IMDb ಪ್ರಕಾರ 2022 ರ ಟಾಪ್ 10 ಜನಪ್ರಿಯ ಚಲನಚಿತ್ರಗಳು, ಮೊದಲ ಸ್ಥಾನದಲ್ಲಿ ಕಾಶ್ಮೀರ್ ಫೈಲ್ಸ್

ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ `ದಿ ಕಾಶ್ಮೀರ್ ಪೈಲ್ಸ್' ಚಿತ್ರ ಈ ವರ್ಷದ IMDb ಡೇಟಾಬಸ್ ನ ಅತ್ಯಂತ ಜನಪ್ರಿಯ ಚಿತ್ರವಾಗಿದೆ. 90 ರ ದಶಕದಲ್ಲಿ ನೆಡೆದ ಕಾಶ್ಮೀರಿ ಪಂಡಿತರ ದಾರುಣ ಮಾರಣಹೋಮದ ಕಥೆ ಈ ವರ್ಷ ಸಾಕಷ್ಟು ಮುನ್ನೆಲೆಗೆ ಬಂತು.

ರಾಕಿ ಭಾಯ್ ಆಗಿ ಕೆಜಿಎಫ್ ಸಾಮ್ರಾಜ್ಯವನ್ನು ಆಳಿದ ಕಥೆಯನ್ನು ಹೊತ್ತು ಎರಡನೇ ಬಾರಿಗೆ ಬಂದ ಯಶ್ - ಪ್ರಶಾಂತ್ ನೀಲ್ ಜೋಡಿ ಅದ್ಧೂರಿ ಯಶಸ್ಸು ಪಡೆಯಿತು. ಈ ಚಿತ್ರ ಸುಮಾರು 1250 ಕೋಟಿ ಬಾಕ್ಸಾಫೀಸ್ ಕಲೆಕ್ಷನ್ ಮಾಡಿತು.

ರಾಜಮೌಳಿ ನಿರ್ದೇಶನದ ಮೆಗಾ ಆ್ಯಕ್ಸನ್ ಚಿತ್ರ RRR ನಲ್ಲಿ ಸ್ವಾತಂತ್ರ ಹೋರಾಟಗಾರರಾದ ಅಲ್ಲುರಿ ಸೀತಾರಾಮರಾಜು ಮತ್ತು ಕೋಮರನ್ ಭೀಮ ಪಾತ್ರಗಳನ್ನು ಇಟ್ಟುಕೊಂಡು ಕಾಲ್ಪನಿಕ ಕಥೆಯೊಂದನ್ನು ಹೆಣೆಯಲಾಗಿತ್ತು. ಜೂನಿಯರ್ ಎನ್.ಟಿ.ಆರ್ ಮತ್ತು ರಾಮಚರಣ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು.

ಕಾಮಾಠಿಪುರ ಗ್ಯಾಂಗ್‌ಸ್ಟರ್ ಗಂಗೂಬಾಯಿ ಕಾಠಿಯಾವಾಡಿ ಜೀವನಾಧಾರಿತ ಈ ಚಿತ್ರವನ್ನು ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ಮಾಡಿದ್ದಾರೆ. ಅಲಿಯಾ ಭಟ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರದಲ್ಲಿ ಅಜಯ್ ದೇವಗನ್ ವಿಶೇಷ ಪಾತ್ರದಲ್ಲಿ ನಟಿಸಿದ್ದರು.

ಲೋಕೇಶ್ ಕಣಗರಾಜ್ ನಿರ್ದೇಶನದಲ್ಲಿ ಮೂಡಿಬಂದಿದ್ದ ವಿಕ್ರಮ್ ಚಿತ್ರದಲ್ಲಿ ಕಮಲ್ ಹಾಸನ್ ಮುಖ್ಯ ಪಾತ್ರದಲ್ಲಿ ನಟಿಸುವುದು ಮಾತ್ರವಲ್ಲದೇ, ಬಂಡವಾಳ ಕೂಡ ಹಾಕಿದ್ದರು. ಈ ಚಿತ್ರ ಸುಮಾರು 400 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡಿದೆ.

