ನಟನೆ ಮಾತ್ರವಲ್ಲ, ಅಡುಗೆ ಮಾಡೋದ್ರಲ್ಲೂ ಎಕ್ಸ್‌ಪರ್ಟ್ ಈ ಸ್ಯಾಂಡಲ್‌ವುಡ್ ನಟರು!

ಸ್ಯಾಂಡಲ್‌ವುಡ್‌ನ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅಡುಗೆ ಮಾಡೋದ್ರಲ್ಲಿ ಎಕ್ಸ್‌ಪರ್ಟ್. ಅದರಲ್ಲೂ ಕಾಂಟಿನೆಂಟಲ್ ರೆಸಿಪಿಗಳನ್ನು ಮಾಡುತ್ತಿರುತ್ತಾರೆ. ಆಗಾಗ ಹೊಸ-ಹೊಸ ಪ್ರಯೋಗಳನ್ನು ಮಾಡಿ ಸ್ನೇಹಿತರಿಗೆ ಬಡಿಸುತ್ತಾರೆ. ಕಿಚ್ಚ ಯಾವ ಇಂಟರ್‌ನ್ಯಾಷನಲ್ ಶೆಫ್‌ಗೂ ಕಡಿಮೆಯಿಲ್ಲ. ಅವರು ಕೈರುಚಿ ಸವಿದವರು ಫಿದಾ ಆಗಿದ್ದಾರೆ. ಬಿಗ್‌ಬಾಸ್‌ ಮನೆಯ ಸದಸ್ಯರಿಗೂ ಕಿಚ್ಚ ತಮ್ಮ ಕೈಯಾರೆ ಬಗೆ ಬಗೆಯ ಅಡುಗೆ ಮಾಡಿ ಕಳುಹಿಸಿಕೊಟ್ಟಿದ್ದನ್ನು ನಾವು ನೋಡಿದ್ದೇವೆ. 

ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ಭೋಜನ ಪ್ರಿಯ ಎಂಬುದು ಎಲ್ಲರಿಗೂ ಗೊತ್ತಿರುವ ವಿಚಾರವೇ. ಅಪ್ಪು ಕೊರೊನಾ ಲಾಕ್‌ಡೌನ್‌ ಸಮಯದಲ್ಲಿ ಅಡುಗೆ ಮಾಡೋದನ್ನು ಕಲಿತಿರುವುದಾಗಿ ಹೇಳಿಕೊಂಡಿದ್ದರು. ಬೇಳೆ ಸಾರು, ಟೊಮ್ಯಾಟೋ ಪಲ್ಯ, ಪನ್ನೀರ್ ಬುರ್ಜಿ, ಆಲೂ ಪಲ್ಯ ಸೇರಿದಂತೆ ಹಲವು ಅಡುಗೆಗಳನ್ನು ಅಪ್ಪು ಕಲಿತಿದ್ದಾಗಿ ಹೇಳಿಕೊಂಡಿದ್ದರು.

ರಂಗಿತರಂಗ ಸಿನಿಮಾ ಖ್ಯಾತಿಯ ನಿರೂಪ್ ಭಂಡಾರಿ ಕೂಡ ಸ್ವತಃ ಅಡುಗೆ ಮಾಡಿಕೊಳ್ಳುತ್ತಾರೆ. ಅಡುಗೆ ಮಾಡೋದನ್ನು ಅವರು ಏಂಜಾಯ್ ಮಾಡ್ತಾರಂತೆ. ತಮಗೆ ಬೇಕಾದ ಡಯಟ್ ಫುಟ್, ಚಿಕನ್ ಮತ್ತು ಫಿಶ್ ಐಟಮ್‌ಗಳನ್ನು ಹೆಚ್ಚು ಮಾಡುತ್ತಾರಂತೆ. ನಿರೂಪ್‌ಗೆ ಬಿರಿಯಾನಿ ಮಾಡಿಕೊಂಡು ತಿನ್ನೋದು ತುಂಬಾ ಇಷ್ಟವಂತೆ. ಯೂಟ್ಯೂಬ್ ನೋಡಿಕೊಂಡು ಹೊಸ ಬಗೆಯ ಅಡುಗೆಗಳನ್ನು ಟ್ರೈ ಮಾಡುತ್ತಿರುತ್ತಾರಂತೆ.

ನಟ ಶರಣ್ ಕೂಡ ಅಡುಗೆ ಮಾಡೋದ್ರಲ್ಲಿ ಸದಾ ಮುಂದು. ತಾವು ಮಾಡುವ ರಸಂ ಎಲ್ಲರಿಗೂ ಬಹಳ ಇಷ್ಟವಾಗುತ್ತೆ ಅಂತಾರೆ ಶರಣ್. ಅಲ್ಲದೇ, ಅಡುಗೆ ಮಾಡುವಾಗ ನಮ್ಮ ಮನಸ್ಸು ಫ್ರೆಶ್ ಆಗುತ್ತೆ. ರಿಲ್ಯಾಕ್ಸ್ ಕೊಡುತ್ತೆ. ಬಿಡುವಿದ್ದಾಗ ಏನಾದ್ರೂ ಮಾಡಲು ಪ್ರಯತ್ನಿಸುತ್ತೇನೆ ಅಂತ ಶರಣ್ ಹೇಳಿದ್ದಾರೆ.

ನಟ ರಿಯಲ್ ಸ್ಟಾರ್ ಉಪೇಂದ್ರ ಕೂಡ ಲಾಕ್‌ಡೌನ್ ಸಮಯದಲ್ಲಿ ಅಡುಗೆ ಕಲಿತ್ತಿದ್ದಾರೆ. ಪತ್ನಿ ಪ್ರಿಯಾಂಕಾ ಉಪ್ಪಿಗೆ ಅಡುಗೆ ಗುರು. ತಮ್ಮ ಮಗ ಆಯುಶ್ ಮತ್ತು ಗಂಡ ಉಪೇಂದ್ರಗೆ ಅಡುಗೆ ಮಾಡೋದನ್ನು ಹೇಳಿಕೊಟ್ಟಿದ್ದಾರೆ. ಅದನ್ನು ಈಗ ಉಪೇಂದ್ರ ಅವರು ಇಷ್ಟಪಟ್ಟು ಮಾಡುತ್ತಾರಂತೆ. ಅಡುಗೆ ಮಾಡೋದು ಒಂದು ಅದ್ಭುತ ಕೆಲಸ. ತರಕಾರಿ ಹೆಚ್ಚುವುದು, ಹುರಿಯುವುದು ಎಲ್ಲವೂ ಖುಷಿಕೊಡುತ್ತೆ. ಪ್ರಿಯಾ ಯಾವತ್ತೂ ಅಡುಗೆ ಮನೆಗೆ ನನ್ನನ್ನು ಸೇರಿಸಿಕೊಂಡಿರಲಿಲ್ಲ. ಲಾಕ್‌ಡೌನನ್‌ನಲ್ಲಿ ಅನಿವಾರ್ಯವಾದಾಗ ನಾನು ಹೋದೆ. ಐದಾರು ತರಹ ಅಡುಗೆ ಮಾಡೋದನ್ನು ಕಲಿತುಕೊಂಡಿದ್ದೇನೆ ಅಂತ ಉಪ್ಪಿ ಹೇಳಿದ್ದರು.