2021 ರಲ್ಲಿ ಭಾರತದಲ್ಲಿ ಗೂಗಲ್ ನಲ್ಲಿ ಅತಿ ಹೆಚ್ಚು ಹುಡುಕಾಡಿದ ಚಲನಚಿತ್ರಗಳು

ಟಿ.ಜೆ ಜ್ಞಾನವೇಲ್ ನಿರ್ದೇಶನದಲ್ಲಿ ಮೂಡಿ ಬಂದಿದ್ದ `ಜೈ ಭೀಮ್' ಈ ವರ್ಷ ಭಾರತದಲ್ಲಿ ಗೂಗಲ್ ನಲ್ಲಿ ಅತಿ ಹೆಚ್ಚು ಹುಡುಕಾಡಿದ ಚಲನಚಿತ್ರವಾಗಿದೆ. ಸೂರ್ಯ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಈ ಚಿತ್ರದ ಬುಡಕಟ್ಟು ಜನಾಂಗದ ಶೋಷಣೆ ಮತ್ತು ಅದರ ವಿರುದ್ಧ ಹೋರಾಡುವ ಒಬ್ಬ ಲಾಯರ್ ಕಥೆಯನ್ನು ಹೊಂದಿತ್ತು.

ವಿಷ್ಣುವರ್ಧನ್ ನಿರ್ದೇಶನದಲ್ಲಿ ಮೂಡಿಬಂದ `ಶೇರಶಾಹ್' ಚಿತ್ರ ಕಾರ್ಗಿಲ್ ಯುದ್ಧದಲ್ಲಿ ವೀರಮರಣ ಹೊಂದಿದ ಕ್ಯಾಪ್ಟನ್ ವಿಕ್ರಮ್ ಭಾತ್ರಾ ಜೀವನ ಚರಿತ್ರೆಯನ್ನು ಹೊಂದಿತ್ತು. ಚಿತ್ರದಲ್ಲಿ ಸಿದ್ಧಾರ್ಥ ಮಲ್ಹೋತ್ರಾ ,ವಿಕ್ರಮ್ ಪಾತ್ರದಲ್ಲಿ ನಟಿಸಿದ್ದರೆ, ಕೈರಾ ಅಡ್ವಾಣಿ `ಡಿಂಪಲ್ ಚೀಮಾ' ಪಾತ್ರದಲ್ಲಿ ನಟಿಸಿದ್ದರು.

ಪ್ರಭುದೇವ ನಿರ್ದೇಶನದಲ್ಲಿ ಮೂಡಿಬಂದ `ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯಿ' ಚಿತ್ರದಲ್ಲಿ ಸಲ್ಮಾನ್ ಖಾನ್ ಜೊತೆ ದಿಶಾ ಪಠಾಣಿ ಡುಯೆಟ್ ಹಾಡಿದ್ದರು. ಕೋರಿಯನ್ ಚಿತ್ರವೊಂದರ ರಿಮೇಕ್ ಆದ ಈ ಚಿತ್ರದಲ್ಲಿ ರಣದೀಪ್ ಹೂಡಾ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು.

ಜಯತೀರ್ಥ ನಿರ್ದೇಶನದಲ್ಲಿ ಮೂಡಿಬಂದ `ಬೆಲ್ ಬಾಟಮ್' ಚಿತ್ರ ಭಾರತದ ವಿಮಾನ ಹೈಜಾಕ್ ವೊಂದರ ಕಥೆಯನ್ನು ಹೊಂದಿತ್ತು. ಅಕ್ಷಯ ಕುಮಾರ್ ನಾಯಕನಾಗಿ ನಟಿಸಿದ್ದ ಈ ಚಿತ್ರ ಭಾರತದ ರಾವ್ ಏಜೆಂಟ್ ಗಳು ದುಬೈನಲ್ಲಿ ಕವರ್ ಆಪರೇಷನ್ ಮೂಲಕ ಹೇಗೆ ಪ್ರಯಾಣಿಕರನ್ನು ಉಳಿಸಿಕೊಂಡು ಬರುತ್ತಾರೆ ಎಂಬ ಕಥೆಯನ್ನು ಹೊಂದಿತ್ತು.

`ಇಟೆರ್ನಲ್ಸ್' ಮಾರ್ವೆಲ್ಸ್ ಸೂಪರ್ ಹೀರೋ ಚಿತ್ರ ಸರಣಿಗಳಲ್ಲಿನ 25 ನೆ ಚಿತ್ರವಿದು. ಭಾರತದಲ್ಲಿ ನವೆಂಬರ್ ತಿಂಗಳಿನಲ್ಲಿ ಬಿಡುಗಡೆಯಾದ ಈ ಚಿತ್ರ ಅಷ್ಟೇನೂ ನಿರೀಕ್ಷೇ ಮೂಡಿಸಲಿಲ್ಲ.

