ಇವರೇ ನೋಡಿ ಸೌತ್ ಸಿನಿಮಾರಂಗದ ಬೆಸ್ಟ್ ಡ್ಯಾನ್ಸರ್ಸ್: ನಂಬರ್ ಒನ್ ನಟ ಯಾರು?

ಯಾವುದೇ ಸಿನಿಮಾ ಹಿನ್ನೆಲೆಯಿಲ್ಲದೆ ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟ ಯಶ್ ಇಂದು ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿದ್ದಾರೆ. ಅಭಿಮಾನಿಗಳಿಂದ ರಾಕಿಂಗ್ ಸ್ಟಾರ್ ಎಂಬ ಬಿರುದು ಪಡೆದುಕೊಂಡಿದ್ದಾರೆ. ರಾಕಿಭಾಯ್  ಪ್ರೊಫೆಶನಲ್ ಡ್ಯಾನ್ಸರ್ ಅಂತೂ ಖಂಡಿತ ಅಲ್ಲ. ಆದರೂ ಲೀಲಾಜಾಲವಾಗಿ ಮಾಡುವ ತಮ್ಮ ಸ್ಟೈಲಿಶ್ ಸ್ಟೆಪ್‌ಗಳಿಂದ ಪ್ರೇಕ್ಷಕರನ್ನು ಸೆಳೆಯುತ್ತಾರೆ. ಮಾಸ್ಟರ್ ಪೀಸ್, ಗೂಗ್ಲಿ, ಗಜಕೇಸರಿ, ಲಕ್ಕಿ, ಕಿರಾತಕ ಸಿನಿಮಾಗಳಲ್ಲಿ ತಮ್ಮದೇ ಡ್ಯಾನ್ಸ್ ಸ್ಕಿಲ್ ಮೂಲಕ ಅಭಿಮಾನಿಗಳಿಗೆ ಮೋಡಿ ಮಾಡಿದ್ದರು.

ಕಾಲಿವುಡ್ ನಟ ಧನುಷ್ ದಕ್ಷಿಣ ಭಾರತದ ಅದ್ಭುತ ನಟರಲ್ಲೊಬ್ಬರು. ಕಮರ್ಷಿಯಲ್ ಹೀರೋ ಆಗಿ ತಮ್ಮದೇ ಇಮೇಜ್ ಹೊಂದಿರುವ ಧನುಷ್, ರಾಷ್ಟ್ರಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿದ್ದಾರೆ. ಇವರು ಪ್ರೊಫೆಶನಲ್ ಡ್ಯಾನ್ಸರ್ ಅಲ್ಲದಿದ್ದರೂ, ಸಿನಿಮಾಗಳಲ್ಲಿ ಅದ್ಭುತವಾಗಿ ಡ್ಯಾನ್ಸ್ ಮಾಡುತ್ತಾರೆ. ಮೊದಲ ಸಿನಿಮಾದಿಂದಲೇ ತಮ್ಮ ನೃತ್ಯದ ಮೂಲಕ ಪ್ರೇಕ್ಷಕರ ಗಮನ ಸೆಳೆದ ಇವರು, ಎಲ್ಲಾ ಸಿನಿಮಾಗಳಲ್ಲೂ ಎನರ್ಜಿಟಿಕ್ ಡ್ಯಾನ್ಸ್ ಮಾಡುವ ಮೂಲಕ ಉತ್ತಮ ಡ್ಯಾನ್ಸರ್ ಎನಿಸಿಕೊಂಡಿದ್ದಾರೆ.

ಆಕ್ಷನ್ ಫ್ರಿನ್ಸ್ ಧ್ರುವಾ ಸರ್ಜಾ ಕೂಡ ಕನ್ನಡ ಚಿತ್ರರಂಗದ ಉತ್ತಮ ಡ್ಯಾನ್ಸರ್. ಇವರ ಸಹೋದರ ಚಿರಂಜೀವಿ ಸರ್ಜಾ ಕೂಡ ಅದ್ಭುತವಾಗಿ ನೃತ್ಯ ಮಾಡುತ್ತಿದ್ದರು. ಧುವ ನಟಿಸಿದ್ದೂ ಕೇವಲ 5 ಸಿನಿಮಾಗಳಾದರೂ, ಈ ಐದರಲ್ಲೂ ಡಿಫರೆಂಟ್ ಡ್ಯಾನ್ಸ್ ಸ್ಟೆಪ್ಸ್ ಮೂಲಕ ಅಭಿಮಾನಿಗಳಿಗೆ ಕ್ರೇಜ್ ಸೃಷ್ಟಿಸಿದ್ದಾರೆ. ತಮ್ಮದೇ ಡ್ಯಾನ್ಸ್ ಮೂವ್ಸ್, ಎನರ್ಜಿ ಮೂಲಕ ಆಕ್ಟರ್ ಕಮ್ ಡ್ಯಾನ್ಸರ್ ಆಗಿ ಫೇಮ್ ಗಳಿಸಿದ್ದಾರೆ.

