2022 ಮೇ ತಿಂಗಳಿನಲ್ಲಿ ಓಟಿಟಿ ಮಾಧ್ಯಮಗಳಲ್ಲಿ ಬಿಡುಗಡೆಯಾಗುತ್ತಿರುವ ಚಲನಚಿತ್ರಗಳು

ಭಾರತದಾದ್ಯಂತ ಚಿತ್ರಮಂದಿರಗಳಲ್ಲಿ ಜಯಭೇರಿ ಗಳಿಸಿದ ಯಶ್ ಅಭಿನಯದ ಕೆಜಿಎಫ್ ಚಾಪ್ಟರ್ 2 ಮೇ 27 ರಂದು ಅಮೇಜಾನ್ ಪ್ರೈಮ್ ವೀಕ್ಷಕರಿಗೆ ಉಚಿತ ವೀಕ್ಷಣಗೆ ಲಭ್ಯವಿದೆ. ಇದಕ್ಕೂ ಹತ್ತು ದಿನ ಮುನ್ನವೇ ರೆಂಟಲ್ ಮೂಲಕ ಚಿತ್ರವನ್ನು ನೋಡುವ ವ್ಯವಸ್ಥೆಯನ್ನು ಪ್ರೈಮ್ ಮಾಡಿತ್ತು. 

ರಾಜಮೌಳಿ ನಿರ್ದೇಶನದಲ್ಲಿ ಮೂಡಿಬಂದ RRR ಚಿತ್ರವೂ ಮೇ 20 ರಿಂದ ಜೀ5 ಮತ್ತು ನೆಟ್‌ಫ್ಲಿಕ್ಸ್ ನಲ್ಲಿ ಪ್ರಸಾರವಾಗಲಿದೆ. ಮೊದಲಿಗೆ ಚಿತ್ರವೂ ರೆಂಟಲ್ ಆಧಾರದ ಮೇಲೆ ಲಭ್ಯವಾಗಲಿದೆ.

ವಿವೇಕ್ ಅಗ್ನಿಹೋತ್ರಿ ನಿರ್ದೇಶನದ `ದಿ ಕಾಶ್ಮೀರ್ ಫೈಲ್ಸ್' ಚಿತ್ರ ಕಾಶ್ಮೀರಿ ಪಂಡಿತರು ಅನುಭವಿಸಿದ ನರಕಯಾತನೆಯನ್ನು ಚಿತ್ರಮಂದಿರಗಳ ಮೂಲಕ ದೇಶಾದ್ಯಂತ ತೆರೆದಿಟ್ಟಿತು. ಕಾಶ್ಮೀರಿ ಪಂಡಿತರು ಮೂವತ್ತು ವರ್ಷಗಳ ಹಿಂದೆ ತಾವು ಹುಟ್ಟಿ ಬೆಳೆದ ಭೂಮಿಯನ್ನು ತೊರೆದು, ತಮ್ಮ ದೇಶದಲ್ಲಿಯೇ ನಿರಾಶ್ರಿತರಾಗಿ ಬೆಳೆದ ಕಥೆಯನ್ನು ಹೇಳಿತು.

ಅಮಿತಾಭ್ ಬಚ್ಚನ್ ಮುಖ್ಯ ಪಾತ್ರದಲ್ಲಿ ನಟಿಸಿರುವ ಝುಂಡ್ ಚಿತ್ರ 2022 ಮೇ 6 ಕ್ಕೆ ಜೀ5 ನಲ್ಲಿ ಬಿಡುಗಡೆಯಾಗಿದೆ. ನಿವೃತ್ತ ಕ್ರೀಡಾ ಕೋಚ್ `ವಿಜಯ್ ಬರ್ಸೆ' ಹೇಗೆ ಸ್ಲಮ್ ಫೂಟ್‌ಬಾಲ್ ಸಂಘವನ್ನು ಕಟ್ಟುತ್ತಾರೆ ಎಂಬ ಕಥೆಯನ್ನು ಹೊಂದಿದೆ.

ರಾಜ್ ಸಿಂಗ್ ಚೌಧರಿ ನಿರ್ದೇಶನದಲ್ಲಿ ಮೂಡಿಬಂದಿರುವ ಥಾರ್ ಚಿತ್ರದಲ್ಲಿ ಅನಿಲ್ ಕಪೂರ್, ಫಾತಿಮಾ ಸನಾ ಶೇಖ್ ಮತ್ತು ಹರ್ಷವರ್ಧನ್ ಕಪೂರ್ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದಾರೆ. ಚಿತ್ರ ಮೇ 6 ರಂದು ನೆಟ್‌ಫ್ಲಿಕ್ಸ್ ನಲ್ಲಿ ಬಿಡುಗಡೆಯಾಗುತ್ತಿದೆ.

ಮ್ಯಾಟ್ರಿಕ್ಸ್ ಸರಣಿಯಲ್ಲಿನ `ದಿ ಮ್ಯಾಟ್ರಿಕ್ಸ್ ರಿಸರೆಕ್ಷನ್' ಚಿತ್ರ ಅಮೇಜಾನ್ ಪ್ರೈಮ್ ವೀಡಿಯೋದಲ್ಲಿ ಮೇ 6 ರಂದು ಬಿಡುಗಡೆಯಾಗಲಿದೆ. ಕೀನು ರೀವ್ಸ್ ಮತ್ತೆ ನಿಯೋ ಪಾತ್ರದಲ್ಲಿ ಮಿಂಚಿದ್ದಾರೆ.

ಅರುಣ್ ಮಾಥೇಶ್ವರನ್ ನಿರ್ದೇಶನದಲ್ಲಿ ಮೂಡಿಬಂದ `ಸಾನಿ ಕಾಯಿಧಮ್' ಚಿತ್ರ ಅಮೇಜಾನ್ ಪ್ರೈಮ್ ವೀಡಿಯೋದಲ್ಲಿ ಬಿಡುಗಡೆಯಾಗುತ್ತಿದೆ. ತನಗೆ ಮತ್ತು ತನ್ನ ಕುಟುಂಬಕ್ಕೆ ಆದ ಅನ್ಯಾಯವನ್ನು ಸರಿಪಡಿಸಿಕೊಳ್ಳುವ ಪಾತ್ರದಲ್ಲಿ ಕೀರ್ತಿ ಸುರೇಶ್ ನಟಿಸಿದ್ದಾರೆ.

ಪಿ.ಆರ್.ಕೆ ಪ್ರೊಡಕ್ಷನ್ಸ್ ನಲ್ಲಿ ಮೂಡಿ ಬಂದಿರುವ ಮ್ಯಾನ್ ಆಫ್ ದಿ ಮ್ಯಾಚ್ ಚಿತ್ರ ಮೇ 5 ರಂದು ಅಮೇಜಾನ್ ಪ್ರೈಮ್ ವೀಡಿಯೋದಲ್ಲಿ ಬಿಡುಗಡೆಯಾಗಿದೆ.