South Actors: ದುಬಾರಿ ಬೆಲೆಯ ವಾಚ್ ಧರಿಸುವ ಸೌತ್ ಸ್ಟಾರ್ ನಟರಿವರು!

ಆರ್‌ಆರ್ಆರ್ ಸಿನಿಮಾ ಬಳಿಕ ಗ್ಲೋಬಲ್ ಸ್ಟಾರ್ ಆಗಿ ಮಿಂಚುತ್ತಿರುವ ರಾಮ್ ಚರಣ್ ಬಳಿ ಹಲವು ದುಬಾರಿ ವಾಚ್‌ಗಳಿವೆ. ಕೋಟಿಗಳಲ್ಲಿ ಸಂಭಾವನೆ ಪಡೆಯುವ ಇವರು, ದಿನಕ್ಕೊಂದು ಲಕ್ಷ, ಕೋಟಿ ಬೆಲೆಬಾಳುವ ವಾಚ್‌ಗಳನ್ನೇ ಬಳಸುತ್ತಾರೆ. ಅಂದ್ಹಾಗೆ ರಾಮ್ ಚರಣ್ ಬಳಿ 7ಕ್ಕೂ ಹೆಚ್ಚು ದುಬಾರಿ ವಾಚ್‌ಗಳಿವೆ.  18 ಕ್ಯಾರೆಟ್‌ನ ಯಲ್ಲೋ ಗೋಲ್ಡ್‌ನಲ್ಲಿ ತಯಾರಿಸಲಾದ 13 ಲಕ್ಷದ ರೊಲೆಕ್ಸ್, 68 ಲಕ್ಷದ ಪಾಟೆಕ್ ಫಿಲಿಪ್, 18 ಲಕ್ಷದ ಹಬ್ಲೋಟ್ ಕಿಂಗ್, 1.5 ಕೋಟಿ ರೂಪಾಯಿ ಮೌಲ್ಯದ ರಿಚರ್ಡ್ ಮಿಲ್ಲೆ,  75 ಲಕ್ಷದ ರಾಯಲ್ ಓಕ್, 43 ಲಕ್ಷದ ರಾಯಲ್ ಓಕ್ ಲೊಬ್ರೋನ್, 22 ಲಕ್ಷದ ರಾಯಲ್ ಓಕ್ ಬ್ಲ್ಯೂ ಎಂಬ ದುಬಾರಿ ವಾಚ್‌ಗಳಿವೆ.

ಸ್ಯಾಂಡಲ್‌ವುಡ್‌ನ ಸ್ಟೈಲಿಶ್ ಹೀರೋ ಕಿಚ್ಚ ಸುದೀಪ್. ಎಲ್ಲರೂ ಎಡೈಗೆ ವಾಚ್ ಕಟ್ಟಿದರೆ, ಸುದೀಪ್ ಮಾತ್ರ ಬಲಗೈಗೆ ಕಟ್ಟುತ್ತಾರೆ. ಸುದೀಪ್ ಮೊದಲು ವಾಚ್ ಬಳಸುತ್ತಿರಲಿಲ್ಲ. ಆದರೆ, ಇತ್ತೀಚಿನ ವರ್ಷಗಳಲ್ಲಿ ವಾಚ್ ಕಟ್ಟುತ್ತಿದ್ದಾರೆ. ಸುದೀಪ್ ಬಳಿ 1.5 ಕೋಟಿ ರೂಪಾಯಿ ಮೌಲ್ಯದ ರಿಚರ್ಡ್ ಮಿಲ್ಲೆ ವಾಚ್ ಇದೆ. ರಿಚರ್ಡ್ ಮಿಲ್ಲೆ ಐಷಾರಾಮಿ ವಾಚ್‌ಗಳನ್ನು ತಯಾರಿಸುವುದರಲ್ಲಿ ಹೆಸರುವಾಸಿಯಾಗಿದೆ. ಉದ್ಯಮಿಗಳು, ಸೆಲೆಬ್ರಿಟಿಗಳು, ಉದ್ಯಮಿಗಳು, ಕ್ರೀಡಾಪಟುಗಳೇ ಹೆಚ್ಚಾಗಿ ಇವರ ಕಸ್ಟಮರ್ಸ್‌.

