ವ್ಯಾಲೆಂಟೈನ್ಸ್ ಡೇ ಪ್ರಯುಕ್ತ ಒಟಿಟಿ ಎಂಟ್ರಿಕೊಡುತ್ತಿರುವ ಸಿನಿಮಾ & ವೆಬ್ ಸೀರೀಸ್‌ಗಳಿವು!

ಯಾಮಿ ಗೌತಮ್ ಹಾಗೂ ಪ್ರತೀಕ್ ಗಾಂಧಿ ನಟನೆಯ 'ಧೂಮ್ ಧಾಮ್' ಸಿನಿಮಾ ಕೂಡ ಇದೇ ಫೆಬ್ರವರಿ 14ರಂದು ನೆಟ್‌ಫ್ಲಿಕ್ಸ್ ಒಟಿಟಿ ವೇದಿಕೆಯಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಇದೊಂದು ರೊಮ್ಯಾಂಟಿಕ್ ಕಾಮಿಡಿ ಚಿತ್ರವಾಗಿದ್ದು, ರಿಷಭ್ ಸೇತ್ ನಿರ್ದೇಶನ ಮಾಡಿದ್ದಾರೆ.

ಪ್ಯಾರ್ ಟೆಸ್ಟಿಂಗ್ ಎಂಬ ಹಿಂದಿ ಸಿನಿಮಾ ಕೂಡ ಪ್ರೇಮಿಗಳ ದಿನದ ಪ್ರಯುಕ್ತ ಫೆಬ್ರವರಿ 14ರಂದು ಜೀ5 ಒಟಿಟಿ ವೇದಿಕೆಯಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಸತ್ಯಜಿತ್ ದುಬೆ, ನೀಲು ದೋಗ್ರಾ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ಈ ಚಿತ್ರವನ್ನು ಶಿವವರ್ಮ ಹಾಗೂ ಸಪ್ತರಾಜ್ ನಿರ್ದೆಶನ ಮಾಡಿದ್ದಾರೆ.

ಕೊರಿಯನ್ ವೆಬ್ ಸರಣಿ ಮೆಲೋ ಮೂವಿ ಕೂಡ ಫೆಬ್ರವರಿ 14ರಿಂದ ನೆಟ್‌ಫ್ಲಿಕ್ಸ್ ಒಟಿಟಿ ವೇದಿಕೆಯಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ.

ಕಾಲಿವುಡ್ ನಟ ಜಯಂ ರವಿ ಹಾಗೂ ನಿತ್ಯ ಮೆನನ್ ಅಭಿನಯದ ಕಾದಲಿಕ್ಕ ನೇರವಿಲೈ ಸಿನಿಮಾ ಇದೇ ಫೆಬ್ರವರಿ 11ರಿಂದ ನೆಟ್‌ಫ್ಲಿಕ್ಸ್ ಒಟಿಟಿ ವೇದಿಕೆಯಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಇದರ ಜೊತೆಗೆ 'ಬಾಬಿ ಔರ್ ರಿಷಿ ಕಿ ಲವ್‌ಸ್ಟೋರಿ' ಕೂಡ  ಫೆಬ್ರವರಿ 11ರಿಂದ ಡಿಸ್ನಿ ಹಾಟ್‌ಸ್ಟಾರ್‌ನಲ್ಲಿ ಪ್ರಸಾರ ಕಾಣುತ್ತಿವೆ.