ಆರ್‌ಆರ್‌ಆರ್ ಸಿನಿಮಾ ಮೂಲಕ ಗ್ಲೋಬಲ್ ಸ್ಟಾರ್ ಆಗಿ ಮಿಂಚುತ್ತಿರುವ ರಾಮ್ ಚರಣ್ ತೇಜ್ ಟಾಲಿವುಡ್‌ನ ಟಾಪ್‌ ಡ್ಯಾನ್ಸರ್ ಆಗಿ ಗುರುತಿಸಿಕೊಂಡಿದ್ದಾರೆ. ಇವರು ತಮ್ಮ ಪ್ರತಿಯೊಂದು ಸಿನಿಮಾದಲ್ಲೂ ವಿಭಿನ್ನ ಡ್ಯಾನ್ಸ್ ಸ್ಟೈಲ್ ಮೂಲಕ ಫ್ಯಾನ್ಸ್ ಮನಗೆದ್ದಿದ್ದಾರೆ.

ಕರುನಾಡ ಚಕ್ರವರ್ತಿಯ ಡ್ಯಾನ್ಸ್ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಶಿವರಾಜ್‌ಕುಮಾರ್ ತಮ್ಮ ಕೆರಿಯರ್ ಆರಂಭದಿಂದಲೂ ಅದ್ಭುತವಾಗಿ ನೃತ್ಯ ಮಾಡ್ತಿದ್ದು, ಅವ್ರ ಡ್ಯಾನ್ಸ್‌ಗೆ ಫಿದಾ ಆಗಿರೋ ಅಭಿಮಾನಿಗಳ ಬಳಗ ದೊಡ್ಡದೇ ಇದೆ. ವಯಸ್ಸು 60 ದಾಟಿದ್ರೂ ಶಿವಣ್ಣನ ಉತ್ಸಾಹ, ಎನರ್ಜಿ ಮುಂದೆ ಹದಿಹರೆಯದವ್ರೂ ಸಪ್ಪೆ ಅಂತಲೇ ಅನಿಸಿಬಿಡುತ್ತೆ. ಕಳೆದ ವರ್ಷ ತೆರೆಕಂಡ ಕರಟಕ ದಮನಕ ಸಿನಿಮಾದಲ್ಲೂ ಶಿವಣ್ಣ, ಪ್ರಭುದೇವ ಜೊತೆ ಸಖತ್ ಸ್ಟೆಪ್ಸ್ ಹಾಕಿದ್ದರು.

ಕಾಲಿವುಡ್ ನಟ ದಳಪತಿ ವಿಜಯ್ ಅದ್ಭುತ ಡ್ಯಾನ್ಸರ್ ಅನ್ನೋದ್ರಲ್ಲಿ ದೂಸ್ರಾ ಮಾತಿಲ್ಲ. ಮೊದಲ ಸಿನಿಮಾದಿಂದಲೂ ಕ್ಯಾಶುವಲ್ ಡ್ಯಾನ್ಸ್ ಸ್ಟೆಪ್ ಮೂಲಕ ಸಿನಿಪ್ರೇಕ್ಷಕರ ಗಮನ ಸೆಳೆದ ಇವರು, ರಿಹರ್ಸಲ್ ಇಲ್ಲದೆಯೇ ನೃತ್ಯ ಮಾಡುತ್ತಾರೆ. ವಿಜಯ್ ನಟನೆ ಹೊರತಾಗಿ ಡ್ಯಾನ್ಸಿಂಗ್ ಸ್ಟೈಲ್‌ನಿಂದಲೇ ಗಮನ ಸೆಳೆದಿದ್ದಾರೆ.