ದಳಪತಿ ವಿಜಯ್ ಮತ್ತು ವಿಜಯ್ ಸೇತುಪತಿ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದ ಮಾಸ್ಟರ್ ಚಿತ್ರವನ್ನು ಲೋಕೇಶ್ ಕಣಗರಾಜ್ ನಿರ್ದೇಶಿಸಿದ್ದರು. ಬಾಲಾಪರಾಧಿಗಳನ್ನು ಹೇಗೆ ಕ್ರಿಮಿನಲ್ ಕೃತ್ಯಗಳಿಗೆ ಬಳಸಿಕೊಳ್ಳಲಾಗುತ್ತದೆ ಎಂಬುದು ಚಿತ್ರದ ಕಥಾವಸ್ತುವಾಗಿತ್ತು.

ಅಕ್ಷಯ್ ಕುಮಾರ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದ ಸೂರ್ಯವಂಶಿ ಚಿತ್ರವನ್ನು ರೋಹಿತ್ ಶೆಟ್ಟಿ ನಿರ್ದೇಶಿಸಿದ್ದರು. ಕತ್ರೀನಾ ಕೈಫ್ ನಾಯಕಿಯಾಗಿದ್ದ ಈ ಚಿತ್ರದಲ್ಲಿ ಅಜಯ್ ದೇವಗನ್ ಮತ್ತು ರಣವೀರ್ ಸಿಂಗ್ ವಿಶೇಷ ಪಾತ್ರಗಳಲ್ಲಿ ನಟಿಸಿದ್ದರು.

ಮಾನ್‌ಸ್ಟರ್ ಯುನಿವರ್ಸ್ ಚಿತ್ರಗಳಲ್ಲಿ ಒಂದಾದ ಗಾಡ್ಜಿಲ್ಲಾ ವರ್ಸಸ್ ಕಾಂಗ್ ಚಿತ್ರವನ್ನು ಅಡಮ್ ವಿನ್‌ಗಾರ್ಡ್ ನಿರ್ದೇಶಿಸಿದ್ದರು. ಈ ಚಿತ್ರ ಭಾರತ ಮಾತ್ರವಲ್ಲದೇ ಜಗತ್ತಿನಾದ್ಯಂತ ಒಳ್ಳೆಯ ಪ್ರತಿಕ್ರಿಯೆ ಪಡೆಯವುದು ಮಾತ್ರವಲ್ಲದೇ ಒಳ್ಳೆಯ ಗಳಿಕೆ ಕಂಡಿತು.

ಜೀತು ಜೋಸೆಫ್ ನಿರ್ದೇಶನದ ದೃಶ್ಯಂ 2 ಚಿತ್ರ ಮೊದಲ ಭಾಗದಂತೆ ಒಳ್ಳೆಯ ಪ್ರತಿಕ್ರಿಯೆ ಪಡೆಯಿತು. ಸೂಪರ್ ಸ್ಟಾರ್ ಮೋಹನ್ ಲಾಲ್ ಮತ್ತು ಮೀನಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದ ಈ ಚಿತ್ರದ ರಿಮೇಕ್ ದೃಶ್ಯ 2 ಹೆಸರಿನಲ್ಲಿ ಕನ್ನಡದಲ್ಲಿ ಮೂಡಿ ಬರುತ್ತಿದೆ.

ಭಾರತ ಮತ್ತು ಪಾಕಿಸ್ತಾನದ ಯುದ್ಧವೊಂದರಲ್ಲಿ ನಡೆದ ಐತಿಹಾಸಿಕ ಘಟನೆ ಕುರಿತಿರುವ ಈ ಚಿತ್ರವನ್ನು ಅಭಿಷೇಕ್ ದುಡೈಯಾ ನಿರ್ದೇಶನ ಮಾಡಿದ್ದಾರೆ. ಅಜಯ್ ದೇವಗನ್, ಸಂಜಯ್ ದತ್ತ್, ರಾಣಾ ದಗ್ಗುಬಾಟಿ, ಸೋನಾಕ್ಷಿ ಸಿನ್ಹಾ ಮುಖ್ಯ ಪಾತ್ರಗಳಲ್ಲಿ ನಟಿಸಿದ್ದರು.