Snehada Kadalalli: ಸ್ಟಾರ್ ಸುವರ್ಣದಲ್ಲಿ ಆರಂಭವಾಗ್ತಿರುವ ಸ್ನೇಹದ ಕಡಲಲ್ಲಿ ಸೀರಿಯಲ್‌ ಕಥೆ & ಕಲಾವಿದರ ಲಿಸ್ಟ್!

ಕಲರ್ಸ್ ಕನ್ನಡದಲ್ಲಿ ಈ ಹಿಂದೆ ಪ್ರಸಾರವಾದ ಸೂಪರ್ ಹಿಟ್ 'ನಮ್ಮನೆ ಯುವರಾಣಿ' ಧಾರಾವಾಹಿಯಲ್ಲಿ ಅಹಲ್ಯಾ ಎಂಬ ನೆಗೆಟಿವ್ ಪಾತ್ರದ ಮೂಲಕ ಕರ್ನಾಟಕದ ಮನೆಮಾತಾಗಿದ್ದ ಕಾವ್ಯಾ ಮಹಾದೇವ್, ಸ್ನೇಹದ ಕಡಲಲ್ಲಿ ಸೀರಿಯಲ್‌ನ ಹೀರೋಯಿನ್. ನಮ್ಮನೆ ಯುವರಾಣಿ ಬಳಿಕ ಪತಿಯ ಜೊತೆಗೆ 'ರಾಜಾ ರಾಣಿ' ರಿಯಾಲಿಟಿ ಶೋನಲ್ಲಿ ಭಾಗವಹಿಸಿದ್ದ ಕಾವ್ಯಾ, ವಿನ್ನರ್ ಕೂಡ ಆಗಿದ್ದರು. ಕಳೆದ ಹಲವು ಸಮಯದಿಂದ ನಟನೆಯಿಂದ ಬ್ರೇಕ್ ತೆಗೆದುಕೊಂಡಿದ್ದ ಈ ನಟಿ, ಬಹಳ ವರ್ಷಗಳ ನಂತರ ನಾಯಕಿಯಾಗಿ ಕಂಬ್ಯಾಕ್ ಮಾಡಿದ್ದಾರೆ.

ಲಕ್ಷ್ಮೀ ಬಾರಮ್ಮ ಧಾರಾವಾಹಿಯ ಚಂದು ಪಾತ್ರದ ಮೂಲಕ ಜನಮನಗೆದ್ದ ಚಂದು ಗೌಡ ಸ್ನೇಹದ ಕಡಲಲ್ಲಿ ಸೀರಿಯಲ್‌ನ ಹೀರೋ. ಕನ್ನಡ ಮಾತ್ರವಲ್ಲದೇ, ತೆಲುಗು ಸಿರಿಯಲ್‌ಗಳಲ್ಲೂ ಮಿಂಚಿರುವ ಚಂದು, ಹಲವು ಸಿನಿಮಾಗಳಲ್ಲೂ ಅಭಿನಯಿಸಿದ್ದಾರೆ. ಇನ್ನು ಸಮೀಪ್ ಆಚಾರ್ಚ್ ನೆಗೆಟಿವ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಈ ಧಾರಾವಾಹಿಯ ಪ್ರೋಮೋ ಬಿಡುಗಡೆಯಾಗಿದ್ದು, ವೀಕ್ಷಕರಿಗೆ ಇಷ್ಟವಾಗಿದೆ.

