'ಲಕ್ಷ್ಮೀ ನಿವಾಸ' ಸೀರಿಯಲ್ ಕಲಾವಿದರ ನಿಜವಾದ ಹೆಸರು, ವಯಸ್ಸು ಹಾಗೂ ಶಿಕ್ಷಣ ಏನು ಗೊತ್ತಾ? ಇಲ್ಲಿದೆ ಮಾಹಿತಿ.

'ಲಕ್ಷ್ಮೀ ನಿವಾಸ' ಧಾರಾವಾಹಿಯಲ್ಲಿ ಹರೀಶ್ ಪಾತ್ರ ಮಾಡುತ್ತಿರುವ ನಟನ ಹೆಸರು ಅಜಯ್ ರಾಜ್‌. ಇವರು 1986ರ ಅಕ್ಟೋಬರ್ 7ರಂದು ಜನಿಸಿದರು. ಡಿಗ್ರಿ ವ್ಯಾಸಂಗ ಮಾಡಿರುವ ಇವರು, ನಂತರ ನಟನೆಯತ್ತ ಮುಖ ಮಾಡಿದರು. ಅಜಯ್ ರಾಜ್ ಪತ್ನಿ ಪದ್ಮಿನಿ ದೇವನಹಳ್ಳಿ ಸಹ ಕಲಾವಿದೆಯಾಗಿದ್ದು, ಹಿಟ್ಲರ್ ಕಲ್ಯಾಣ ಧಾರಾವಾಹಿಯಲ್ಲಿ ಪದ್ಮನಿ ಪಾತ್ರ ಮಾಡ್ತಿದ್ದಾರೆ. ಅಜಯ್ ರಾಜ್ ಒಂದು ಗಂಟೆಯ ಕಥೆ, ಮುಂದಿನ ನಿಲ್ದಾಣ ಹಾಗೂ ಇತ್ತೀಚೆಗೆ ತೆರೆಕಂಡ ಅಬ್ಬಬ್ಬ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

'ಲಕ್ಷ್ಮೀ ನಿವಾಸ'ದಲ್ಲಿ ಭಾವನಾ ಪಾತ್ರದಲ್ಲಿ ಅಭಿನಯಿಸುತ್ತಿರುವ ದಿಶಾ ಮದನ್ 1992ರ ಮಾರ್ಚ್ 9ರಂದು ಜನಿಸಿದರು. ಇವರು ಬೆಂಗಳೂರಿನ ಮೌಂಟ್ ಕಾರ್ಮೆಲ್ ಕಾಲೇಜಿನಲ್ಲಿ ಶಿಕ್ಷಣ ಪಡೆದಿದ್ದಾರೆ. ಭರತನಾಣ್ಯ ಕಲಿತಿರುವ ದಿಶಾ ಅವರು, 'ಡ್ಯಾನ್ಸ್ ಇಂಡಿಯಾ' ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದರು. 

ಲಕ್ಷ್ಮೀ ನಿವಾಸದಲ್ಲಿ ಸಿದ್ದೇಗೌಡರು ಪಾತ್ರದ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿರುವ ನಟನ ಹೆಸರು ಧನಂಜಯ್. ಇವರು ಸೀರಿಯಲ್ ಜೊತೆಗೆ ಥಂಗ್ಸ್ ಆಫ್ ರಾಮಘಡ, ವಾಸಂತಿ ನಲಿದಾಗ, ಖಾಸಗಿ ಪುಟಗಳು ಸೇರಿದಂತೆ ಹಲವು ಸಿನಿಮಾಗಳಲ್ಲೂ ನಟಿಸಿದ್ದಾರೆ. ಈ ಧಾರಾವಾಹಿಯಲ್ಲಿನ ಇವರ ಪಾತ್ರಕ್ಕೆ ಸಿಕ್ಕಾಪಟ್ಟೆ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. 

