ಐಷಾರಾಮಿ ಕಾರುಗಳನ್ನು ಹೊಂದಿರುವ ಕನ್ನಡ ಕಿರುತೆರೆ ನಟ-ನಟಿಯರಿವರು!

ನಟ ಶಮಂತ್ ಗೌಡ 'ಲಕ್ಷ್ಮೀ ಬಾರಮ್ಮ' ಸೀರಿಯಲ್ ಮೂಲಕ ಅಪಾರ ಜನಪ್ರಿಯತೆ ಗಳಿಸಿದ್ದಾರೆ. ಬಿಗ್‌ಬಾಸ್‌ ಕನ್ನಡ ಸೀಸನ್ ೮ರಲ್ಲಿಯೂ ಭಾಗವಹಿಸಿದ್ದ ಶಮಂತ್, ದೊಡ್ಮನೆಯಿಂದ ಹೊರಬಂದ ಮೇಲೆ BMW ಕಂಪೆನಿಯ 525D ಕಾರನ್ನು ಖರೀದಿಸಿದ್ದರು. ಶಮಂತ್ ಹೊಸ ಕಾರನ್ನು ಸ್ಯಾಂಡಲ್‍ವುಡ್ ನಟ ಕಿಚ್ಚ ಸುದೀಪ್ ಅವರು ರೈಡ್ ಮಾಡಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿತ್ತು. ಅಂದ್ಹಾಗೆ ಈ ಕಾರಿನ ಬೆಲೆ 40 ಲಕ್ಷ. 

ಬಿಗ್‌ಬಾಸ್‌ ಕನ್ನಡ ಸೀಸನ್ 7ರ ವಿನ್ನರ್, ಕಿರುತೆರೆ ನಟ ಮತ್ತು ನಿರೂಪಕ  ಶೈನ್ ಶೆಟ್ಟಿ  ನೀಲಿ ಬಣ್ಣದ ಬಿಎಂಡಬ್ಲ್ಯೂ ಕಾರು ಹೊಂದಿದ್ದಾರೆ.  ಶೈನ್ ಶೆಟ್ಟಿ ಬಿಗ್‌ಬಾಸ್‌ನಲ್ಲಿ ಅದ್ಭುತವಾಗಿ ಆಟವಾಡುವ ಮೂಲಕ ಪ್ರೇಕ್ಷಕರ ಮನಗೆದ್ದು,  'ಬಿಗ್ ಬಾಸ್-7' ಟ್ರೋಫಿಯನ್ನು ತಮ್ಮದಾಗಿಸಿಕೊಂಡಿದ್ದರು. ಬಿಗ್ ಸ್ಪರ್ಧೆಯ 50 ಲಕ್ಷ ಹಣದ ಜೊತೆ ಕಾರನ್ನು ಸಹ ಗಿಫ್ಟ್ ಆಗಿ ಪಡೆದಿದ್ದರು. ಸದ್ಯ ಅವರು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ಅವರ ಜಸ್ಟ್ ಮ್ಯಾರೀಡ್ ಸಿನಿಮಾ ರಿಲೀಸ್‌ಗೆ ರೆಡಿಯಿದೆ.

ಕನ್ನಡ ಕಿರುತೆರೆಯ ಜನಪ್ರಿಯ ನಿರೂಪಕಿ ಹಾಗೂ ನಟಿ ಅನುಪಮಾ ಗೌಡ, 2022ರಲ್ಲಿ ಕೆಂಪು ಬಣ್ಣದ ಥಾರ್ ಖರೀದಿ ಮಾಡಿದ್ದರು. ಈ ಕಾರು ಹೆಚ್ಚಿನ ಮೈಲೇಜ್ ನೀಡದ ಕಾರದಿಂದಾಗಿ 2024ರಲ್ಲಿ ಅದನ್ನು ಮಾರಿ ಐಷಾರಾಮಿ ಬೆಂಜ್ ಕಾರನ್ನು ಖರೀದಿ ಮಾಡಿರುವುದಾಗಿ ತಿಳಿಸಿದ್ದರು. 

