ಸೌತ್ ಸಿನಿಮಾರಂಗದ ದುಬಾರಿ ಅತ್ಯಂತ ಮದುವೆಗಳಿವು: ಇವರ ಮದುವೆಗೆ ಖರ್ಚಾಗಿದ್ದು ಎಷ್ಟು ಕೋಟಿ ಗೊತ್ತಾ?

ಟಾಲಿವುಡ್‌ನ ಸ್ಟಾರ್ ನಟರಲ್ಲಿ ಅಲ್ಲು ಅರ್ಜುನ್ ಕೂಡ ಒಬ್ಬರು. ಸದ್ಯ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚುತ್ತಿರುವ ಅಲ್ಲು ಅರ್ಜುನ್ ಅವರದ್ದು ಲವ್ ಮ್ಯಾರೇಜ್. ಅಲ್ಲು ಅರ್ಜುನ್ ಹಾಗೂ ಸ್ನೇಹಾ ರೆಡ್ಡಿ ಮದುವೆ 2010 ನವೆಂಬರ್ 26ರಂದು ಹೈದರಾಬಾದ್‌ನ ಶಿಲ್ಪಾಕಲಾ ವೇದಿಕೆಯಲ್ಲಿ ಜರುಗಿತ್ತು. 40 ಛಾಯಾಗ್ರಾಹಕರಿದ್ದ ಇವರ ಮದುವೆಯ ಆಮಂತ್ರಣ ಪತ್ರಿಕೆ ಕೂಡ ದುಬಾರಿ ಆಗಿತ್ತು. ವರದಿಗಳ ಪ್ರಕಾರ, ಅಲ್ಲು ಅರ್ಜುನ್ ಅವರ ಮದುವೆಯ ವೆಚ್ಚ 90 ಕೋಟಿ ರೂಪಾಯಿ.

ಆರ್‌ಆರ್‌ಆರ್ ಸಿನಿಮಾ ಮೂಲಕ ಗ್ಲೋಬಲ್ ಸ್ಟಾರ್ ಆಗಿ ಮಿಂಚುತ್ತಿರುವ ರಾಮ್‌ ಚರಣ್ ಹಾಗೂ ಉಪಾಸನಾ ಜೋಡಿಯ ಮದುವೆ ಕೂಡ ದುಬಾರಿಯಾಗಿತ್ತು. ಇವರ ವಿವಾಹ ಸಮಾರಂಭದಲ್ಲಿ ದಕ್ಷಿಣ ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಪ್ರದರ್ಶಿಸಲಾಗಿತ್ತು.2012ರ ಜೂನ್ 14ರಂದು ಜರುಗಿದ್ದ ಇವರ ವಿವಾಹ ಸಂಬಂಧಿತ ಪ್ರತಿ ಕಾರ್ಯಕ್ರಮಕ್ಕೆ 4 ಸಾವಿರಕ್ಕೂ ಹೆಚ್ಚಿನ ಅತಿಥಿಗಳಿಗೆ ಆಹ್ವಾನ ನೀಡಲಾಗಿತ್ತು. ಇವರ ಮದುವೆಗೂ ಕೋಟಿಗಟ್ಟಲೇ ಖರ್ಚು ಮಾಡಲಾಗಿತ್ತು.

ಕಾಲಿವುಡ್‌ನ ಕ್ಯೂಟ್‌ ಕಪಲ್ ಸೂರ್ಯ ಮತ್ತು ಜ್ಯೋತಿಕಾ ಅವರದ್ದು ಲವ್ ಮ್ಯಾರೇಜ್. 2006ರ ಸೆಪ್ಟಂಬರ್ 11ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದ ಈ ಜೋಡಿ ವಿವಾಹ ಸಮಾರಂಭ ದುಬಾರಿಯಾಗಿತ್ತು. ಜ್ಯೋತಿಕಾ ಮದುವೆಗೆ ಮೂರು ಲಕ್ಷ ಮೌಲ್ಯದ ಉಡುಗೆ ಜೊತೆಗೆ ಡೈಮಂಡ್ ಆಭರಣಗಳನ್ನು ತೊಟ್ಟಿದ್ದರು.

