ಸಿನಿಮಾವೊಂದಕ್ಕೆ ಟಾಲಿವುಡ್ ಸ್ಟಾರ್ ನಟರು ಪಡೆಯುವ ಸಂಭಾವನೆ ಎಷ್ಟು ಗೊತ್ತಾ? ಇಲ್ಲಿದೆ ಲಿಸ್ಟ್

ನಟ ಪ್ರಭಾಸ್ ಬಾಹುಬಲಿ ಸಿನಿಮಾಗಳ ಬಳಿಕ ಪ್ಯಾನ್ ಇಂಡಿಯಾ ಸ್ಟಾರ್ ಎನಿಸಿಕೊಂಡಿದ್ದಾರೆ. ತೆಲುಗು ಸಿನಿಮಾರಂಗದಲ್ಲಿ ಅವರಿಗೆ ಸಿಕ್ಕಾಪಟ್ಟೆ ಬೇಡಿಕೆಯಿದೆ. ಪ್ರಭಾಸ್ ಸಿನಿಮಾವೊಂದಕ್ಕೆ 100 ರಿಂದ 200 ಕೋಟಿಯವರೆಗೂ ಸಂಭಾವನೆ ಪಡೆಯುತ್ತಾರೆ. ಸದ್ಯ ಅವರು ಕಲ್ಕಿ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. 

2021ರಲ್ಲಿ ತೆರೆಕಂಡ ಪುಷ್ಪ ಸಿನಿಮಾ ಸೂಪರ್ ಹಿಟ್ ಆಗಿದ್ದೇ ಆಗಿದ್ದು ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಸಂಭಾನವೆ ಕೂಡ ಗಗನಕ್ಕೇರಿತು. ಅವರೀಗ ಒಂದು ಸಿನಿಮಾಗೆ 100 ರಿಂದ 125 ಕೋಟಿ ಚಾರ್ಜ್ ಮಾಡುತ್ತಾರೆ. ಸದ್ಯ ಅವರ ನಟನೆಯ ಪುಷ್ಟ 2 ಬಿಡುಗಡೆಗೆ ಸಜ್ಜಾಗಿದ್ದು, ರಿಲೀಸ್‌ಗೂ ಮುನ್ನವೇ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿದೆ.

ಮೆಗಾ ಸ್ಟಾರ್ ಚಿರಂಜೀವಿ ಕೂಡ ಯಂಗ್ ಹೀರೋಗಳಂತೆಯೇ ಚಾರ್ಮ್ ಹೊಂದಿದ್ದಾರೆ. ಅವರು ಒಂದು ಸಿನಿಮಾಗೆ 50  ರಿಂದ 70 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಸದ್ಯ ಅವರು ವಿಶ್ವಂಭರ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. 

ಟಾಲಿವುಟ್ ನಟ ರಾಮ್ ಚರಣ್ 2022ರಲ್ಲಿ ತೆರೆಕಂಡ 'ಆರ್ಆರ್ಆರ್' ಸಿನಿಮಾ ಬಳಿಕ ದುಬಾರಿಯಾಗಿದ್ದಾರೆ. ಅವರೀಗ ಸಿನಿಮಾವೊಂದಕ್ಕೆ 90 ರಿಂದ 100 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಇವರು ಬಹಳ ಬುದ್ಧಿವಂತ ಉದ್ಯಮಿ. ಸ್ವಂತ ಪ್ರೊಡಕ್ಷನ್ ಹೌಸ್ ಹೊಂದಿರುವ ಅವರು, ತಂದೆಯ ಸಿನಿಮಾಗಳ ಮೇಲೆ ಬಂಡವಾಳ ಹಾಕಿ ಹೆಚ್ಚು ಲಾಭ ಗಳಿಸುತ್ತಾರೆ. ಇದರೊಂದಿಗೆ ಟ್ರುಜೆಟ್ ಹೆಸರಿನ ಏರ್‌ಲೈನ್ಸ ಸಂಸ್ಥೆ ನಡೆಸುತ್ತಿದ್ದಾರೆ. 

ಜ್ಯೂನಿಯರ್ ಎನ್‌ಟಿಆರ್ ಅವರಿಗೀಗ ತೆಲುಗು ಚಿತ್ರರಂಗ ಮಾತ್ರವಲ್ಲದೇ ಬಾಲಿವುಡ್‌ನಲ್ಲೂ ಬಹಳ ಬೇಡಿಕೆಯಿದೆ. ಹೀಗಾಗಿ, ಅವರು ಒಂದು ಸಿನಿಮಾಗೆ ಭರ್ತಿ 100 ಕೋಟಿ ರೂಪಾಯಿ ಚಾರ್ಜ ಮಾಡ್ತಾರೆ. ಅವರೀಗ 'ದೇವರ' ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. 

ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಅವರಿಗೆ ಈವರೆಗೂ ಪ್ಯಾನ್ ಇಂಡಿಯಾ ಸ್ಟಾರ್ ಎಂಬ ಪಟ್ಟ ಸಿಕ್ಕಿಲ್ಲ. ಆದರೂ ಕೂಡ ಅವರು ಸಿನಿಮಾವೊಂದಕ್ಕೆ 80 ರಿಂದ 100 ಕೋಟಿ ರೂಪಾಯಿ ಸಂಭಾವನೆ ಪಡೆಯುತ್ತಾರೆ. ಸದ್ಯ ಅವರು ಯಾವ ಸಿನಿಮಾದಲ್ಲೂ ಬ್ಯುಸಿಯಾಗಿಲ್ಲ.

ವಿಜಯ್ ದೇವರಕೊಂಡ ತೆಲುಗು ಸಿನಿಮಾರಂಗದ ಯಂಗ್ ಆಕ್ಟರ್. ಅವರಿಗೆ ಸಿಕ್ಕಾಪಟ್ಟೆ ಅಭಿಮಾನಿ ಬಳಗವೂ ಇದೆ. ಇವರು ಸಿನಿಮಾವೊಂದಕ್ಕೆ ಏನಿಲ್ಲವೆಂದರೂ 30 ರಿಂದ 45 ಕೋಟಿ ವರೆಗೂ ಸಂಭಾವನೆ ಪಡೆಯುತ್ತಾರಂತೆ. 

ರಾಜಕೀಯ ಹಾಗೂ ಸಿನಿಮಾರಂಗ ಎರಡರಲ್ಲೂ ಸಕ್ರಿಯವಾಗಿರುವ ನಟ ಪವನ್ ಕಲ್ಯಾಣ್ ಒಂದು ಸಿನಿಮಾಗಾಗಿ 60 ರಿಂದ 100 ಕೋಟಿ ರೂಪಾಯಿ ಚಾರ್ಜ ಮಾಡುತ್ತಾರಂತೆ. ಅವರೀಗ 'ಓಜಿ' ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.