ಬಬ್ರು ಕಥೆ

ಸುಜಯ್ ರಾಮಯ್ಯ ಅವರ ನಿರ್ದೇಶನದಲ್ಲಿ ಮೂಡಿ ಬರುತ್ತಿರುವ ಈ ಚಿತ್ರ ಸುಮನ್ ನಗರಕರ್ ಪ್ರೊಡಕ್ಷನ್ಸ್ ಮತ್ತು ಯುಗ ಕ್ರಿಯೇಷನ್ಸ್ ನಿರ್ಮಾಣದಲ್ಲಿ ಮೂಡಿ ಬಂದಿದೆ. ಚಿತ್ರದಲ್ಲಿ ಬೆಳದಿಂಗಳ ಬಾಲೆ ಸುಮನ್ ನಗರ್ ಕರ್ , ಮಾಹಿ ಹಿರೇಮಠ್, ರೇ ತೊಸ್ತಾಡೋ, ಸನ್ನಿ ಮೋಜ, ಪ್ರಕೃತಿ ಕಶ್ಯಪ್ ಮುಂತಾದವರು ಮುಖ್ಯ ಭೂಮಿಕೆಯಲ್ಲಿ ಬಣ್ಣ ಹಚ್ಚಿದ್ದಾರೆ. ಪೂರ್ಣಚಂದ್ರ ತೇಜಸ್ವಿಯವರ ಸಂಗೀತ ನಿರ್ದೇಶನ, ಬಿಂದು ಮಾಧವ ಅವರ ಸಂಕಲನವಿರುವ ಈ ಚಿತ್ರ ಸುಮುಖ ಹಾಗೂ ಸುಜಯ್ ರಾಮಯ್ಯ ಅವರ ಕ್ಯಾಮೆರಾ ಕಣ್ಣಿನಲ್ಲಿ ಸೊಗಸಾಗಿ ಮೂಡಿದೆ.ನವೆಂಬರ್ ಒಂದು ಕನ್ನಡ ರಾಜ್ಯೋತ್ಸವದ ದಿನದಂದು ಕ್ಯಾಲಿಪೋರ್ನಿಯಾದ ಸಿನಿಲಾಂಜ್ ನಲ್ಲಿ ಪ್ರದರ್ಶನಗೊಂಡ "ಬಬ್ರೂ" NRI ಕನ್ನಡಿಗರ ಮೆಚ್ಚುಗೆಯನ್ನು ಪಡೆಯಿತು.

ಪ್ರೀತಿಯನ್ನು ಹೇಳಿಕೊಳ್ಳಬೇಕೆಂದು ಉತ್ಸಾಹದಿಂದ ಅಮೇರಿಕಾದಿಂದ ಕೆನಡಾಗೆ ಹೊರಟಿರುವ ಯುವಕ ಅರ್ಜನ್, ಅದೇ ಊರಿಗೆ ಹೊರಟಿರುವ ಸನಾ, ಆಗಲೆ ಬುಕ್ ಮಾಡಿದ್ದ ಕಾರಿನಲ್ಲಿ ಪಯಣ ಬೆಳೆಸಲು ಬಂದ ಅರ್ಜುನ್ ಗೆ ಕಾರು ಸಿಗುವುದಿಲ್ಲ. ತಡವಾಗಿ ಬಂದ ಕಾರಣ ಕಾರು ಸನಾ ಪಾಲಾಗಿರುತ್ತೆ. ಆಗಲೆ ಅರ್ಜುನ್ ಮತ್ತು ಸನಾ ಇಬ್ಬರು ಆಕಸ್ಮಿಕವಾಗಿ ಭೇಟಿಯಾಗುತ್ತಾರೆ. ಇಬ್ಬರು ಕನ್ನಡಿಗರಾದ ಕಾರಣ ಸ್ನೇಹಿತರಾಗಿ ಒಂದೆ ಕಾರಿನಲ್ಲಿ ಜರ್ನಿ ಪ್ರಾರಂಭಿಸುತ್ತಾರೆ. ಇವರಿಬ್ಬರನ್ನು ಒಂದು ಮಾಡಿದ್ದು ಬಬ್ರೂ ಕಾರು..ಮುಂದೆ ಇವರ ಪಯಣ ಹೇಗಿರುತ್ತದೆ ಎಂಬುದು ಚಿತ್ರದ ಕಥೆ.