ ಮೈ ರೋಮಾಂಚನವಾಗುತ್ತದೆ. ಕಾರಣ ಪೊಲೀಸ್ ಹಾಗೂ ವಿಲನ್ ಪಾತ್ರಗಳಲ್ಲಿ ಕೇಳಿಬರುತ್ತಿದ್ದ ಅವರ ಗಂಡು ಧ್ವನಿ ಹಾಗೂ ಡೈಲಾಗ್ ಡೆಲಿವರಿ ಶೈಲಿ. ಒಂದು ಕಾಲದಲ್ಲಿ ಸಾಯಿಕುಮಾರ್‌ ಅವರನ್ನು ಹುಡುಕಿಕೊಂಡು ಸಾಲು-ಸಾಲು ಪೊಲೀಸ್ ಪಾತ್ರಗಳೇ ಬಂದವು. ಸಾಯಿಕುಮಾರ್ ಅಂದರೆ ಕನ್ನಡಿಗರಿಗೆ ಪೊಲೀಸ್. ಪೊಲೀಸ್ ಪಾತ್ರಗಳಲ್ಲೇ ಗಟ್ಟಿತನ ತೋರಿಸಿದ್ದ ಕಲ್ಪನಾ, ರಂಗಿತರಂಗ ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ವಿಭಿನ್ನ ಪಾತ್ರ ನಿರ್ವಹಿಸುವ ಮೂಲಕ ತಮ್ಮ ನಟನಾ ಸಾಮರ್ಥ್ಯವನ್ನು ತೋರಿದ್ದರು. ಇಲ್ಲಿ ಸಾಯಿಕುಮಾರ್ ನಟನೆಯ ನೀವು ನೋಡಲೇಬೇಕಾದ ಸಿನಿಮಾಗಳ ಪಟ್ಟಿಯನ್ನು ನೀಡಲಾಗಿದೆ.

Table of content

ಬಾಲ್ಯದಲ್ಲಿ ಕಂಠದಾನ ಕಲಾವಿದನಾಗಿ ಚಿತ್ರರಂಗ ಪ್ರವೇಶಿಸಿದ ಸಾಯಿಕುಮಾರ್ ಅವರು ಸುಮನ್,ರಾಜಶೇಖರ್ ಮುಂತಾದ ಕಲಾವಿದರಿಗೆ ಕಂಠದಾನ ನೀಡುತ್ತಿದ್ದರು. ಇವರ ಡೈಲಾಗ್ ಡೆಲಿವರಿ ಸ್ಟೈಲ್ ತುಂಬಾ ಪ್ರಸಿದ್ಧಿಯಾಯಿತು. 1996ರಲ್ಲಿ ತೆರೆಕಂಡ ಕನ್ನಡದ `ಪೊಲೀಸ್ ಸ್ಟೋರಿ' ಚಿತ್ರದಿಂದ ನಾಯಕನಾಗಿ ಬೆಳ್ಳಿತೆರೆಗೆ ಕಾಲಿಟ್ಟರು. ಈ ಚಿತ್ರ ಬೇರೆ ಭಾಷೆಗಳಲ್ಲಿ ಕೂಡ ಡಬ್ ಆಗಿ ಯಶಸ್ಸು ಪಡೆಯಿತು ಒಬ್ಬ ನಿಷ್ಠುರ ಮತ್ತು ಶಾರ್ಟ್ ಟೆಂಪರ್ ಪೊಲೀಸ್ ಅಧಿಕಾರಿ ಕ್ರಿಮಿನಲ್‌ಗಳ ವಿರುದ್ಧ ಹೋರಾಡುವ ಭಿನ್ನ ರೀತಿಗಳಿಂದ ಸಚಿವರಿಂದ ಪದೇ ಪದೇ ನಿಂದನೆಗೆ ಒಳಗಾಗುತ್ತಿರುತ್ತಾನೆ. ಬಳಿಕ ಬ್ಲ್ಯಾಕ್ ಟೈಗರ್ ಎಂಬ ಕ್ರಿಮಿನಲ್ ಅನ್ನು ಹೇಗೆ ಮಟ್ಟ ಹಾಕುತ್ತಾನೆ ಎಂಬುದು ಚಿತ್ರದ ಕಥೆಯಾಗಿತ್ತು.