ಕನ್ನಡ ಕಿರುತೆರೆಯಲ್ಲಿ ಚುಕ್ಕಿ ಎಂದೇ ಪ್ರಸಿದ್ಧರಾಗಿರುವ ಚಂದನಾ ಅನಂತಕೃಷ್ಣ, 1998 ಜುಲೈ 26ರಂದು ತುಮಕೂರಿನಲ್ಲಿ ಜನಿಸಿದರು. ಬೆಂಗಳೂರು ಯೂನಿವರ್ಸಿಟಿಯಲ್ಲಿ ಬಿಕಾಂ ಪದವಿ ಪಡೆದಿರುವ ಇವರು, ಬಿಗ್‌ಬಾಸ್‌ ಕನ್ನಡ ಸೀಸನ್ 7ರಲ್ಲೂ ಭಾಗವಹಿಸಿದ್ದರು.  ಚಂದನಾ 'ಲಕ್ಷ್ಮೀ ನಿವಾಸ' ಧಾರಾವಾಹಿಯಲ್ಲಿ  ಜಾಹ್ನವಿ ಪಾತ್ರದ ಮೂಲಕ ಗಮನ ಸೆಳೆಯುತ್ತಿದ್ದಾರೆ.

ಲಕ್ಷ್ಮೀ ನಿವಾಸ ಧಾರಾವಾಹಿಯಲ್ಲಿ ನಟ ಮಧು ಹೆಗಡೆ 'ಸಂತೋಷ್' ಎಂಬ ಪಾತ್ರವನ್ನು ನಿಭಾಯಿಸುತ್ತಿದ್ದು, ಇದರಲ್ಲಿ ಕಂಜೂಸ್ ಆಗಿದ್ದಾರೆ. ಇವರಿಗೆ 40 ವರ್ಷ ವಯಸ್ಸು ಎನ್ನಲಾಗಿದೆ. ಮೂಲತಃ ಶಿವಮೊಗ್ಗ ಜಿಲ್ಲೆಯ ಹೊಸನಗರದವರಾದ ಮಧು ಹೆಗಡೆ ನೀನಾಸಂ ಸಂಸ್ಥೆಯಲ್ಲಿ ಅಭಿನಯ ಕಲಿತು ಪಳಗಿದವರು. 'ಮೌನರಾಗ' ಧಾರಾವಾಹಿ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಬಳಿಕ ಮಳೆಬಿಲ್ಲು, ಗುಪ್ತಗಾಮಿನಿ, ಮನ್ವಂತರ, ಗೆಜ್ಜೆಪೂಜೆ, ಜೋಗುಳ, ಪಲ್ಲವಿ ಅನುಪಲ್ಲವಿ ಸೇರಿದಂತೆ ಹಲವು ಹಿಟ್ ಧಾರಾವಾಹಿಗಳಲ್ಲಿ ನಟಿಸಿ ಹೆಸರುವಾಸಿಯಾಗಿದ್ದಾರೆ. ಸಿನಿಮಾರಂಗದಲ್ಲೂ ಸಕ್ರಿಯವಾಗಿರುವ ಇವರು, 'ಈ ಬಂಧನ' ಚಿತ್ರದಲ್ಲಿ ವಿಷ್ಣುವರ್ಧನ್ ಜೊತೆ ನಟಿಸಿದ್ದರು. ಇನ್ನು ನಾಯಿಯಿ ನೆರಳು, ಕವಚ, ಮಿ.ಗರಗಸ, ಮೂರು ಗುಟ್ಟು, ಒಂದು ಸುಳ್ಳು ಒಂದು ನಿಜ, ನಮ್ ನಾಣಿ ಮದ್ವೆ, ಪ್ರಾಯಶಃ ಸೇರಿದಂತೆ ಹಲವು ಸಿನಿಮಾಗಳಿಗೆ ಬಣ್ಣ ಹಚ್ಚಿದ್ದಾರೆ. 

ಮೂಲತಃ ಶಿರಸಿಯವರಾದ ಲಕ್ಷ್ಮೀ ಹೆಗಡೆ ಡಿಗ್ರಿ ಶಿಕ್ಷಣ ಪಡೆದಿದ್ದಾರೆ. ಇವರಿಗೆ 40 ವರ್ಷ ವಯಸ್ಸು ಎನ್ನಲಾಗಿದೆ. ಹಲವು ಸಿನಿಮಾಗಳಲ್ಲಿ ಬಣ್ಣ ಹಚ್ಚಿರುವ ಇವರು, ಮೂಲತಃ ಗಾಯಕಿ ಕೂಡ ಹೌದು. 

