ಅಮೃತಧಾರೆ ಸೀರಿಯಲ್‌ನ ಜೈದೇವ್ ಪಾತ್ರಧಾರಿ ಕುರಿತ ಇಂಟರೆಸ್ಟಿಂಗ್ ವಿಷಯಗಳಿವು!

ಅಮೃತಧಾರೆಯಲ್ಲಿ ಜೈದೇವ್ ಪಾತ್ರ ಮಾಡುತ್ತಿರುವ ನಟನ ನಿಜವಾದ ಹೆಸರು ರಾಣವ್ ಗೌಡ. ಬಾಲನಟನಾಗಿ ಕನ್ನಡ ಕಿರುತೆರೆಗೆ ಎಂಟ್ರಿಕೊಟ್ಟ ಇವರು, ಆರನೇ ತರಗತಿ ವಿದ್ಯಾರ್ಥಿಯಾಗಿದ್ದಾಗ ಸುಧಾರಾಣಿ ಅವರೊಂದಿಗೆ 'ತುಳಸಿ' ಎಂಬ ಸೀರಿಯಲ್‌ನಲ್ಲಿ ನಟಿಸಿದ್ದರು. ಆಗಿನಿಂದ ರಾಣವ್‌ಗೆ ನಟನೆ ಮೇಲೆ ಆಸಕ್ತಿ ಬೆಳೆಯಿತು.

ರಾಣವ್ ಅವರಿಗೆ ಪಠ್ಯಕ್ಕಿಂತಲೂ ಪಠ್ಯೇತರ ವಿಷಯದಲ್ಲಿ ಒಲವಿತ್ತು. ಹೀಗಾಗಿ ಇಂಜಿನಿಯರಿಂಗ್ ಸೇರಿದ್ದರೂ, ಅದನ್ನು ಅರ್ಧಕ್ಕೆ ಬಿಟ್ಟರು. ನಂತರ ಉದಯ ವಾಹಿನಿಯಲ್ಲಿ ಪ್ರಸಾರವಾಗ್ತಿದ್ದ 'ಅರಮನೆ' ಸೀರಿಯಲ್‌ನಲ್ಲಿ ನಾಯಕನ ಫ್ರೆಂಡ್ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಮೂಲಕ ಕಿರುತೆರೆಯಲ್ಲಿ ಸೆಕೆಂಡ್ ಇನ್ನಿಂಗ್ಸ್ ಶುರು ಮಾಡಿದರು. ನಂತರ ಬಿ.ಸುರೇಶ್ ಅವರ 'ಜೀವನದಿ' ಧಾರಾವಾಹಿಯಲ್ಲಿ ಖಳನಾಯಕನ ಮಗನ ಸ್ನೇಹಿತನಾಗಿ ನಟಿಸಿ ಸೈ ಎನಿಸಿಕೊಂಡರು.

ಆನಂತರ ಕಸ್ತೂರಿ ಟಿವಿಯಲ್ಲಿ ಪ್ರಸಾರವಾಗ್ತಿದ್ದ 'ರಾಜಕುಮಾರಿ' ಸೀರಿಯಲ್‌ನಲ್ಲಿ ಎರಡನೇ ನಾಯಕನಾಗಿ ರಾಣವ್ ಗೌಡ ನಟಿಸಿದ್ದರು. ಬಳಿಕ ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾದ ವರಲಕ್ಷ್ಮೀ  ಸ್ಟೋರ್ಸ್, ಮತ್ತೆ ವಸಂತ ಧಾರಾವಾಹಿಗಳಲ್ಲಿ ನಟಿಸಿದರು. ಆ ನಂತರ ಜೀ ವಾಹಿನಿಯ ಕಮಲಿ ಸೀರಿಯಲ್‌ನಲ್ಲಿ ಅಂಬಿ ಅಣ್ಣ ಅಮರ್ ಎಂಬ ಪಾತ್ರಕ್ಕೆ ನಟಿಸಿದ್ದರು. ಈ ಪಾತ್ರ ಜನರಿಗೆ ಇಷ್ಟವಾಗಿತ್ತು.

ರಾಣವ್ ಗೌಡ ಕಿರುತೆರೆ ಮಾತ್ರವಲ್ಲದೇ, ಬೆಳ್ಳಿತೆರೆಯಲ್ಲೂ ಮಿಂಚಿದ್ದಾರೆ. ಶ್ರೀಕಂಠ, ಮತ್ತೆ ಬಾ ಉಪೇಂದ್ರ, ವಿರಾಟ್ ಸಿನಿಮಾಗಳಲ್ಲಿಯೂ ಇವರು ಅಭಿನಯಿಸಿದ್ದಾರೆ. ಸದ್ಯ ಜೈದೇವ್ ಪಾತ್ರದ ಮೂಲಕ ಕರ್ನಾಟಕದ ಮನೆಮಾತಾಗಿದ್ದಾರೆ.