ಹೆಚ್ಚು ಓದಿ

ಆನಂದ್ ಪಿ ರಾಜು ನಿರ್ದೇಶನದಲ್ಲಿ ಮೂಡಿಬಂದ ಅಗ್ನಿ ಐಪಿಎಸ್ ಚಿತ್ರದಲ್ಲಿ ಸಾಯಿಕುಮಾರ್ ಸಾಯಿಕುಮಾರ್ 'ಅಗ್ನಿ' ಹೆಸರಿನ ಮುಂಗೋಪಿ ಮತ್ತು ನಿಷ್ಠುರ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ಮಿಂಚಿದರು. ತನ್ನ ಸಹೋದ್ಯೋಗಿ ಮತ್ತು ಸ್ನೇಹಿತನನ್ನು ಕಳೆದುಕೊಂಡ ಅಗ್ನಿ ನಗರದ ದೊಡ್ಡ ರೌಡಿ ಕೊತ್ವಾಲ್ ಎಂಬುವವನನ್ನು ಹೇಗೆ ಮಟ್ಟ ಹಾಕುತ್ತಾನೆ ಎಂಬುದೇ ಚಿತ್ರದ ಕಥೆ. ಈ ಸಿನಿಮಾದ ಸಾಯಿಕುಮಾರ್ ಡೈಲಾಗ್‌ಗಳು ಸಿಕ್ಕಾಪಟ್ಟೆ ಹಿಟ್ ಆಗಿದ್ದವು.

ಹೆಚ್ಚು ಓದಿ

ಓಂ ಪ್ರಕಾಶ್ ರಾವ್ ನಿರ್ದೇಶನದ ಲಾಕಪ್ ಡೆತ್ ಸಿನಿಮಾದಲ್ಲಿ ದೇವರಾಜ್, ಸಾಯಿಕುಮಾರ್ ಹಾಗೂ ನಿರೋಶಾ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ್ದರು. ಒಂದು ಕೋಟಿ ಬಜೆಟ್‌ನಲ್ಲಿ ತಯಾರಾದ ಮೊದಲ ಚಲನಚಿತ್ರ ಇದಾಗಿದ್ದು, ಬ್ಲಾಕ್‌ ಬಸ್ಟರ್ ಆಗಿತ್ತು. ಜೊತೆಗೆ ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿಯನ್ನು ಪಡೆದಿತ್ತು.

ಮುತ್ತಿನಂಥ ಹೆಂಡತಿ ಸಿನಿಮಾದಲ್ಲಿ ಸಾಯಿಕುಮಾರ್ ಹಾಗೂ ಮಾಲಾಶ್ರೀ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಸಿನಿಮಾದಲ್ಲಿ ವಿನೋದ್ (ಸಾಯಿಕುಮಾರ್) ಶಾಪಗ್ರಸ್ಥ ಕುಟುಂಬಕ್ಕೆ ಸೇರಿದವನಾಗಿರುತ್ತಾನೆ. ಆ ಶಾಪದ ಪ್ರಕಾರ ವಿನೋದ್‌ನನ್ನು ಮದುವೆಯಾಗುವ ಯುವತಿ ಸಾವನ್ನಪ್ಪುತ್ತಾಳೆ. ಈ ನಡುವೆ ಗೌರಿ (ಮಾಲಾಶ್ರೀ) ಆತನನ್ನು ಪ್ರೀತಿಸುತ್ತಿರುತ್ತಾಳೆ. ವಿನೋದ್ ಕುಟುಂಬ ಶಾಪದ ಬಗ್ಗೆ ತಿಳಿದ ಗೌರಿಯ ಫೋಷಕರು ಆತನನ್ನು ಮದುವೆಯಾಗದಂತೆ ಸೂಚಿಸುತ್ತಾರೆ. ಆದರೆ, ಮನೆಯವರ ಇಚ್ಛೆಗೆ ವಿರುದ್ಧವಾಗಿ ಆತನನ್ನು ಮದುವೆಯಾಗುತ್ತಾಳೆ. ಬಳಿಕ ಅವಳು ಬದುಕುತ್ತಾಳಾ? ಇಲ್ಲವಾ ಎಂಬುದೇ ಚಿತ್ರದ ಕಥೆ.

ಥ್ರಿಲ್ಲರ್ ಮಂಜು ನಿರ್ದೇಶನದ ಪೊಲೀಸ್ ಸ್ಟೋರಿ ಚಿತ್ರದ ಮುಂದಿನ ಭಾಗ ಪೊಲೀಸ್ ಸ್ಟೋರಿ 2. ಈ ಚಿತ್ರದಲ್ಲೂ ಸಾಯಿ ಕುಮಾರ್ ಅಗ್ನಿ ಐಪಿಎಸ್ ಎಂಬ ಪಾತ್ರದಲ್ಲೇ ಕಾಣಿಸಿಕೊಂಡಿದ್ದರು. ಈ ಚಿತ್ರ ಕೂಡ ಸೂಪರ್ ಹಿಟ್ ಆಗಿ ತೆಲುಗಿಗೆ ರಿಮೇಕ್ ಆಗಿತ್ತು.