ನಿನಗಾಗಿ ಧಾರಾವಾಹಿ ಕಲಾವಿದರ ನಿಜವಾದ ಹೆಸರು, ವಯಸ್ಸು, ವಿದ್ಯಾರ್ಹತೆ ಸೇರಿದಂತೆ ಇತರ ಮಾಹಿತಿ ಇಲ್ಲಿದೆ.

ಕನ್ನಡ ಕಿರುತೆರೆ, ಹಿರಿತೆರೆ ಹಾಗೂ ರಿಯಾಲಿಟಿ ಶೋಗಳಿಂದ ಜನಪ್ರಿಯತೆ ಪಡೆದಿರಯವ ದಿವ್ಯಾ ಉರುಡುಗ, ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ 'ನಿನಗಾಗಿ ಸೀರಿಯಲ್‌ನಲ್ಲಿ ಲೇಡಿ ಸೂಪರ್ ಸ್ಟಾರ್ ರಚ್ಚು ಪಾತ್ರ ಮಾಡುತ್ತಿದ್ದಾರೆ. ಈ ನಟಿಗೆ ಈಗ ೩೪ ವರ್ಷ. ದಿವ್ಯಾ 1990ರ ಜನವರಿ 16ರಂದು ಶಿವಮೊಗ್ಗ ಜಿಲ್ಲೆಯ ತೀರ್ಥಹಳ್ಳಿಯ ಉರುಡುಗ ಗ್ರಾಮದಲ್ಲಿ ಜನಿಸಿದರು. ಬಿಎಸ್‌ಸಿ ಓದಿರುವ ಇವರು, ಈ ಹಿಂದೆ ಚಿಟ್ಟೆ ಹೆಜ್ಜೆ, ಓಂ ಶಕ್ತಿ ಓಂ ಶಾಂತಿ, ಅಂಬಾರಿ, ಖುಷಿ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ. ಜೊತೆಗೆ ಹುಲಿರಾಯ, ಗಿರ್ಕಿ, ಧ್ವಜ, ಫೇಸ್ ಟು ಫೇಸ್, ಜೋರು, ರಾಂಚಿ, ಅರ್ಧಂಬರ್ಧ ಪ್ರೇಮಕಥೆ ಸಿನಿಮಾಗಳಲ್ಲಿ ನಟಿಸಿದ್ದಾರೆ.

ನಟ ರಿತ್ವಿಕ್ ಮಠದ್ 'ನಿನಗಾಗಿ' ಧಾರಾವಾಹಿಯಲ್ಲಿ ಒಂದು ಪುಟಾಣಿ ಹೆಣ್ಣು ಮಗುವಿನ ತಂದೆಯಾಗಿ ಕಾಣಿಸಿಕೊಂಡಿದ್ದಾರೆ. ಇವರಿಗೆ ಈಗ 35 ವರ್ಷ. ಮೂಲತಃ ದಾವಣಗೆರೆಯವರಾದ ಇವರು ಬೆಳೆದದ್ದು ಬೆಳಗಾವಿಯಲ್ಲಿ. ಎಂಎನ್‌ಸಿ ಕಂಪನಿಯೊಂದರಲ್ಲಿ ಕೆಲಸ ಮಾಡ್ತಿದ್ದ ಇವರು, 'ಅನುರೂಪ' ಧಾರಾವಾಹಿ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಅದರೆ, ರಿತ್ವಿಕ್‌ಗೆ ಜನಪ್ರಿಯತೆ ತಂದುಕೊಟ್ಟಿದ್ದು 'ಗಿಣಿರಾಮ' ಸೀರಿಯಲ್. ಇವರು ಧಾರಾವಾಹಿ ಜೊತೆಗೆ ಯುವ ಸಾಮ್ರಾಟ್, ಶಂಭು ಮಹಾದೇವ ಮುಂತಾದ ಸಿನಿಮಾಗಳಲ್ಲಿ ಸಣ್ಣ-ಪುಟ್ಟ ಪಾತ್ರ ಮಾಡಿದ್ದಾರೆ.  ಹೀರೋ ಆಗಿ ಗಿಫ್ಟ್ ಬಾಕ್ಸ್, ನಮ್ಮ ಉತ್ಸವ ಸೇರಿದಂತೆ ಕೆಲ ಚಿತ್ರಗಳಲ್ಲಿ ನಟಿಸಿದ್ದಾರೆ.