ಬಿಗ್‌ಬಾಸ್‌ ಕನ್ನಡ ಸೀಸನ್ 10ರಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿದ್ದ  ರಕ್ಷಕ್ ಬುಲೆಟ್, ಬಿಗ್‌ಬಾಸ್‌ನಿಂದ ಹೊರಬಂದ ಮೇಲೆ ಬಿಎಂಡಬ್ಬ್ಯೂ ಕಾರು ಖರೀದಿಸಿದ್ದರು. ಇದರ ಆರಂಭಿಕ ಬೆಲೆ 40 ಲಕ್ಷ ರೂಪಾಯಿಂದ 2 ಕೋಟಿ ರೂಪಾಯಿವರೆಗೆ ಇದೆ. ಇದನ್ನು ನೋಡಿದ ಹಲವರು, ಮಾಡಿದ್ದು ಒಂದೇ ಸಿನಿಮಾ ಇಷ್ಟೊಂದು ದುಬಾರಿ ಬೆಲೆಯ ಬಿಎಂಡಬ್ಬ್ಯೂ ಕಾರು ಖರೀದಿಸಲು ಹಣ ಎಲ್ಲಿಂದ ಬಂತು ಅಂತ ಪ್ರಶ್ನಿಸಿದ್ದರು. ಅಂದ್ಹಾಗೆ, ರಕ್ಷಕ್ ತಮ್ಮ ಅಕ್ಕನ ಮದುವೆ ಸಂದರ್ಭದಲ್ಲಿ ಮಹೀಂದ್ರಾ ಥಾರ್ ಖರೀದಿ ಮಾಡಿದ್ದರು. ಅದರ ಬೆನ್ನಲ್ಲೇ ಬಿಎಂಡಬ್ಬ್ಯೂ ಕಾರು ಖರೀದಿಸಿ ಎಲ್ಲರೂ ಹುಬ್ಬೇರಿಸುವಂತೆ ಮಾಡಿದ್ದರು. 

ಬಿಗ್ ಬಾಸ್ ಕನ್ನಡ ಸೀಸನ್ 7ರಲ್ಲಿ ಭಾಗವಹಿಸಿದ್ದ ಚೈತ್ರಾ ವಾಸುದೇವನ್, ಬಿಗ್‌ಬಾಸ್ ಮನೆಯಿಂದ ಹೊರಬಂದ ಬಳಿಕ ಐಷಾರಾಮಿ ರೇಂಜ್ ರೋವರ್ ಇವೋಕ್ ಎಸ್‍ಯುವಿಯನ್ನು ಖರೀದಿಸಿದ್ದರು. ರೇಂಜ್ ರೋವರ್ ಇವೋಕ್ ಭಾರತೀಯ ಮಾರುಕಟ್ಟೆಯಲ್ಲಿ ಜನಪ್ರಿಯ ಎಸ್‍ಯುವಿಗಳಲ್ಲಿ ಒಂದಾಗಿದೆ. ಇವರಿಗೆ ಈವೆಂಟ್ ಮ್ಯಾನೇಜ್‌ಮೆಂಟ್ ಕಂಪನಿ ಹಾಗೂ ನಿರೂಪಣೆಯಿಂದಲೂ ಸಿಕ್ಕಾಪಟ್ಟೆ ಆದಾಯವಿದೆ.