ಸೌತ್ ಸಿನಿಮಾರಂಗದಲ್ಲಿ ಅತಿಹೆಚ್ಚು ಸಂಭಾವನೆ ಪಡೆಯುವ ನಟರ ಪೈಕಿ ಜೂನಿಯರ್ ಎನ್‌ಟಿಆರ್ ಕೂಡ ಒಬ್ಬರು. ಇವರ ಬಳಿ ಗಲಿವು ದುಬಾರಿ ಮನೆ, ಕಾರುಗಳು ಜೊತೆಗೆ ವಾಚ್‌ಗಳು ಇದ್ದಾವೆ. ಒಮ್ಮೊಮ್ಮೆ ಒಂದೊಂದು ದುಬಾರಿ ವಾಚ್‌ಗಳನ್ನು ಧರಿಸುವ ಜೂನಿಯರ್ ಎನ್‌ಟಿಆರ್, ಕೆಲ ತಿಂಗಳ ಹಿಂದೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಸಖತ್ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದರು. ಈ ವೇಳೆ ಅವರು ರಿಚರ್ಡ್ ಮೈಲ್ 40-01 ಟರ್ಬಿಲೈನ್ ಮೆಕ್‌ಲ್ಯಾರೆನ್ ಸ್ಪೀಡ್‌ಡೈಲ್ ವಾಚ್ ಧರಿಸಿದ್ದರು. ಇದರ ಬೆಲೆ ಬರೋಬ್ಬರಿ 7.47 ಕೋಟಿ ರೂಪಾಯಿ. ಇದಲ್ಲದೇ, 4 ಕೋಟಿ ಮಳ್ಯದ ರಿಚರ್ಡ್ ಮಿಲ್ಲೆ ಎಫ್೧ ಲಿಮಿಟೆಡ್ ಎಡಿಷನ್, 1.5 ಕೋಟಿ ರೂ ಮೌಲ್ಯದ ರಿಚರ್ಡ್ ಮಿಲ್ಲೆ RM 11-03 ಮೆಕ್‌ಲಾರೆನ್ ಆಟೋಮೆಟಿಕ್ ಫ್ಲೈಬ್ಯಾಕ್ ಕ್ರೊನೊಗ್ರಾಫ್ ವಾಚ್‌ ಇದೆ.

ರಾಕಿಂಗ್ ಸ್ಟಾರ್ ಯಶ್ ತೆರೆಮೇಲೆ ಎಷ್ಟು ಸ್ಟೈಲಿಶ್ ಆಗಿ ಕಾಣಿಸಿಕೊಳ್ಳುತ್ತಾರೋ, ರಿಯಲ್‌ ಲೈಫ್‌ನಲ್ಲೂ ಸಿಕ್ಕಾಪಟ್ಟೆ ಸ್ಟೈಲಿಶ್ ಆಗಿ ಮಿಂಚುತ್ತಾರೆ. ಈ ಹಿಂದೆ ಯಶ್ ಕೆಜಿಎಫ್ ೨ ಟ್ರೇಲರ್ ರಿಲೀಸ್ ಕಾರ್ಯಕ್ರಮದಲ್ಲಿ ಧರಿಸಿದ್ದ ವಾಚ್ ಸಿಕ್ಕಾಪಟ್ಟೆ ಗಮನ ಸೆಳೆದಿತ್ತು. ಈ ಸಂದರ್ಭ ಯಶ್ ಧರಿಸಿದ್ದ ವಾಚ್ 'ಪಟೆಕ್ ಫಿಲಿಪ್' ಕಂಪನಿಯದ್ದು ಎನ್ನಲಾಗಿದೆ. ಈ ವಾಚ್‌ನ ಬೆಲೆ 3.50 ಅಂತ ಅಂದಾಜಿಸಲಾಗಿದೆ. ಇದು ಜಗತ್ತಿನ ಅತ್ಯಂತ ದುಬಾರಿ ವಾಚ್‌ ಬ್ರ್ಯಾಂಡ್‌ಗಳಲ್ಲಿ ಒಂದಾಗಿದೆ.

ಮಾಲಿವುಡ್ ಸೂಪರ್ ಸ್ಟಾರ್‌ಗಳಲ್ಲಿ ಒಬ್ಬರಾದ ಮೋಹನ್‌ ಲಾಲ್ ಅವರಿಗೀಗ 64 ವರ್ಷ ವಯಸ್ಸು. ಮಲಯಾಳಂ ಚಿತ್ರರಂಗದಲ್ಲಿ ಇಂದಿಗೂ ಇವರಿಗಿರುವ ಬೇಡಿಕೆ ಮತ್ಯಾರಿಗೂ ಇಲ್ಲ. ಎಲ್ಲಾ ಭಾಷೆಗಳಲ್ಲೂ ತಮ್ಮದೇ ಅಭಿಮಾನಿಗಳನ್ನು ಪಡೆದುಕೊಂಡಿರುವ ಇವರು, ಹಲವು ದುಬಾರಿ ವಾಚ್‌ಗಳನ್ನು ಹೊಂದಿದ್ದಾರೆ. ಇವರ ಬಳಿ 1.8 ಕೋಟಿ ಮೌಲ್ಯದ ರಿಚರ್ಡ್ ಮಿಲ್ಲೆ 030, 1.5 ಕೋಟಿ ಮೌಲ್ಯದ ರಿಚರ್ಡ್ ಮಿಲ್ಲೆ 11-03 ಮೆಕ್‌ಲಾರೆನ್, 75-80 ಲಕ್ಷ ರೂ ಮೌಲ್ಯದ ಪಟೆಕ್ ಫಿಲಿಪ್ ಅಕ್ವಾನಾಟ್, 22 ಲಕ್ಷದ ಬ್ರೆಗೆಟ್ ಟ್ರೆಡಿಷನ್ ಆಟೋಮ್ಯಾಟಿಕ್, 14-24 ಲಕ್ಷದ ರೋಲೆಕ್ಸ್ ಯಾಚ್ಟ್ ಸೇರಿದಂತೆ ಇನ್ನು ಹಲವು ದುಬಾರಿ ವಾಚ್‌ಗಳಿವೆ.