Kannada Actresses: ನೋಡಲು ಒಂದೇ ರೀತಿ ಕಾಣುವ ನಟಿಯರಿವರು!

ಚೈತ್ರಾ ಆಚಾರ್‌ ಸ್ಯಾಂಡಲ್‌ವುಡ್‌ನ ಭರವಸೆಯ ನಟಿಯರಲ್ಲೊಬ್ಬರು. ಟೋಬಿ ಹಾಗೂ ಸಪ್ತ ಸಾಗರಾಚೆ ಎಲ್ಲೋ ಸೈಡ್ ಬಿ ಸಿನಿಮಾಗಳಲ್ಲಿ ಅದ್ಭುತವಾಗಿ ಅಭಿನಯಿಸಿದ್ದ ಚೈತ್ರಾ ಕನ್ನಡಿಗರ ಮನಗೆದ್ದಿದ್ದರು. ಚೈತ್ರಾ ಅವರನ್ನು ಕನ್ನಡದ ಆಲಿಯ ಭಟ್ ಅಂತಲೇ ಕರೆಯಲಾಗುತ್ತೆ. ಯಾಕೆಂದರೆ, ಚೈತ್ರಾ ಆಚಾರ್ ನೋಡಲು ಸೇಮ್ ಟು ಸೇಮ್ ಬಾಲಿವುಡ್ ನಟಿ ಆಲಿಯಾ ಅವರನ್ನೇ ಹೋಲುತ್ತಾರೆ.

ಮೀರಾ ಮಾಧವ ಹಾಗೂ ಗಾಂಧಾರಿ ಧಾರಾವಾಹಿ ಮೂಲಕ ಪ್ರೇಕ್ಷಕರ ಮನಗೆದ್ದಿದ್ದ ನಟಿ ಕಾವ್ಯಾ ಗೌಡ ಅವರನ್ನು ಕಿರುತೆರೆ ರಾಧಿಕಾ ಪಂಡಿತ್ ಅಂತಲೇ ಕರೆಯಲಾಗುತ್ತೆ. ಹೌದು..ಕಾವ್ಯಾ ಅವರು ನೋಡಲು ಸ್ಯಾಂಡಲ್‌ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಅವರನ್ನೇ ಹೋಲುತ್ತಾರೆ.  ಧಾರಾವಾಹಿ ಮಾತ್ರವಲ್ಲದೇ, ಕೆಲ ಸಿನಿಮಾಗಳಲ್ಲಿ ಬಣ್ಣಹಚ್ಚಿದ್ದ ಈ ನಟಿ ಸದ್ಯ ನಟನೆಯಿಂದ ದೂರ ಉಳಿದಿದ್ದಾರೆ.

ನಂದ ಲವ್ಸ ನಂದಿತಾ ಸಿನಿಮಾ ಖ್ಯಾತಿಯ ನಂದಿತಾ ಶ್ವೇತಾ ಹಾಗೂ ಹಾಗೂ ಕಿಚ್ಚ ಸುದೀಪ್ ನಟನೆಯ ನಂದಿ ಸಿನಿಮಾ ಖ್ಯಾತಿಯ ಸಿಂಧು ಮೆನನ್ ಇಬ್ಬರು  ಅಕ್ಕ-ತಂಗಿಯರು ಎನ್ನುವಷ್ಟು ಒಂದೇ ರೀತಿ ಕಾಣಿಸುತ್ತಾರೆ. ಬೆಂಗಳೂರಿನಲ್ಲಿ ಜನಿಸಿದ ಈ ನಟಿಯರು, ಸದ್ಯ ಪರಭಾಷಾ ಸಿನಿಮಾರಂಗದಲ್ಲಿ ಸಕ್ರಿಯರಾಗಿದ್ದಾರೆ. 

ಕನ್ನಡ, ತೆಲುಗು, ತಮಿಳು, ಮಲಯಾಳಂ, ಹಿಂದಿ, ಭೋಜಪುರಿ, ಬೆಂಗಾಳಿ ಭಾಷೆಗಳಲ್ಲಿ ಸುಮಾರು 100ಕ್ಕೂ ಹೆಚ್ಚು ಚಿತ್ರಗಳಲ್ಲಿ ನಟಿಸಿರುವ ರಂಭಾ ಹಾಗೂ ದುರಂತ ಅಂತ್ಯ ಕಂಡ ನಟಿ ದಿವ್ಯಾ ಭಾರತಿ ನೋಡಲು ಸೇಮ್ ಟು ಸೇಮ್ ಕಾಣಿಸುತ್ತಾರೆ. ಕನ್ನಡ ಚಿತ್ರರಂಗದಲ್ಲಿ ಸರ್ವರ್ ಸೋಮಣ್ಣ ಚಿತ್ರದಿಂದ ಸಿನಿಪಯಣ ಆರಂಭಿಸಿದ ರಂಭಾ, ನಂತರ ಓ ಪ್ರೇಮವೇ, ಭಾವ ಭಾಮೈದ, ಸಾಹುಕಾರ, ಪಾಂಡುರಂಗ ವಿಠ್ಠಲ, ಗಂಡುಗಲಿ ಕುಮಾರರಾಮ ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಲವ್ ಮಾಕ್ಟೇಲ್ ಖ್ಯಾತಿಯ ಅಮೃತಾ ಅಯ್ಯಂಗಾರ್ ಅವರನ್ನು ಕನ್ನಡದ ಕರೀನಾ ಅಂತ ಕರೆಯಲಾಗುತ್ತದೆ. ಅಮೃತಾ ನೋಡಲು ಬಾಲಿವುಡ್ ಬ್ಯೂಟಿ ಕರೀನಾ ಕಪೂರ್ ಹೋಲುತ್ತಾರೆ. ಪೂರ್ತಿಯಾಗಿ ಅಲ್ಲದಿದ್ದರೂ, ಕೊಂಚಮಟ್ಟಿಗಂತೂ ಇಬ್ಬರ ನಡುವೆ ಹೋಲಿಕೆಯಿದೆ.

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ನಟನೆಯ 'ಪೊರ್ಕಿ' ಸಿನಿಮಾ ಮೂಲಕ ಸಿನಿಪಯಣ ಆರಂಭಿಸಿದ ಪ್ರಣೀತಾ ಸುಭಾಷ್, ಇಂದು ದಕ್ಷಿಣ ಭಾರತದ ಜನಪ್ರಿಯ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ. ಪ್ರಣೀತಾ ನೋಡಲು ಕಾಲಿವುಡ್ ನಟಿ ಕಾಜಲ್ ಅಗರ್‌ವಾಲ್ ಅವರನ್ನು ಹೋಲುತ್ತಾರೆ.