ಕವಿತೆ to ಸಿಂಗಾರ ಸಿರಿ: ನೀವು ಕೇಳಲೇಬೇಕಾದ ವಿಜಯ್ ಪ್ರಕಾಶ್ ಹಾಡಿರುವ ಸೂಪರ್ ಹಿಟ್ ಹಾಡುಗಳಿವು!

Author Sowmya Bairappa | Updated: Wednesday, February 21, 2024, 11:33 AM [IST]

ಕನ್ನಡ ಖ್ಯಾತ ಗಾಯಕ, ಸಂಗೀತ ಸಂಯೋಜಕ ವಿಜಯ್ ಪ್ರಕಾಶ್ ತಮ್ಮ ಕಂಚಿನ ಕಂಠದ ಮೂಲಕ ನೂರಾರು ಹಾಡುಗಳಿಗೆ ಧ್ವನಿಯಾಗಿದ್ದಾರೆ. ಮೈಸೂರಿನಲ್ಲಿ ಜನಿಸಿದ ವಿಜಯ್ ಪ್ರಕಾಶ್, ಕನ್ನಡ ಮಾತ್ರವಲ್ಲದೆ ಬೇರೆ-ಬೇರೆ ಭಾಷೆಯ ಹಾಡುಗಳಿಗೂ ಧ್ವನಿಯಾಗಿದ್ದಾರೆ. ತಮಿಳು, ತೆಲುಗು, ಹಿಂದಿ, ಮರಾಠಿ ಸೇರಿದಂತೆ ಅನೇಕ ಭಾಷೆಯಲ್ಲಿ ಸೂಪರ್ ಹಿಟ್ ಗೀತೆಗಳ ಮೂಲಕ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ. 'ಜೈ ಹೋ' ಹಾಡಿನ ಮೂಲಕ ಭಾರತದಾದ್ಯಂತ ಗುರುತಿಸಿಕೊಂಡಿರುವ ವಿಜಯ್ ಪ್ರಕಾಶ್, ಕನ್ನಡದಲ್ಲಿ ಮೊದಲ ಹಾಡಿದ ಹಾಡು ಗಾಳಿಪಟ ಸಿನಿಮಾದ ಕವಿತೆ ಕವಿತೆ. ಆ ಬಳಿಕ ಕನ್ನಡದಲ್ಲಿ ಹಲವಾರು ಸೂಪರ್ ಹಿಟ್ ಹಾಡುಗಳಿಗೆ ಧ್ವನಿಯಾಗಿದ್ದಾರೆ.

Table of content

ಗಾಳಿಪಟ - 'ಕವಿತೆ, ಕವಿತೆ'

ವಿಜಯ್ ಪ್ರಕಾಶ್ ಕನ್ನಡದಲ್ಲಿ ಮೊದಲು ಹಾಡಿದ ಹಾಡು ಗಾಳಿಪಟ ಚಿತ್ರದ 'ಕವಿತೆ, ಕವಿತೆ'. ವಿ ಹರಿಕೃಷ್ಣ ಸಂಗೀತ ನೀಡಿದ್ದು, ಈ ಹಾಡು ಹಿಟ್ ಆಗಿತ್ತು.

ಹೆಚ್ಚು ಓದಿ

ರಾಜಕುಮಾರ - 'ಬೊಂಬೆ ಹೇಳುತೈತೆ, ಮತ್ತೆ ಹೇಳುತೈತೆ'

