ರಾಜಮೌಳಿ ಸಿನಿಮಾದಲ್ಲಿ ನಟಿಸಲು ನಿರಾಕರಿಸಿದ ಸ್ಟಾರ್ ನಟ-ನಟಿಯರಿವರು

ಬಾಹುಬಲಿ ಚಿತ್ರದಲ್ಲಿ ಪ್ರಭಾಸ್ ಮತ್ತು ರಾಣಾ ಅವರ ತಾಯಿ (ಶಿವಗಾಮಿ) ಪಾತ್ರಕ್ಕಾಗಿ ರಾಜಮೌಳಿ ಮೊದಲು ಶ್ರೀದೇವಿ ಅವರನ್ನು ಸಂಪರ್ಕಿಸಿದ್ದರು. ಆದರೆ, ನಟಿ ಶ್ರೀದೇವಿ ಅವರು  ಶಿವಗಾಮಿ ಪಾತ್ರದಲ್ಲಿ ನಟಿಸಲು ನೋ ಎಂದಿದ್ದರು. 

ನಟಿ ಶ್ರೀದೇವಿ ಬಾಹುಬಲಿಯಲ್ಲಿ ಶಿವಗಾಮಿ ಪಾತ್ರವನ್ನು ಮಾಡಲು ನಿರಾಕರಿಸಿದ ನಂತರ ರಾಜಮೌಳಿಯವರು ಮಂಚು ಲಕ್ಷ್ಮಿ ಅವರನ್ನು ಆ ಪಾತ್ರಕ್ಕಾಗಿ ಸಂಪರ್ಕಿಸಿದರು. ಆದರೆ,  ಮಂಚು ಲಕ್ಷ್ಮಿ ಆ ಪಾತ್ರದಲ್ಲಿ ನಟಿಸಲು ನಿರಾಕರಿಸಿದ್ದರು.  

ಕಟ್ಟಪ್ಪನ ಪಾತ್ರಕ್ಕೆ ಮಲಯಾಳಂ ಮೋಹನ್‌ಲಾಲ್ ಅವರನ್ನು ಸಂಪರ್ಕಿಸಿದ್ದರು. ಆದರೆ, ಮೋಹನ್‌ಲಾಲ್ ಮತ್ತೊಂದು ಚಿತ್ರದಲ್ಲಿ ಬ್ಯುಸಿಯಾಗಿದ್ದರಿಂದ ಈ ಚಿತ್ರದಲ್ಲಿ ನಟಿಸಲು ಸಾಧ್ಯವಾಗಿರಲಿಲ್ಲ. 

ಕಟ್ಟಪ್ಪನ ಪಾತ್ರಕ್ಕಾಗಿ ನಿರ್ದೇಶಕ ರಾಜಮೌಳಿ ಅವರು ಬಾಲಿವುಡ್ ನಟ ಅಮಿತಾಭ್ ಬಚ್ಚನ್ ಅವರನ್ನು ಕೂಡ ಸಂಪರ್ಕಿಸಿದ್ದರು. ಆದರೆ, ಅಮಿತಾಭ್ ಬಚ್ಚನ್ ಈ ಪಾತ್ರ ವಿಶಿಷ್ಟವಾಗಿದೆ ಎಂದು ನಟಿಸಲು ತಿರಸ್ಕರಿಸಿದ್ದರು.  

ತಮಿಳು ನಟ ಸೂರ್ಯ ಅವರನ್ನು ಮೊದಲು ಬಾಹುಬಲಿ ಚಿತ್ರದಲ್ಲಿ ಪ್ರಮುಖ ಪಾತ್ರಕ್ಕೆ ಪರಿಗಣಿಸಲಾಗಿತ್ತು. ಆ ಪಾತ್ರ ಮಾಡಲು ನಟ ಸೂರ್ಯ ಒಪ್ಪಿರಲಿಲ್ಲ. ಈ ಕುರಿತು ಸ್ವತಃ ಸೂರ್ಯ ಹಲವು ಸಂದರ್ಶನಗಳಲ್ಲಿ ಹೇಳಿಕೊಂಡಿದ್ದರು.  

ಬಾಹುಬಲಿ ಸಿನಿಮಾದಲ್ಲಿ ನಾಯಕನಿಗೆ ಹೊಡೆಯುವ ಖಳನಾಯಕ ಭಲ್ಲಾಳ ದೇವನ ಪಾತ್ರಕ್ಕಾಗಿ ರಾಜಮೌಳಿ ಅವರು ಮೊದಲು ವಿವೇಕ್ ಒಬೆರಾಯ್ ಅವರನ್ನು ಸಂಪರ್ಕಿಸಿದ್ದರು. ವಿವೇಕ್ ಬೇರೆ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದರಿಂದ ಈ ಪಾತ್ರ ಮಾಡಲು ಸಾಧ್ಯವಾಗಿರಲಿಲ್ಲ.

ವಿವೇಕ್ ಒಬೆರಾಯ್ ನಂತರ ಭಲ್ಲಾಳ ದೇವನ ಪಾತ್ರಕ್ಕಾಗಿ ರಾಜಮೌಳಿ ಅವರು ಜಾನ್ ಅಬ್ರಹಾಂ ಅವರನ್ನು ಸಂಪರ್ಕಿಸಿದ್ದರು. ಆದರೆ, ಅವರು ಕೂಡ ಭಲ್ಲಾಳ ದೇವನ ಪಾತ್ರದಲ್ಲಿ ಅಭಿನಯಿಸಲಿಲ್ಲ.