ಸೌತ್ ಸ್ಟಾರ್ ನಟರ ದುಬಾರಿ ಮದುವೆಯಲ್ಲಿ ಜ್ಯೂನಿಯರ್ ಎನ್‌ಟಿಆರ್ ಮದುವೆ ಕೂಡ ಒಂದು. ಇವರ ಮದುವೆ ಸಮಾರಂಭಕ್ಕೆ ಬಹಳ ಅದ್ಧೂರಿ ಸೆಟ್‌ಗಳನ್ನು ಹಾಕಲಾಗಿತ್ತು. ಜ್ಯೂನಿಯರ್ ಎನ್‌ಆಟಿಆರ್ ಪತ್ನಿ ಲಕ್ಷ್ಮೀ ರಾವ್ ಮದುವೆ ಸೀರೆ ಬರೋಬ್ಬರಿ ಒಂದು ಕೋಟಿ ರೂ. ಮೌಲ್ಯದಾಗಿತ್ತು. ಮದುವೆ ಮಂಟಪ ಅಲಂಕಾರಕ್ಕೆ 18 ಕೋಟಿ ರೂ. ಖರ್ಚು ಮಾಡಲಾಗಿತ್ತು. ಈ ಮದುವೆಯ ಒಟ್ಟು ವೆಚ್ಚ 100 ಕೋಟಿ ರೂಪಾಯಿ ಆಗಿತ್ತು.

ಸೌತ್ ಸೂಪರ್ ಸ್ಟಾರ್ ರಜನಿಕಾಂತ್ ಪುತ್ರಿ ಐಶ್ವರ್ಯಾ ಹಾಗೂ ನಟ ಧನುಷ್ ಮದುವೆ ಕೂಡ ಅದ್ಧೂರಿಯಾಗಿ ನೆರವೇರಿತ್ತು. 2004ರ ನವೆಂಬರ್ 18ರಂದು ಈ ಜೋಡಿ ಪ್ರೀತಿಸಿ ಮದುವೆಯಾಗಿತ್ತು. ಈ ಜೋಡಿಯ ಮದುವೆ ದಕ್ಷಿಣ ಭಾರತ ಖ್ಯಾತ ನಟರು ಆಗಮಿಸಿದ್ದರು. ಆದರೆ, 2022ರಲ್ಲಿ  ಐಶ್ವರ್ಯಾ ಮತ್ತು ನಟ ಧನುಷ್ ತಮ್ಮ 18 ವರ್ಷಗಳ ದಾಂಪತ್ಯ ಜೀವನಕ್ಕೆ ಅಂತ್ಯ ಹಾಡಿದರು. ಸದ್ಯ ಈ ಜೋಡಿ ವಿಚ್ಛೇದನ ಪಡೆದಿದೆ.

ಲೇಡಿ ಸೂಪರ್ ಸ್ಟಾರ್ ನಯನತಾರಾ ಹಾಗೂ ವಿಘ್ನೇಶ್ ಶಿವನ್ ಮದುವೆ ಕೂಡ ಅದ್ಧೂರಿಯಾಗಿ ನೆರವೇರಿತ್ತು. 2022ರ ಜೂನ್ 9ರಂದು ಮಹಾಬಲಿಪುರಂನ ಐಷಾರಾಮಿ ರೆಸಾರ್ಟ್‌ನಲ್ಲಿ ಇವರಿಬ್ಬರ ಮದುವೆ ಜರುಗಿತ್ತು. ವಿಘ್ನೇಶ್ ಶಿವನ್ ಅವರು ನಯತಾರಾಗೆ 5 ಕೋಟಿ ರೂ. ಮೌಲ್ಯದ ಉಂಗುರ ಹಾಕಿದ್ದರು. ನಯನತಾರ ಮದುವೆಗೆ 25 ಲಕ್ಷ ರೂಪಾಯಿ ಸೀರೆ ಧರಿಸಿದ್ದರು.