ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸಿದ 'ಕಾಟೇರ': ಮೂರನೇ ದಿನದ ಕಲೆಕ್ಷನ್ ವಿವರ ಇಲ್ಲಿದೆ.

ಮೊದಲ ದಿನ ಬಹುತೇಕ ಶೋಗಳು ಆಗಿದ್ದವು. ಹೀಗಾಗಿ, ದರ್ಶನ್ ಸಿನಿಮಾ ಮೊದಲ ದಿನ ಗಲ್ಲಾಪೆಟ್ಟಿಯಲ್ಲಿ ಉತ್ತಮ ಗಳಿಕೆ ಕಂಡಿತ್ತು. ಕಾಟೇರ ಸಿನಿಮಾ ಮೊದಲ ದಿನ ಕರ್ನಾಟಕದ ಬಾಕ್ಸಾಫೀಸ್‌ನಲ್ಲಿ 19 ಕೋಟಿ 79 ಲಕ್ಷ ರೂಪಾಯಿ ಗಳಿಕೆ ಮಾಡಿದ್ದು, ಈ ಮೂಲಕ ಹಲವು ದಾಖಲೆಗಳನ್ನು ಮುರಿದಿತ್ತು.  

ಕಾಟೇರ ಸಿನಿಮಾ ಎರಡನೇ ದಿನದಂದು (ಶನಿವಾರ) 17 ಕೋಟಿ 35 ಲಕ್ಷ ಕಲೆಕ್ಷನ್ ಮಾಡಿತ್ತು. ತರುಣ್ ಸುಧೀರ್ ನಿರ್ದೇಶನ, ದರ್ಶನ್ ಪರ್ಫಾರ್ಮನ್ಸ್, ಮಾಸ್ತಿ ಡೈಲಾಗ್ಸ್ ಎಲ್ಲವೂ ಸಿನಿಮಾ ಸಿನಿಮಾ ತೆರೆಮೇಲೆ ಜಾದೂ ಮಾಡಿದ್ದು, 3 ಗಂಟೆಯ ಸುದೀರ್ಘ ಚಿತ್ರವನ್ನು ಕೂಡ ಕನ್ನಡಿಗರು ಅಪ್ಪಿಕೊಂಡಿದ್ದಾರೆ. 

'ಕಾಟೇರ' ಸಿನಿಮಾ ಎಲ್ಲಾ ವಿಭಾಗಗಳಲ್ಲೂ ಬೆಸ್ಟ್ ಎನಿಸಿಕೊಂಡಿದೆ. ಅದೇ ಕಾರಣಕ್ಕೆ ಪ್ರೇಕ್ಷಕರು ಸಿನಿಮಾ ನೋಡಲು ಮುಗಿಬಿದ್ದಿದ್ದಾರೆ. ಬರೀ ಕರ್ನಾಟಕದಲ್ಲಿ ಮಾತ್ರವಲ್ಲ ಅಕ್ಕಪಕ್ಕದ ರಾಜ್ಯಗಳಲ್ಲೂ ಚಿತ್ರಕ್ಕೆ ಒಳ್ಳೆ ರೆಸ್ಪಾನ್ಸ್ ಸಿಗುತ್ತಿದೆ. ಕಾಟೇರ ಮೂರನೇ ದಿನ ಕರ್ನಾಟಕದಲ್ಲಿ 20 ಕೋಟಿ 94 ಲಕ್ಷ ಕಲೆಕ್ಷನ್ ಮಾಡಿದೆ. ಕರುನಾಡಿನಲ್ಲಿ ಕಾಟೇರನ ಅಬ್ಬರ ಸಖತ್ ಜೋರಾಗಿದ್ದು, ಮುಂದಿನ ದಿನಗಳಲ್ಲಿ ಗಲ್ಲಾ ಪೆಟ್ಟಿಗೆಯಲ್ಲಿ ಮತ್ತಷ್ಟು ಬಾಚಿಕೊಳ್ಳುವ ನಿರೀಕ್ಷೆಯಿದೆ.

ದರ್ಶನ್ ಇತ್ತೀಚೆಗೆ ರೆಗ್ಯೂಲರ್ ಕಮರ್ಷಿಯಲ್ ಸಿನಿಮಾಗಳನ್ನು ಪಕ್ಕಕ್ಕಿಟ್ಟು ಒಂದೊಳ್ಳೆ ಸಂದೇಶ ಸಾರುವ ಸಿನಿಮಾಗಳಲ್ಲಿ ನಟಿಸುತ್ತಾ ಬರುತ್ತಿದ್ದಾರೆ. 'ಯಜಮಾನ' ಚಿತ್ರದಲ್ಲಿ ಎಣ್ಣೆ ಗಾಣ, 'ಕ್ರಾಂತಿ' ಚಿತ್ರದಲ್ಲಿ ಸರ್ಕಾರಿ ಶಾಲೆಗಳ ಕಥೆ ಇತ್ತು. 'ಕಾಟೇರ' ಚಿತ್ರದಲ್ಲಿ ಹಳ್ಳಿಗಳ, ರೈತರ ನೋವು ನಲಿವಿನ ಕಥೆ ಇದೆ. ಜೊತೆಗೆ ಉಳ್ಳವರ, ಇಲ್ಲದವರ ನಡುವಿನ ಸಂಘರ್ಷವಿದೆ. ಇದು ಸಿನಿರಸಿಕರ ಗೆದ್ದಿದ್ದು, ಕಾಟೇರ ಮೂರು ದಿನಗಳಲ್ಲಿ ಬರೋಬ್ಬರಿ  58 ಕೊಟಿ 8 ಲಕ್ಷ ಕಲೆಕ್ಷನ್ ಮಾಡಿದೆ. 

ತರುಣ್ ಸುಧೀರ್ ಹಾಗೂ ದರ್ಶನ್ ಕಾಂಬಿನೇಷನ್‌ನ ಕಾಟೇರ ಸಿನಿಮಾ ಟಿಕಿಟ್ ಬುಕ್ಕಿಂಗ್ ಆಪ್ ಬುಕ್‌ ಮೈ ಶೋನಲ್ಲಿ 9.5 ರೇಟಿಂಗ್ಸ್ ಪಡೆದುಕೊಂಡಿದೆ. ಐಎಂಡಿಬಿಯಲ್ಲಿ  8.2  ರೇಟಿಂಗ್ಸ್ ಪಡೆದುಕೊಂಡಿತ್ತು. ಕಾಟೇರ ಸಿನಿಮಾ ಅಡ್ವಾನ್ಸ್ ಟಿಕೆಟ್‌ ಬುಕ್ಕಿಂಗ್‌ನಲ್ಲಿಯೇ ಕೋಟಿ ರೂಪಾಯಿ ಗಳಿಸಿತ್ತು. ಒಂದೊಮ್ಮ ಈ ಚಿತ್ರ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆಯಾಗಿದ್ದರೆ ಇನ್ನೂ ಹೆಚ್ಚಿನ ಹೆಚ್ಚಿನ ಗಳಿಕೆ ಕಾಣುತ್ತಿತ್ತು.