ದೀಪಕ್ ಸುಬ್ರಮಣ್ಯ 'ದಾಸ ಪುರಂದರ' ಧಾರಾವಾಹಿಯ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯತೆ ಗಳಿಸಿದ್ದರು. ಇದೀಗ 'ಲಕ್ಷ್ಮೀ ನಿವಾಸ' ಧಾರಾವಾಹಿಯಲ್ಲಿ  ಜಯಂತ್ ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಎಂಜಿನಿಯರ್ ಆಗಿ ಸಾಫ್ಟ್ ವೇರ್ ಕಂಪನಿಯಲ್ಲಿ ಕೆಲಸ ಮಾಡಿರುವ ಇವರಿಗೆ 35 ವರ್ಷದ ಮೇಲಾಗಿದೆ ಎನ್ನಲಾಗಿದೆ. ದೀಪಕ್ ಸುಬ್ರಮಣ್ಯ ಸಾಲಗಾರ, ಜಾರು ಬಂಡೆ, ಪಿಂಕಿ ಎಲ್ಲಿ..?, ಶುದ್ಧಿ, ಆಯಾನಾ, ಸಾರಾಂಶ ಸೇರಿದಂತೆ ಹಲವು ಸಿನಿಮಾಗಳಲ್ಲೂ ಅಭಿನಯಿಸಿದ್ದಾರೆ. 

ಚೆಲುವಿ, ನಾಗಪಂಚಮಿ, ದೇವತೆ, ದಾಸ ಪುರಂದರ ಹಾಗೂ ಲಕ್ಷ್ಮೀ ನಿವಾಸ ಧಾರಾವಾಹಿಗಳಲ್ಲಿ ಅಭಿನಯಿಸಿ ಸೈ ಎನಿಸಿಕೊಂಡಿರುವ ದಿವ್ಯಶ್ರೀ ಗ್ರಾಮ, ಶ್ರೀ ಭಗವಾನ್ ಮಹಾವೀರ್ ಕಾಲೇಜಿನಲ್ಲಿ ಡ್ಯಾನ್ಸಿಂಗ್ ವಿಷಯದಲ್ಲಿ ಎಂಎ ಮಾಡಿದ್ದಾರೆ. ಇವರಿಗೆ 35 ವರ್ಷ ಎನ್ನಲಾಗಿದೆ. 

ಸ್ಯಾಂಡಲ್‌ವುಡ್ ನಟಿ ಶ್ವೇತಾ ಅವರು ಈ ಧಾರಾವಾಹಿಯಲ್ಲಿ  ಲಕ್ಷ್ಮಿ ಪಾತ್ರದಲ್ಲಿ ನಟಿಸುವ ಮೂಲಕ ಕಿರುತೆರೆಗೆ ಕಾಲಿಟ್ಟಿದ್ದಾರೆ. ಬಾಲ ನಟಿಯಾಗಿ ಸಿನಿಮಾರಂಗಕ್ಕೆ ಎಂಟ್ರಿಕೊಟ್ಟ ಶ್ವೇತಾ ಅವರಿಗೆ ವಿನೂದಿನಿ, ವಿನೂತನಿ, ಬೇಬಿ ಲಕ್ಷ್ಮೀ ಎಂಬ ಹೆಸರುಗಳೂ ಕೂಡ ಇವೆ. ಕರ್ಪೂರದ ಗೊಂಬೆ, ಚೈತ್ರದ ಪ್ರೇಮಾಂಜಲಿ ಸೇರಿದಂತೆ ಸಾಕಷ್ಟು ಸಿನಿಮಾಗಳಲ್ಲಿ ನಟಿಸಿರುವ ಇವರಿಗೆ 40 ವರ್ಷ ಮೇಲ್ಪಟ್ಟಾಗಿದೆ. ಇವರು ದೂರ ಶಿಕ್ಷಣದ ಮೂಲಕ ಪಿಯುಸಿವರೆಗೆ ಓದಿದ್ದಾರೆ.