ಕನ್ನಡ ಕಣ್ಮಣಿ, ಡಾ.ಪುನೀತ್ ರಾಜ್ ಕುಮಾರ್ ಅಭಿನಯದ 'ರಾಜಕುಮಾರ' ಸಿನಿಮಾದ 'ಬೊಂಬೆ ಹೇಳುತೈತೆ, ಮತ್ತೆ ಹೇಳುತೈತೆ' ಕನ್ನಡಿಗರಿಗೆ ಬಹಳ ಇಷ್ಟವಾದ ಹಾಡು. ಈ ಹಾಡನ್ನು ಹಾಡಿದ್ದು ವಿಜಯ್ ಪ್ರಕಾಶ್. ಸಂತೋಷ್ ಆನಂದ್ ರಾಮ್ ಬರೆದ ಈ ಹಾಡಿಗೆ ವಿ ಹರಿಕೃಷ್ಣ ಸಂಗೀತ ನೀಡಿದ್ದರು. ರಾಜಕುಮಾರ ಸಿನಿಮಾ ಸೂಪರ್ ಹಿಟ್ ಆಗುವುದರ ಜೊತೆಗೆ ಈ ಹಾಡು ಕೂಡ ಎಲ್ಲರ ಫೆವರಿಟ್ ಆಗಿದೆ.

ಹೆಚ್ಚು ಓದಿ

ಕಾಂತಾರ - 'ಸಿಂಗಾರ ಸಿರಿಯೇ'

ರಿಷಬ್ ಶೆಟ್ಟಿ ನಿರ್ದೇಶಿಸಿ ನಟಿಸಿರುವ 'ಕಾಂತಾರ' ಚಿತ್ರ ಕನ್ನಡ ಚಿತ್ರರಂಗದಲ್ಲಿ ಹೊಸ ಇತಿಹಾಸ ಸೃಷ್ಟಿಸಿತ್ತು. ನಿರೀಕ್ಷೆಗೂ ಮೀರಿ ಅದ್ಭುತ ಯಶಸ್ಸುಗಳಿಸಿರುವ 'ಕಾಂತಾರ' ಚಿತ್ರ ಬಾಕ್ಸ್‌ ಆಫೀಸ್‌ನಲ್ಲೂ ಸಖತ್ ಸದ್ದು ಮಾಡಿತ್ತು. ಈ ಸಿನಿಮಾದ ವಿಜಯ್ ಪ್ರಕಾಶ್ ಕಂಠದಲ್ಲಿ ಮೂಡಿಬಂದ 'ಸಿಂಗಾರ ಸಿರಿಯೇ' ಹಾಡು ಸಖತ್ ಟ್ರೆಂಡ್ ಆಗಿತ್ತು. ಈ ಹಾಡಿಗೆ ಅಜನೀಶ್ ಲೋಕನಾಥ್ ಸಂಗೀತ ನೀಡಿದ್ದರು.

ಹೆಚ್ಚು ಓದಿ

ಕಿರಿಕ್ ಪಾರ್ಟಿ - 'ಬೆಳಗೆದ್ದು ಯಾರ ಮುಖವ'

ಕಿರಿಕ್ ಪಾರ್ಟಿ ಸಿನಿಮಾದ 'ಬೆಳಗೆದ್ದು ಯಾರ ಮುಖವ ನಾನು ನೋಡಿದೆ' ಹಾಡು ಸಖತ್ ಹಿಟ್ ಆಗಿತ್ತು. ವಿಜಯ್ ಪ್ರಕಾಶ್ ಗಾಯನ ಈ ಹಾಡಿಗೆ ಬಿ ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿದ್ದರು.

ಹೆಚ್ಚು ಓದಿ

ಉಳಿದವರು ಕಂಡಂತೆ - 'ಘಾಟಿಯ ಇಳಿದು'

ಉಳಿದವರು ಕಂಡಂತೆ ಸಿನಿಮಾದ 'ಘಾಟಿಯ ಇಳಿದು' ಹಾಡು ಸಾಮಾಜಿಕ ಜಾಲತಾಣಗಳಲ್ಲಿ ಹೊಸ ಕಿಚ್ಚು ಎಬ್ಬಿಸಿತ್ತು. ಈ ಹಾಡಿನ ಅಯ್ಯೋಯ್ಯೋ ನಗ್ತವಳಲ್ಲೋ ಸಾಲು ಸಖತ್ ಹಿಟ್ ಆಗಿತ್ತು. ವಿಜಯ್ ಪ್ರಕಾಶ್ ಗಾಯನ ಈ ಹಾಡಿಗೆ ಬಿ ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿದ್ದರು.