'ಕನ್ನಡತಿ' ಧಾರಾವಾಹಿ ಮೂಲಕ ಕಿರುತೆರೆ ಪ್ರೇಕ್ಷಕರ ನೆಚ್ಚಿನ ನಟ ಎನಿಸಿಕೊಂಡಿರುವ ಕಿರಣ್ ರಾಜ್ ಅವರಿಗೆ  ಬೈಕ್ ಮತ್ತು ಕಾರಿನ ಮೇಲೆ  ಸಿಕ್ಕಾಪಟ್ಟೆ ಒಲವಿದೆ. ಇವರು ಕಪ್ಪು ಬಣ್ಣದ ಮರ್ಸಿಡೀಸ್ ಬೆಂಜ್ ಕಾರನ್ನು ಹೊಂದಿದ್ದಾರೆ. ಸದ್ಯ ಕರ್ಣ ಧಾರಾವಾಹಿ ಮೂಲಕ ಕಂಬ್ಯಾಕ್ ಮಾಡಲು ರೆಡಿಯಾಗಿರುವ ಇವರು, ಸಿನಿಮಾಗಳಲ್ಲೂ ಅಭಿನಯಿಸುತ್ತಿದ್ದಾರೆ. 

ಗಟ್ಟಿಮೇಳ ಧಾರಾವಾಹಿ ಖ್ಯಾತಿಯ ನಟ ರಕ್ಷ್‌ ಕೂಡ ದುಬಾರಿ ಕಾರು ಹೊಂದಿದ್ದಾರೆ. ರಕ್ಷ್ ಬಳಿಯಿರುವುದು ಆಡಿ ಎ5 ಸ್ಪೋರ್ಟ್. ಇದರ ಬೆಲೆ 60 ಲಕ್ಷ ರೂಪಾಯಿ ಎನ್ನಲಾಗಿದೆ. ಸದ್ಯ ಅವರು ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದಾರೆ. 

ಗಟ್ಟಿಮೇಳ ಧಾರಾವಾಹಿ ಖ್ಯಾತಿಯ ನಟ ರಕ್ಷ್‌ ಕೂಡ ದುಬಾರಿ ಕಾರು ಹೊಂದಿದ್ದಾರೆ. ರಕ್ಷ್ ಬಳಿಯಿರುವುದು ಆಡಿ ಎ5 ಸ್ಪೋರ್ಟ್. ಇದರ ಬೆಲೆ 60 ಲಕ್ಷ ರೂಪಾಯಿ ಎನ್ನಲಾಗಿದೆ. ಸದ್ಯ ಅವರು ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದಾರೆ. 

ಗಟ್ಟಿಮೇಳ ಧಾರಾವಾಹಿ ಖ್ಯಾತಿಯ ನಟ ರಕ್ಷ್‌ ಕೂಡ ದುಬಾರಿ ಕಾರು ಹೊಂದಿದ್ದಾರೆ. ರಕ್ಷ್ ಬಳಿಯಿರುವುದು ಆಡಿ ಎ5 ಸ್ಪೋರ್ಟ್. ಇದರ ಬೆಲೆ 60 ಲಕ್ಷ ರೂಪಾಯಿ ಎನ್ನಲಾಗಿದೆ. ಸದ್ಯ ಅವರು ಸಿನಿಮಾಗಳಲ್ಲಿ ಅಭಿನಯಿಸುತ್ತಿದ್ದಾರೆ. 

ಕಿರುತೆರೆ ಹಾಗೂ ಸಿನಿಮಾಗಳಲ್ಲಿ ಮಿಂಚುತ್ತಿರುವ ನಟ ಚಂದು ಗೌಡ ಆಡಿ ಕ್ಯೂ 7 ಕಾರನ್ನು ಖರೀದಿಸಿದ್ದು, ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಫೋಟೋಗಳನ್ನು ಹಂಚಿಕೊಂಡಿದ್ದರು. ಲಕ್ಷ್ಮೀ ಬಾರಮ್ಮ ಧಾರಾವಾಹಿ ಮೂಲಕ ಸಿಕ್ಕಾಪಟ್ಟೆ ಜನಪ್ರಿಯ ಪಡೆದ ಇವರು, ಸದ್ಯ ಪರಭಾಷಾ ಧಾರಾವಾಹಿಗಳಲ್ಲೂ ನಟಿಸುತ್ತಿದ್ದಾರೆ.