ಅಮಿತಾಭ್ ಬಚ್ಚನ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಝುಂಡ್ ಚಿತ್ರವನ್ನು ನಾಗರಾಜ್ ಪೋಪಟರಾವ್ ನಿರ್ದೇಶಿಸಿದ್ದಾರೆ.ಈ ಚಿತ್ರ ಸ್ಲಮ್ ಮಕ್ಕಳಿಗೆ ಪುಟ್ಬಾಲ್ ಹೇಳಿಕೊಡುವ ಕೋಚ್ ಒಬ್ಬನ ಕಥೆಯನ್ನು ಹೊಂದಿತ್ತು.

ಯಶ್ ಚೋಪ್ರಾ ಬ್ಯಾನರ್ ಅಡಿಯಲ್ಲಿ ಮೂಡಿಬಂದ ಬಿಗ್ ಬಜೆಟ್ ಚಿತ್ರ `ಸಾಮ್ರಾಟ್ ಪೃಥ್ವಿರಾಜ್' ನಲ್ಲಿ ಅಕ್ಷಯ ಕುಮಾರ್, ಪೃಥ್ವಿರಾಜ್ ಪಾತ್ರದಲ್ಲಿ ನಟಿಸಿದ್ದರು. ಬಹು ನಿರೀಕ್ಷೆ ಮೂಡಿಸಿದ್ದ ಈ ಚಿತ್ರ ಕೂಡ ಬಾಕ್ಸಾಫೀಸಿನಲ್ಲಿ ತುಂಬಾ ಕಳಪೆ ಕಲೆಕ್ಷನ್ ಮಾಡಿತು.

ಅಜಯ್ ದೇವಗನ್ ನಿರ್ದೇಶಿಸಿ ನಿರ್ಮಿಸಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ `ರನ್ ವೇ' ಚಿತ್ರ ಬಾಕ್ಸಾಫೀಸಿನಲ್ಲಿ ಮಕಾಡೆ ಮಲಗಿತು. ಅಮಿತಾಭ್ ಬಚ್ಚನ್, ರಕುಲ್ ಪ್ರೀತ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು.

ಯಾಮಿ ಗೌತಮ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಎ ಥರ್ಸಡೇ ಚಿತ್ರ ಡಿಸ್ನಿ ಪ್ಲಸ್ ಹಾಟ್‌ಸ್ಟಾರ್ ನಲ್ಲಿ ನೇರವಾಗಿ ಬಿಡುಗಡೆಯಾಯಿತು. ಒಬ್ಬ ಪ್ಲೇ ಸ್ಕೂಲ್ ಶಿಕ್ಷಕಿ ಹದಿನಾರು ಮಕ್ಕಳನ್ನು ಹಾಸ್ಟೇಜ ಆಗಿ ತೆಗೆದುಕೊಂಡಾದ ನೆಡೆಯುವ ಥ್ರಿಲ್ಲರ್ ಘಟನೆಗಳನ್ನು ಈ ಚಿತ್ರ ಹೊಂದಿತ್ತು.

ಮೋಹನ್ ಲಾಲ್ ಪುತ್ರ ಪ್ರಣವ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ `ಹೃದಯಂ' ಚಿತ್ರ ಕಾಲೇಜು ಬ್ಯಾಕ್ ಡ್ರಾಪ್ ನ ಜೊತೆಗೆ ಪ್ರೇಮ ವೈಪಲ್ಯ, ಕರಿಯರ್ ಮತ್ತು ವೈವಾಹಿಕ ಜೀವನಗಳ ಮೇಲೆ ಬೆಳಕು ಚೆಲ್ಲಿತು. ಈ ಚಿತ್ರ ಬಾಕ್ಸಾಫೀಸ್ ಮತ್ತು ವಿಮರ್ಶಕರಿಂದ ಅತ್ಯುತ್ತಮ ಪ್ರತಿಕ್ರಿಯೆ ಪಡೆಯಿತು.