ಹೆಚ್ಚು ಓದಿ

ವಿಕ್ಟರಿ - 'ಖಾಲಿ ಕ್ವಾಟರ್'

ಶರಣ್ ಅಭಿನಯದ ವಿಕ್ಟರಿ ಸಿನಿಮಾ 2013ರಲ್ಲಿ ತೆರೆಕಂಡಿತ್ತು. ಈ ಚಿತ್ರಕ್ಕೆ ಅರ್ಜುನ ಜನ್ಯ ಸಂಗೀತ ನೀಡಿದ್ದು, ವಿಜಯ್ ಪ್ರಕಾಶ್ ಧ್ವನಿಯಲ್ಲಿ ಮೂಡಿಬಂದ 'ಖಾಲಿ ಕ್ವಾಟರ್' ಗೀತೆ ಕುಡುಕರ ಹಾಟ್ ಫೇವರೇಟ್ ಆಗಿತ್ತು. ಈ ಹಾಡು ಯೋಗರಾಜ್ ಭಟ್ ಸಾಹಿತ್ಯದಲ್ಲಿ ಮೂಡಿಬಂದಿತ್ತು.

ಹೆಚ್ಚು ಓದಿ

ಅಯೋಗ್ಯ - 'ಏನಮ್ಮಿ ಏನಮ್ಮಿ'

ರಚಿತಾ ರಾಮ್ ಮತ್ತು ಸತೀಶ್ ನೀನಾಸಂ ಅಭಿನಯದ 'ಅಯೋಗ್ಯ' ಸಿನಿಮಾದ 'ಏನಮ್ಮಿ ಏನಮ್ಮಿ' ಹಾಡು ಸೂಪರ್ ಹಿಟ್ ಆಗಿತ್ತು. ಈ ಹಾಡು ಯೂಟ್ಯೂಬ್ ನಲ್ಲಿ ೧೦೭ ಮಿಲಿಯನ್ ವೀಕ್ಷಣೆ ಪಡೆದಿದೆ. ಈ ಹಾಡಿಗೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದು, ಚೇತನ್ ಕುಮಾರ್ ಸಾಹಿತ್ಯದಲ್ಲಿ ಮೂಡಿಬಂದಿತ್ತು.

ಹೆಚ್ಚು ಓದಿ

- 'ನಾವ್ ಮನೆಗೋಗೋದಿಲ್ಲ'

ಯೋಗರಾಜ್ ಭಟ್ ಸಾಹಿತ್ಯದಲ್ಲಿ ಮೂಡಿಬಂದ ವಿಕ್ಟರಿ 2 ಸಿನಿಮಾದ 'ನಾವ್ ಮನೆಗೋಗೋದಿಲ್ಲ' ಹಾಡು ಸಖತ್ ವೈರಲ್ ಆಗಿತ್ತು. ಈ ಹಾಡಿಗೆ ಅರ್ಜುನ್ ಜನ್ಯ ಮ್ಯೂಸಿಕ್ ಕಂಪೋಸ್ ಮಾಡಿದ್ದು, ವಿಜಯ್ ಪ್ರಕಾಶ್ ಕಂಠದಲ್ಲಿ ಮೂಡಿಬಂದಿತ್ತು.

ಯುವರತ್ನ - 'ಪಾಠಶಾಲಾ'

ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಟನೆಯ 'ಯುವರತ್ನ' ಸಿನಿಮಾದ 'ಪಾಠಶಾಲಾ' ಸಖತ್ ಹಿಟ್ ಆಗಿತ್ತು. ಈ ಹಾಡಿಗೆ ಸಂತೋಷ್ ಆನಂದ್ ರಾಮನ್ ಸಾಹಿತ್ಯ ಬರೆದಿದ್ದು, ವಿಜಯ್ ಪ್ರಕಾಶ್ ಧ್ವನಿಯಲ್ಲಿ ಮೂಡಿಬಂದಿತ್ತು.

ಹೆಚ್ಚು ಓದಿ