ನಮ್ರತಾ ಟು ಕಾರ್ತಿಕ್: ಬಿಗ್‌ಬಾಸ್‌ ಸ್ಪರ್ಧಿಗಳಲ್ಲಿರುವ ನಿಮಗೆ ತಿಳಿಯದ ಅಸಾಧರಣ ಕೌಶಲ್ಯಗಳಿವು!

ಬಿಗ್‌ಬಾಸ್ ಸೀಸನ್ 10ರಲ್ಲಿ ಪ್ರಬಲ ಸ್ಪರ್ಧಿಯಾಗಿ ಗುರುತಿಸಿಕೊಂಡಿರುವ ಕಾರ್ತಿಕ್ ಮಹೇಶ್, ಕನ್ನಡ ಕಿರುತೆರೆ ಹಾಗೂ ಬೆಳ್ಳಿತೆರೆಯಲ್ಲಿ ತಮ್ಮದೇಯಾದ ಛಾಪು ಮೂಡಿದ್ದಾರೆ. ಕಾರ್ತಿಕ್ ನಟ ಮಾತ್ರವಲ್ಲದೇ, ಕಂಸಾಳೆ ಹಾಗೂ ಡೊಳ್ಳು ಕುಣಿತದಲ್ಲಿ ಪರಿಣಿತಿ ಪಡೆದಿದ್ದಾರೆ. ಡೊಳ್ಳು ಕುಣಿತ ಕಲಾವಿದರಾಗಿರುವ ಕಾರ್ತಿಕ್ ಅಭಿನಯದ 'ಡೊಳ್ಳು' ಸಿನಿಮಾಗೆ ರಾಷ್ಟ್ರ ಪ್ರಶಸ್ತಿ ಕೂಡ ಲಭಿಸಿದೆ. ಈ ಸಿನಿಮಾದಲ್ಲಿನ ಅವರ ನಟನೆಗೆ ಅಪಾರ ಮೆಚ್ಚುಗೆ ವ್ಯಕ್ತವಾಗಿತ್ತು. 

ನಮ್ರತಾ ಗೌಡ ಕೇವಲ ನಟಿ ಮಾತ್ರವಲ್ಲದೇ, ಗ್ರೇಸ್‌ಫುಲ್ ಡ್ಯಾನ್ಸರ್ ಕೂಡ ಹೌದು. ಇವರು ಕ್ಲಾಸಿಕಲ್ ಹಾಗೂ ವೆಸ್ಟರ್ನ್ ನೃತ್ಯದಲ್ಲಿ ಪರಿಣತಿ ಪಡೆದಿದ್ದಾರೆ. ಬಾಲ ಕಲಾವಿದೆಯಾಗಿ ಕನ್ನಡ ಚಿತ್ರರಂಗಕ್ಕೆ ಎಂಟ್ರಿಕೊಟ್ಟ ನಮ್ರತಾ, ಪುಟ್ಟಗೌರಿ ಮದುವೆ ಹಾಗೂ ನಾಗಿಣಿ ಧಾರಾವಾಹಿ ಮೂಲಕ ಸಾಕಷ್ಟು ಜನಪ್ರಿಯತೆ ಪಡೆದುಕೊಂಡಿದ್ದಾರೆ. 

ಬಿಗ್‌ಬಾಸ್ ಮನೆಯಲ್ಲಿರುವ ಮೈಕಲ್ ಅಜಯ್ ನ್ಯಾಷನಲ್ ಲೆವೆಲ್ ಬಾಸ್ಕೆಟ್ ಬಾಲ್ ಪ್ಲೇಯರ್. ಕ್ರೀಡೆಯಲ್ಲಿ ಸದಾ ಮುಂದಿರುವ ಮೈಕಲ್, ಬಿಗ್‌ನಾಸ್ ಮನೆಯ ಫಿಸಿಕಲ್ ಟಾಸ್ಕ್‌ಗಳಲ್ಲೂ ಉತ್ತಮ ಪ್ರದರ್ಶನ ನೀಡಿರುವುದನ್ನು ನಾವು ಗಮನಿಸಿದ್ದೇವೆ. ಬರ್ಗರ್ ಶಾಪ್ ಹೊಂದಿರುವ ಮೈಕಲ್ ಒಳ್ಳೆಯ ಕುಕ್ ಕೂಡ ಹೌದು. 

