ಘೋಸ್ಟ್ ಕಥೆ

ಎಂ.ಜಿ. ಶ್ರೀನಿವಾಸ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಆ್ಯಕ್ಷನ್ ಥ್ರಿಲ್ಲರ್ ಚಿತ್ರ `ಘೋಸ್ಟ್'ನಲ್ಲಿ ಸೆಂಚುರಿ ಸ್ಟಾರ್ ಶಿವರಾಜ್‌ಕುಮಾರ್ ನಾಯಕನಾಗಿ ನಟಿಸಿದ್ದಾರೆ. ಬಾಲಿವುಡ್ ಖ್ಯಾತ ನಟ ಅನುಪಮ್ ಖೇರ್, ಪ್ರಶಾಂತ್ ನಾರಾಯಣ್, ಅರ್ಚನಾ ಜೋಯಿಸ್, ಸತ್ಯ ಪ್ರಕಾಶ್, ಜಯರಾಮ್‌, ದತ್ತಣ್ಣ ಸೇರಿದಂತೆ ಹಲವರು ತಾರಾಗಣದಲ್ಲಿದ್ದಾರೆ.

ಈ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ನೀಡಿದ್ದು, ಮಹೇಂದ್ರ ಸಿಂಹ ಛಾಯಾಗ್ರಹಣ ಮಾಡಿದ್ದಾರೆ. ಸಂದೇಶ್ ನಾಗರಾಜ್ ಸಿನಿಮಾಗೆ ಬಂಡವಾಳ ಹೂಡಿದ್ದು, ದೀಪು ಎಸ್ ಕುಮಾರ್ ಸಂಕಲನವಿದೆ. ಸಿನಿಮಾದಲ್ಲಿ ಶಿವಣ್ಣನ ಲುಕ್, ಮ್ಯಾನರಿಸಂ ಹಾಗೂ ಡೈಲಾಗ್ ಡಿಲೇವರಿ ಫ್ಯಾನ್ಸ್‌ಗೆ ಕಿಕ್ ಕೊಡುತ್ತೆ.

ಕಥೆ: 'ಘೋಸ್ಟ್‌' ಒಂದು ಜೈಲ್ ಹೈಜಾಕ್ ಮಾಡುವ ಕಥೆ. ಅದನ್ನು ಮಾಡೋದು ಶಿವಣ್ಣ. ಅಷ್ಟಕ್ಕೂ ಶಿವಣ್ಣ ಯಾಕೆ ಜೈಲ್ ಅನ್ನು ಹೈಜಾಕ್ ಮಾಡಿದ್ರು? ಈ ಹೈಜಾಕ್‌ ಹಿಂದಿರೋ ಐಡಿಯಾ ಏನು? ಹಣಕ್ಕಾಗಿ ಮಾಡಿದ್ರಾ ಅಥವಾ ವೈಯಕ್ತಿಕ ಕಾರಣಕ್ಕೆ ಹೈಜಾಕ್ ಮಾಡಿದ್ರಾ? ಎಂಬುದೇ ಈ ಸಿನಿಮಾದ ಪ್ರಮುಖ ಕಥೆ. ಶಿವರಾಜ್‌ಕುಮಾರ್ ಹಾಗೂ ಜಯರಾಮ್ ನಡುವಿನ ಜಿದ್ದಾಜಿದ್ದಿ ಈ ಚಿತ್ರದ ಹೈಲೈಟ್.

ಒಟಿಟಿ ಹಕ್ಕು

ಘೋಸ್ಟ್ ಒಟಿಟಿ ಹಕ್ಕನ್ನು ಜೀ5 ಪಡೆದುಕೊಂಡಿದ್ದು, ಯಾವ ದಿನದಂದು ಬಿಡುಗಡೆಯಾಗಲಿದೆ ಎಂಬ ದಿನಾಂಕ ಇನ್ನೂ ನಿಗದಿಯಾಗಿಲ್ಲ.

ಬಿಡುಗಡೆ: ಘೋಸ್ಟ್ ಸಿನಿಮಾ ಅಕ್ಟೋಬರ್ 19ರಂದು ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿ ಬಿಡುಗಡೆಯಾಯಿತು.

ಒಟಿಟಿ ರಿಲೀಸ್: ಘೋಸ್ಟ್ ಸಿನಿಮಾ 2023ರ ನವೆಂಬರ್ 17ರಂದು ಜೀ5 ಒಟಿಟಿ ಫ್ಲಾಟ್‌ಫಾಮ್‌ನಲ್ಲಿ ಬಿಡುಗಡೆಯಾಯಿತು.

ಈ 5 ಕಾರಣಗಳಿಗಾಗಿ ನೀವು ಕನ್ನಡದ 'ಘೋಸ್ಟ್' ಸಿನಿಮಾ ಮಿಸ್ ಮಾಡದೇ ನೋಡಲೇಬೇಕು!