ಜ್ಯೂನಿಯರ್ ಎನ್‌ಟಿಆರ್ ಕೂಡ ಟಾಲಿವುಡ್‌ನ ಅದ್ಭುತ ಡ್ಯಾನ್ಸರ್. ಕುಚುಪುಡಿ ನೃತ್ಯಗಾರನಾಗಿರುವ  ಇವರು, ಸಿನಿಮಾಗಳಲ್ಲಿ ಅದ್ಭುತ ಸ್ಟೆಪ್ ಹಾಕುವ ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದಾರೆ. ಜ್ಯೂನಿಯರ್ ಎನ್‌ಟಿಆರ್ ಅವರ ನಟನೆ, ಡೈಲಾಗ್ ಡೆಲಿವರಿ ಹೊರತಾಗಿ ಡ್ಯಾನ್ಸ್‌ ಸ್ಟೈಲ್‌ಗೆ ಅನೇಕ ಅಭಿಮಾನಿಗಳಿದ್ದಾರೆ. 2022ರಲ್ಲಿ ತೆರೆಕಂಡ ಆರ್‌ಆರ್ಆರ್ ಸಿನಿಮಾದ ನಾಟು..ನಾಟು ಹಾಡಿಗೆ ಜ್ಯೂನಿಯರ್ ಎನ್‌ಟಿಆರ್  ಹಾಗೂ ರಾಮ್‌ಚರಣ್ ತೇಜಾ ಭರ್ಜರಿ ಸ್ಟೆಪ್ ಹಾಕಿದ್ದು, ಈ ಹಾಡಿಗೆ ಆಸ್ಕರ್ ಪ್ರಶಸ್ತಿ ಕೂಡ ಲಭಿಸಿತ್ತು.

ಕನ್ನಡ ಚಿತ್ರರಂಗದ ಎನರ್ಜಿಟಿಕ್ ಡ್ಯಾನ್ಸರ್ ಅಂದ್ರೆ ಅದು ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್. ಅವರ ಪ್ರತಿ ಸಿನಿಮಾದ ಹಾಡುಗಳ ನೃತ್ಯದಲ್ಲಿ ಹೊಸತನ ಇರುತ್ತಿತ್ತು. ಹೊಸ ರೀತಿಯ ಸ್ಟೆಪ್‌ಗಳಿಗೆ ಅವರು ಜೀವ ತುಂಬುತ್ತಿದ್ದರು. ಅಪ್ಪು ಕೊರೊಯೋಗ್ರಾಫರ್ ಕಂಫೋಸ್ ಮಾಡುವ ಸ್ಟೆಪ್‌ಗಳನ್ನು ಕಲಿತೇ ಸೆಟ್‌ಗೆ ತೆರಳುತ್ತಿದ್ದರು. ಹೀಗಾಗಿ, ಅವರ ಸಿನಿಮಾದಲ್ಲಿ ನೃತ್ಯಕ್ಕೆ ಕೊರತೆ ಇರಲಿಲ್ಲ. ಪುನೀತ್ ಅಂದ್ರೆ ಡ್ಯಾನ್ಸ್, ಡ್ಯಾನ್ಸ್ ಅನ್ನೋದು ಜಗಜ್ಜಾಗೀರಾಗಿತ್ತು. ಪರಭಾಷಾ ನಟ-ನಟಿಯರು ಕೂಡ ಪುನೀತ್ ಅವರ ಡ್ಯಾನ್ಸ್ ಅಂದ್ರೆ ಇಷ್ಟ ಪಡ್ತಾರೆ.  ಅವರು ಅದ್ಭುತ ನೃತ್ಯದ ಮೂಲಕವೂ ಕನ್ನಡಿಗರ ಮನಗೆದ್ದಿದ್ದರು.

ಸೌತ್ ಸಿನಿಮಾರಂಗದಲ್ಲಿಯೇ ತಮ್ಮ ಅದ್ಭುತ ಟಾಲಿವುಡ್ ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ದಕ್ಷಿಣ ಭಾರತದ ನಂಬರ್ ಡ್ಯಾನ್ಸರ್. ಇವರ ಡ್ಯಾನ್ಸ್ ಮೂವ್ಸ್, ಎಕ್ಸ್‌ಪ್ರೆಷನ್, ಕ್ರೇಜಿ ಫ್ಲಿಪ್ಸ್, ಮೂನ್ ವಾಕ್‌ ಸ್ಟೈಲ್‌ಗೆ ಅಪಾರ ಅಭಿಮಾನಿಗಳಿದ್ದಾರೆ. ಅಲ್ಲು  ತಮ್ಮ  ಪ್ರತಿಯೊಂದು ಸಿನಿಮಾದಲ್ಲೂ ಡಿಫರೆಂಟ್ ಡ್ಯಾನ್ಸ್ ಸ್ಟೆಪ್ಸ್ ಹಾಕುವ ಮೂಲಕ ಅಭಿಮಾನಿಗಳಿಗೆ ಕ್ರೇಜ್ ಸೃಷ್ಟಿಸಿದ್ದಾರೆ.