ಮದುವೆ ಬಗ್ಗೆ ಸಾವಿರ ಕನಸು ಕಟ್ಟಿಕೊಂಡಿದ್ದ ನಾಯಕಿಗೆ (ಕಾವ್ಯಾ), ಆಕೆಯ ಕಂಡ ಮೊದಲ ಫಸ್ಟ್ ದಿನವೇ ಶಾಕ್ ಕೊಡ್ತಾನೆ. ಫಸ್ಟ್‌ ನೈಟ್‌ಗೆ ತನ್ನ ಗರ್ಲ್‌ಫ್ರೆಂಡ್ ಅನ್ನು ಆಹ್ವಾನಿಸಿರುವುದಾಗಿ ಹೇಳ್ತಾನೆ. ಇದನ್ನು ಕೇಳಿ ನಾಯಕಿ ಶಾಕ್ ಆಗ್ತಾಳೆ. ಬಳಿಕ ತನ್ನ ಪತಿಯ ವಿರುದ್ಧ ದೂರು ಕೊಡಲು ಪೊಲೀಸ್ ಸ್ಟೇಷನ್‌ಗೆ ತೆರಳುತ್ತಾಳೆ. ಈ ಸಂದರ್ಭ ಜೋರಾಗಿ ಮಳೆ ಬರುತ್ತಿರುತ್ತೆ. ಪೊಲೀಸರು ಆಕೆಯನ್ನು ಮಾತನಾಡಿಸುತ್ತಾ, ಏನಮ್ಮಾ ಇಷ್ಟೊತ್ತಿಗೆ, ಮದ್ವೆ ಮನೆಯಿಂದ ನೇರವಾಗಿ ಓಡಿ ಬಂದಿರೋ ಹಾಗಿದೆ. ಮದ್ವೆ ಇಷ್ಟ ಇರ್ಲಿಲ್ವಾ? ಅಥವಾ ಹುಡುಗ ಇಷ್ಟ ಆಗಿಲ್ವಾ? ಅಥವಾ ಲವ್ವಾ ಅಂತೆಲ್ಲಾ ಕೇಳ್ತಾರೆ. ಆದರೆ, ಅವಳ ಕುತ್ತಿಗೆಯಲ್ಲಿ ಕಂಡು ಕಂಪ್ಲೇಟ್ ತೆಗೆದುಕೊಳ್ಳುವ ಬದಲು, 'ಮದುವೆ ಅಂದಮೇಲೆ ಸ್ವಲ್ಪ ಹೆಚ್ಚು ಕಡಿಮೆಯಾಗುತ್ತೆ, ಸುಮ್ಮೆ ಅಡ್ಜಸ್ಟ್ ಮಾಡ್ಕೊಂಡಯ ಹೋಗಮ್ಮ ಅಂತಾರೆ'. ಆಗ ನಾಯಕಿ ಜೋರಾಗಿ ಬೀಳುತ್ತಿರುವ ಮಳೆಗೆ ನನ್ನೊಳಗಿನ ಭರವಸೆಗಳು ಕೊಚ್ಚಿ ಹೋಗ್ತಿವೆ ಅಂತ ಹೊರಬರುತ್ತಿರುತ್ತಾಳೆ.

ನಾಯಕಿ ಪೊಲೀಸ್ ಠಾಣೆಯಿಂದ ಹೊರಬರುತ್ತಿದ್ದಂತೆ ಆಕೆಯ ಸ್ನೇಹಿತ (ಚಂದು ಗೌಡ) ಆಕೆಯ ನೆರವಿಗೆ ಬರ್ತಾನೆ. ಆಗ ಪೊಲೀಸರು ನೀನೇನಾ ಅವಳ ಗಂಡ ಅಂದಾಗ, ಆತ ಅಲ್ಲ. ನಾನು ಅವಳ ವೆಲ್ ವಿಶರ್. ಇನ್ಮುಂದೆ ನಿನ್ನ ಜೀವನದಲ್ಲಿ ಏನೇ ಆದ್ರೂ ನಿನ್ನ ಜೊತೆ ನಾನಿರುತ್ತೇನೆ ಎನ್ನುತ್ತಾ ಆಕೆಗೆ ಕೊಡೆ ಹಿಡಿದು ಜೊತೆಯಾಗಿ ಸಾಗುತ್ತಾನೆ. ಒಟ್ಟಾರೆ ಇದೊಂದು ಸುಂದರವಾದ ಸ್ನೇಹದ ಕಥೆಯಾಗಿದೆ.

ಸ್ಟಾರ್ ಸುವರ್ಣ ವಾಹಿನಿಯಲ್ಲಿ ಪ್ರಸಾರವಾಗ್ತಿರುವ ಈ ಧಾರಾವಾಹಿ ಹಿಂದಿಯ 'ಮೇಘಾ ಬರ್ಸೆಂಗೆ' ಸೀರಿಯಲ್‌ನ ರಿಮೇಕ್ ಅಂತ ಹೇಳಲಾಗುತ್ತಿದೆ. ಸ್ನೇಹದ ಕಡಲಲ್ಲಿ ಯಾವಾಗ ಆರಂಭವಾಗಲಿದೆ ಎಂಬುದರ ಬಗ್ಗೆ ವಾಹಿನಿ ಇನ್ನೂ ಮಾಹಿತಿ ಬಿಟ್ಟುಕೊಟ್ಟಿಲ್ಲ.