ಚಿಕ್ಕಂದಿನಿಂದಲೇ ಚಿತ್ರಕಲೆಯಲ್ಲಿ ಸಾಕಷ್ಟು ಆಸಕ್ತಿ ಹೊಂದಿದ್ದ ನೀತು ವನಜಾಕ್ಷಿ, ಚಿತ್ರಕಲೆಯಲ್ಲಿ ಎತ್ತಿದ ಕೈ. ವಿಶುವಲ್ ಆಟ್ಸ್‌ನಲ್ಲಿ ಪದವಿ ಪಡೆದಿರುವ ನೀತು, ಒಳ್ಳೆಯ ಟ್ಯಾಟೂ ಆರ್ಟಿಸ್ಟ್. ಇದಲ್ಲದೇ ಸ್ವಂತ ಹೋಟೆಲ್ ನಡೆಸುತ್ತಿರುವ ನೀತು, ಅಡುಗೆಯಲ್ಲೂ ಮುಂದಿದ್ದಾರೆ. ಜೊತೆಗೆ ಮಾಡೆಲ್ ಆಗಿಯೂ ತಮ್ಮದೇ ಛಾಫು ಮೂಡಿಸಿದ್ದಾರೆ. 

ಬಿಗ್‌ಬಾಸ್ ಮನೆಯ ಇನ್ನೋರ್ವ ಪ್ರಬಲ ಸ್ಪರ್ಧಿ ವಿನಯ್ ಗೌಡ ಕ್ರಿಕೆಟಿಗ. ಕ್ರಿಕೆಟ್‌ನಲ್ಲಿ ಸಾಕಷ್ಟು ಆಸಕ್ತಿ ಹೊಂದಿರುವ ವಿನಯ್, ಬಿಗ್‌ಬಾಸ್ ಮನೆಯ ಎಲ್ಲಾ ಟಾಸ್ಕ್‌ಗಳಲ್ಲೂ ಆಕ್ಟಿವ್ ಆಗಿರುತ್ತಾರೆ. 

ಚಾರ್ಲಿ ಬೆಡಗಿ ಸಂಗೀತಾ ಶೃಂಗೇರಿ ಕೂಡ ಕ್ರೀಡಾಪಟು. ಕಾಲೇಜು ದಿನಗಳಲ್ಲಿ ಎನ್‌ಸಿಸಿ ಕ್ರೆಡೆಟ್ ಆಗಿದ್ದ ಸಂಗೀತಾ, ಕರ್ನಾಟಕ ಖೋಖೋ ತಂಡ ಪ್ರತಿನಿಧಿಸಿ ಗೋಲ್ಡ್ ಮೆಡಲ್ ಪಡೆದಿದ್ದರು. 2014ರಲ್ಲಿ ಸಂಗೀತಾ ಫೆಮಿನಾ ಮಿಸ್ ಇಂಡಿಯಾ ಸ್ಪರ್ಧೆಯ ಟಾಪ್ 10 ಫೈನಲಿಸ್ಟ್‌ಗಳಲ್ಲಿ ಸ್ಥಾನ ಪಡೆದಿದ್ದರು. ಅಲ್ಲದೇ ವರ್ಲ್ಡ್ ಸೂಪರ್ ಮಾಡೆಲ್ ಸ್ಪರ್ಧೆಯಲ್ಲಿ ಭಾಗವಹಿಸಿ, ರನ್ನರ್ ಅಪ್ ಆಗಿದ್ದರು. 

ಬೆಂಗಳೂರಿನ ಆರ್‌ಆರ್‌ ನಗರದಲ್ಲಿ  'ಅಪ್ಪುಸ್ ಕಿಚನ್' ಎಂಬ ನಾನ್‌ವೆಜ್‌ ರೆಸ್ಟೋರೆಂಟ್ ನಡೆಸುತ್ತಿರುವ ತನಿ‍ಷಾ ಕುಪ್ಪಂಡ ಅಡುಗೆ ಮಾಡುವುದರಲ್ಲಿ ಎಕ್ಸಪರ್ಟ್. ಅದರಲ್ಲೂ ನಾನ್‌ವೆಜ್ ಖಾದ್ಯಗಳನ್ನು ತಯಾರಿದುವಲ್ಲಿ ತನಿಷಾ ಎತ್ತಿದ ಕೈ. ಬಿಗ್‌ಬಾಸ್ ಮನೆಯಲ್ಲೂ ಅವರು ಹೆಚ್ಚಾಗಿ ಅಡುಗೆ ಮನೆಯಲ್ಲಿರುವುದನ್ನು ನಾವು ಗಮನಿಸಿದ್ದೇವೆ.