ಮುಖಪುಟ

ಸಿನಿ ಸಮಾಚಾರ

ಹಿಂದಿನ ಚಿತ್ರಗಳ ಹಾಡಿನ ಪಲ್ಲವಿ ಇಂದಿನ ಚಿತ್ರದ ಶೀರ್ಷಿಕೆಗಳಾಗುತ್ತಿರುವ ಈ ಸಂದರ್ಭದಲ್ಲಿ ಆ ಸಾಲಿಗೆ ಸೇರುತ್ತಿರುವ ಮತ್ತೊಂದು ಚಿತ್ರ 'ಹೃದಯದಲ್ಲಿ ಇದೇನಿದು'. ವಿಶಿಷ್ಟ ಪ್ರೇಮಕತೆಯುಳ್ಳ ಈ ಚಿತ್ರದ ಚಿತ್ರೀಕರಣ ಸರಾಗವಾಗಿ ನಡೆಯುತ್ತಿದೆ ಎಂದು ಪತ್ರಕರ್ತ, ನಿರ್ದೇಶಕ ಶಿವನ್ ತಿಳಿಸಿದ್ದಾರೆ.

ಶ್ರೀಹುಲಿಯೂರು ದುರ್ಗಾಂಬ ಪ್ರೊಡಕ್ಷನ್ ಲಾಂಛನದಲ್ಲಿ ಕುಮಾರಿ ದರ್ಶನ್‌ಪ್ರಿಯಾ ಹಾಗೂ ಕುಮಾರಿ ರೋಹಿಣಿ ನಿರ್ಮಿಸುತ್ತಿರುವ ಈ ಚಿತ್ರಕ್ಕೆ ಕೆಂಪಾಪುರದ ಖಾಸಗಿ ಮನೆಯೊಂದರಲ್ಲಿ ಚಿತ್ರೀಕರಣ ಸಾಗುತ್ತಿದೆ. ಮುಂಬೈನಿಂದ ಆಗಮಿಸಿದ ನಾಯಕಿ ರೂಪಾಲಿ ತಾತ ಲೋಕನಾಥ್ ನಿವಾಸದಲ್ಲಿ ಮತ್ತೊಬ್ಬ ನಾಯಕಿ ವಂದನಾಗುಪ್ತಾಳೊಂದಿಗೆ ಹರಟುವ ಸನ್ನಿವೇಶ ಈ ಭಾಗದಲ್ಲಿ ಚಿತ್ರೀಕೃತವಾಗಿದೆ.

ನಿರ್ದೇಶಕರೇ ಕತೆ, ಚಿತ್ರಕತೆ, ಸಂಭಾಷಣೆ ಬರೆದಿರುವ ಈ ಚಿತ್ರಕ್ಕೆ ತ್ಯಾಗರಾಜನ್ ಅವರ ಛಾಯಾಗ್ರಹಣವಿದೆ. ಧರ್ಮಪ್ರಕಾಶ್ ಸಂಗೀತ, ನಾಗೇಂದ್ರಪ್ರಸಾದ್, ಕವಿರಾಜ್, ಜಯಂತಕಾಯ್ಕಿಣಿ ಗೀತರಚನೆ, ತವಸಿರಾಜ್ ಸಾಹಸ, ಹೊಸ್ಮನೆಮೂರ್ತಿ ಕಲೆ ಹಾಗೂ ವೇಣುಗೋಪಾಲ್ ನಿರ್ಮಾಣನಿರ್ವಹಣೆಯಿರುವ ಚಿತ್ರದ ತಾರಾಬಳಗದಲ್ಲಿ ರಾಹುಲ್, ರೂಪಾಲಿ, ವಂದನಾಗುಪ್ತ, ಅವಿನಾಶ್, ರಂಗಾಯಣರಘು, ಸುಧಾಬೆಳವಾಡಿ, ಚಿತ್ರಾಶೆಣೈ ಮುಂತಾದವರಿದ್ದಾರೆ.

(ದಟ್ಸ್‌ಕನ್ನಡ ಸಿನಿವಾರ್ತೆ)