'ನಿನಗಾಗಿ' ಧಾರಾವಾಹಿಯಲ್ಲಿ ಲೇಡಿ ಸೂಪರ್ ಸ್ಟಾರ್ ರಚ್ಚು ತಾಯಿ ವಜ್ರೇಶ್ವರಿ ಪಾತ್ರದಲ್ಲಿ ಸೋನಿಯಾ ಪೊನ್ನಮ್ಮ ಅಭಿನಯಿಸುತ್ತಿದ್ದಾರೆ. ನಿಜ ಜೀವನದಲ್ಲಿ ಸೌಮ್ಯ ಸ್ವಭಾವದವರಾದ ಇವರು, ಕ್ಲಾಸಿಕಲ್ ಡ್ಯಾನ್ಸರ್ ಕೂಡ. ಮೂಲತಃ ಕೂರ್ಗ್‌ನವರಾದ ಇವರು, ಕಳೆದ 10 ವರ್ಷಗಳಿಂದ ಸಿಂಗಾಪುರದಲ್ಲಿ ನೆಲೆಸಿದ್ದಾರೆ. ಡ್ಯಾನ್ಸ್ ಕಾರ್ಯಕ್ರಮಗಳಿಗಾಗಿ ಆಗಾಗ ಬೆಂಗಳೂರಿಗೆ ಬರ್ತಿದ್ದ ಇವರು, ನಿನಗಾಗಿ ಧಾರಾವಾಹಿಯಲ್ಲಿ ನಟಿಸುವ ಅವಕಾಶ ಪಡೆದರು. ಇದು ಅವರ ಮೊದಲ ಧಾರಾವಾಹಿ. 

ಈ ಧಾರಾವಾಹಿಯಲ್ಲಿ ಕೃಷ್ಣಾ ಎಂಬ ಮಗು ಆಕರ್ಷಣೆಯ ಬಿಂದು. ಅವಳಿಗೆ ತಾಯಿಯಿಲ್ಲ. ತಾಯಿಯ ಮುಖವು ಕಾಣದಂತ ಫೋಟೋ ಗೋಡೆ ಮೇಲೆ ಇದೆ. ಪ್ರತಿದಿನ ತಾಯಿ ಬಂದಂತೆ ಕನಸು ಕಾಣುತ್ತಾಳೆ ಕೃಷ್ಣಾ. ಈ ಪಾತ್ರ ಮಾಡುತ್ತಿರುವ ಬಾಲನಟಿಯ ಹೆಸರು ಸಿರಿ ಸಿಂಚನಾ. ಮೂಲತಃ ಬೆಂಗಳೂರಿನಳಾದ ಈ ಪುಟಾಣಿಗೆ 6 ವರ್ಷ ವಯಸ್ಸು ಎನ್ನಲಾಗಿದೆ.

ನಿನಗಾಗಿ ಧಾರಾವಾಹಿಯನ್ನು ನಮ್ಮನೆ ಯುವರಾಣಿ ಖ್ಯಾತಿಯ ಸಂಪೃಥ್ವಿ ನಿರ್ದೇಶನ ಮಾಡುತ್ತಿದ್ದಾರೆ. ಭಾಗ್ಯಲಕ್ಷ್ಮೀ, ಕನ್ನಡತಿ, ನಮ್ಮನೆ ಯುವರಾಣಿಯಂತಹ ಸೂಪರ್ ಹಿಟ್ ಧಾರಾವಾಹಿಗಳನ್ನು ನಿರ್ಮಿಸಿರುವ ಜೈಮಾತಾ ಕಂಬೈನ್ಸ್ ಈ ಸೀರಿಯಲ್ ನಿರ್ಮಾಣ ಮಾಡುತ್ತಿದೆ. ಕಿಶನ್ ಬೆಳಗಳಿ, ಪ್ರಿಯಾಂಕಾ ಕಾಮತ್, ವಿಜಯ್ ಕೌಂಡಿನ್ಯ, ಮಾನಸಾ ಭಟ್ ಮುಂತಾದವರು ಧಾರಾಹಿಯ ತಾರಾಗಣದಲ್ಲಿದ್ದಾರೆ.